“Wase 42: Far West, Missouri: Janueri–Jiulai 1838,” iTukuni mai na Vunau kei na Veiyalayalati (2002), 161–63
“Wase 42,” iTukuni mai na Vunau kei na Veiyalayalati, 161–63
Wase 42
Far West, Missouri
(Janueri–Jiulai 1838)
Era sega ni veivutuni ko ira na tamata ca e Kirtland. Ka gadreva me ra vakamatei Josefa Simici. Me biuti Kirtland kina o Josefa. Sa vulaililiwa ka batabata dina. Era vakamuri koya o ira na nona meca. Ka vakaiyaragi tu ena dakai kei na isele me ra vakamatei koya kina.
Sa vuni matua sara o Josefa. Ka taqomaki koya na Turaga me ra ka kua ni raici koya o ira na nona meca. Sa moce vata kei ira na nona meca ena dua na bogi ena dua na vale. Era sega ni kila ni tiko e kea.
E dua na siga e lako siviti ira e gaunisala. Era raici koya vinaka. Ka sega ni kilai koya.
Sa lakova e drau na maile. Ka yaco ki Far West e Missouri. Era sa marau ko ira na Yalo dodonu mai Missouri ena nodra raici koya.
Era sega ni muria tiko na ivunau ni Kalou eso vei ira na iliuliu mai Missouri. Ka dredre me ra veivutuni. Ni ra rarawataki Josefa. Ka ni ra gadreva me ra vakaiyau.
Sa rarawa vakalevu ko Josefa. Era nona itokani mai liu. Era sa muduki tani mai na Lotu ko Oliver Cowdery, David Whitmer, kei ira e so tale. Ka ra sa bokoci mai na Lotu i Jisu Karisito.
Era sa digitaki e so tale me ra iliuliu ni Lotu e Far West.
Sa qai lako o Josefa Simici ki na dua na vanua voleka e Far West. E tukuna ni oqo na vanua o Atama-Onitai-Amani. Sa vanua vakamareqeti. Ni rau a veivosaki kina o Jisu kei Atama ka vakalougatataki koya tale ga kina. Sa vakalougatataki ira talega na luvena o Atama e Atama-Onitai-Amani. Ena dua na siga, era na soqoni tale e kea o ira na bula dodonu kei rau o Jisu kei Atama.