“Wase 4: Martin Harris kei na Drauniveva ka Yali: 1827–1828,” iTukuni mai na Vunau kei na Veiyalayalati (2002), 18–21
“Wase 4,” iTukuni mai na Vunau kei na Veiyalayalati, 18–21
Wase 4
Martin Harris kei na Drauniveva ka Yali
(1827–1828)
Eratou vakaloloma vakalevu na vuvale nei Josefa Simici. Sa ka ratou gadreva tu na ilavo. Sa gagadre nei Josefa Simici me vukei iratou na nona vuvale. Me rawata kina e dua na nona cakacaka, e lako kina ki na tikina ko Pennsylvania. Me laki tiko kina kei na dua na turaga ka yacana ko Mr Hale.
E dua na luvei Mr Hale yalewa ka yacana ko Ema. Rau mai veikilai kina ko Josefa kei Ema. Erau sa mani veivinakati ka vakamau. Sa qai rau biuta me rau laki tiko ena vale nei Josefa. Me dau vukei tamana tiko kina ko Josefa ena iteitei.
E levu na tamata era sa kila ni tiko vei Josefa na peleti koula. Sa nodra gagadre me ra butakoca. Era sa dau veivakasegai vei Josefa na tamata. Sa veikauyaki na italanoa lasu eso me baleti Josefa kei iratou na lewe ni nona vuvale.
Ena kena rui veitenei na leqa e yaco vei iratou, rau sa mani nanuma kina ko Josefa kei Ema me rau sa toki. Sa rau nanuma me rau toki ki Pennsylvania. Me rau laki toka volekati iratou na vuvale nei Ema. Na leqa ga ni sega na ilavo me vukei Josefa kei Ema ena ilakolako oqo.
Josefa Simici—Ai Tukutuku 1:61
E tiko veitikivi kei Josefa Simici e dua na turaga ka yacana ko Martin Harris. Sa vakaiteitei levu ko Martin Harris. E levu talega vua na ilavo. Sa qai lomani Josefa kei Ema ko Martin Harris. Me solia kina vei rau na ilavo me vukei rau ena nodrau toki. Rau sa qai lako ki Pennsylvania ko Josefa kei Ema.
Sa tekivu vakadewataka ko Josefa na lewe ni peleti koula. E sega ni kila ko Josefa na kena ibalebale na matanivola ka volai tu. Sa vukei koya na Kalou. Ni qai vakayagataka ko Josefa na CJrimi kei na Cumimi me kila kina na vosa. E rawa ni da wilika na veika e vakadewataka. E vakatokai me iVola i Momani.
Sa muri ki Pennsylvania ko Martin Harris. Me laki vukei Josefa ena vakadewa vosa. Sa dau wilika ko Josefa na vosa mai na peleti koula. E qai vola ena pepa ko Martin. E rau sa vakadewataka rawa e 116 na drauniveva ni iVola i Momani.
Sa gadreva o Martin Harris me kauta ki vale na 116 na drauniveva. E vinakata me ratou raica na nona vuvale. Sa qai kerea na Turaga o Josefa me vakadonuya mai me kauta o Martin. Sa bureitaka na Turaga. E qai kerea tale o Josefa. Sa bureitaka vakarua na Turaga.
Se cike tikoga ko Martin me kauta ki vale na drauniveva oqori. E mani kerea tale ko Josefa. Ena gauna oqo, sa qai vakadonuya na Turaga me kauta o Martin na drauniveva ki vale. Sa kaya na Turaga ni rawa me kauta ki vale ko Martin na drauniveva me laki vakaraitaka vei iratou na lewe ni nona vuvale. Me kua ga ni vakaraitaka vei ira na tani.
Sa yalataka ko Martin me muria na vosa ni Turaga. E mani kauta ki vale na drauniveva. Ka sega ni nanuma na nona yalayala. Me qai vakaraitaka kina na drauniveva vei ira na tani. Ka qai biuta vakatikitiki na drauniveva.
Sa qai laki raica e muri ko Martin na drauniveva. Ka vakasaqara ena veivanua kece. E sega sara ni bau kunea. Sa yali vakadua na drauniveva.
Sa lomaleqataka vakalevu ko Josefa na yali ni drauniveva. Me dredre kina ni moce.
Sa vosa vei Josefa o Jisu. E kaya ni sa vakayacora o Martin e dua na itovo ca. E a yalataka o Martin me muria na Turaga. E sega ni maroroya o Martin na nona iyalayala. Sa yali gona kina na drauniveva mai na iVola i Momani. Ena sega ni taurivaki Martin me veivuke tale ena vakadewavosa.
V&V 3:12–14
E kaya o Jisu ni vinakata ko Setani me yali na 116 na drauniveva. Sa tiko sara vei ira na tamata ca. O Setani kei ira na tamata ca era via tarova na cakacaka ni Kalou. Era sega ni vinakati ira na tamata me ra vakabauta na iVola i Momani. Sa tukuna o Jisu ni nasega ni tarova o Setani na cakacaka ni Kalou. Era na sega ni tarova na cakacaka ni Kalou ko ira na tamata ca.
V&V 10: Preface, V&V 10:8, 12, 22–29, 33, 43
Sa tukuna ko Jisu vei Josefa me kua ni leqataka na itukutuku mai na drauniveva ka yali. E volai talega ena dua tale na iwasewase ni peleti koula. Sa tukuna vei Josefa ko Jisu me vakadewataka e dua tale na iwasewase ni peleti koula. Me rawa ni ra wilika kina na iVola i Momani ko ira na tamata vinaka. Era na vakabauta kina ni dina na iVola i Momani. Ka na vulica kina na kosipeli.