“Wase 18: Na Lawa Ni Lotu: 4 Feperueri 1831,” iTukuni mai na Vunau kei na Veiyalayalati (2002), 67–69
“Wase 18,” iTukuni mai na Vunau kei na Veiyalayalati, 67–69
Wase 18
Na Lawa Ni Lotu
(4 Feperueri 1831)
E solia vei Josefa Simici na Turaga mai Kirtland e dua na ivakatakila bibi. E vakatokai me lawa ni Lotu.
V&V 42: iVakamacala
E tukuna kina na Turaga me ra veituberi ena kosipeli o ira na Yalo dodonu vei ira kecega na tamata. O ira na daukaulotu me ra lesi rawa kina matabete. Me ra tabaki mai vei ira na vakaitutu ena Lotu.
Me ra lako yarua o ira na daukaulotu. Ka dau veituberi mai na iVola Tabu kei na iVola i Momani. Era na dau maxulaka tiko na veitokoni ni Yalo Tabu. Ena tukuna vei ira na Yalo Tabu na veika me ra vakatavulica.
Me ra dauveipapitaisotaki o ira na daukaulotu kivei ira era ciqoma na kosipeli.
Sa tukuna na Turaga me ra dau vakamuria na Vunau e Tini o ira na lewe ni Lotu. Me ra kakua ni laba. Ka dau kua talega ni vosa lasu. Me ra kakua ni kakua ni veivakacacani vei ira na tamata eso. Ka me kua ni ra dau cakava na veika ca.
Sa gadrevi vei ira na Yalo dodonu me ra dau veinanumi, vei ira na tani. E vakatautauvatataki ni da veinanumi vei Jisu.
Sa solia ko Jisu eso tale na ivunau vei ira na Yalo dodonu. Me kakua ni nanuma e dua na Yalo dodonu ni vinaka cake mai vua e dua tale. Me ra dau bula savasava tikoga na Yalo dodonu. Ka dau gugumatua ena cakacaka kecega.
Me ra dau tutaka na Yalo dodonu na nodra qaravi na lewe ni lotu tauvimate. Ko ira na lewe ni matabete me ra dau vakayagataki ena nodra masulaki na tauvimate. Na lewe ni lotu ga era vakabauta, era na vakabulai. Era na sega ni mate ke se bera na nodra gauna.
Me ra kakua ni rerevaka na mate o ira na Yalo dodonu. Sa ka talei vei ira na tamata bula dodonu na nodra sa mate.
Ena solia tikoga na ivakatakila o Jisu vei ira na lewe ni lotu bula dodonu. Me tuberi ira kina veika e vuqa. Era na kila na sala kina bula marau. Sa vakarota na Turaga me ra dau vakamuria na lawa ni Lotu o ira na Yalo dodonu.