Wase 12

Na Kaulotu nei Samuela Simici

(Jiune 1830)

E taci Josefa Simici o Samuela Simici. E tukuna o Josefa ni gadreva o Jisu me kaulotu o Samuela. Sa imatai ni daukaulotu ko Samuela Simici ena Lotu.

Sa gadreva me veituberi vei ira na tamata o Samuela ena vuku ni kosipeli. E gadreva me vakaraitaka vei ira na iVola i Momani. Sa mani tovolea me volitaka na ivola vei ira na tamata. E sega ga ni dua vei ira e gadreva me wilika. Sa rarawa sara kina ko Samuela.

E dredre vakalevu na nona ilakolako ni kaulotu o Samuela. Sa dau viakana ena vuqa na gauna. Eso tale na gauna, e dau sega na vanua me moce kina. Ka qai leqa talega ni so era dau vakalolomataki koya.

E volitaka o Samuela e duabulu na iVola i Momani kivei Phineas Young. Sa qai wilika o Phineas na ivola. Ka qai solia na iVola i Momani kivei tacina. Na yaca i tacina o Brigham Young.

Sa wilika na iVola i Momani o Brigham Young. Sa vakadinadinataka sava na ivola. Ka vulica kina na kosipeli i Jisu Karisito. Erau laki talanoataka ko Phineas kei Brigham Young na iVola i Momani vei ira na nodrau itokani. Me ra wilika talega ko ira na nodrau itokani. Rau qai curu kina Lotu o Phineas kei Brigham Young, kei ira talega na nodrau itokani.

E qai parofita e muri ni Lotu o Brigham Young. Sa dau vukei ira na Yalo dodonu. E dua o koya na iliuliu vinaka.

Sa lesu tale ki vale o Samuela Simici. E sega ni vakabauta o koya ni yaga kina Lotu na nona kaulotu. E sega ni kila ni dua na siga, ena lesi me parofita o Brigham Young.

E laki vakacegu ko Samuela ena dua na bogi ena icili ni vulagi. Ka qai kerei koya na kena itaukei me volia e dua na iVola i Momani. E tarogi Samuela na itaukei ni icili se kauta mai vei na ivola. E qai sauma ko Samuela ni a vakadewataka ko tacina mai na peleti koula

Sa rarawa sara vakalevu na itaukei ni icili ni vulagi. E kaya ni lasu tiko ko Samuela. Sa vakasevi koya tani mai na icili.

E moce ena bogi koya o Samuela ena ruku ni dua na vu ni apolo.

E muri sa qai solia tale ko Samuela e dua na iVola i Momam ki na iliuliu ni dua tale na lotu. Sa rau qai wilika kei watina o koya na iliuliu ni lotu oqo. Ka rau sara kila na kena bibi.