iTalanoa ni iVolanikalou

Wase 1: Josefa Simici kei na Nona Vuvale: 1805–1820

“Wase 1: Josefa Simici kei na Nona Vuvale: 1805–1820,” iTukuni mai na Vunau kei na Veiyalayalati (2002), 6–8

“Wase 1,” iTukuni mai na Vunau kei na Veiyalayalati, 6–8

Wase 1

Josefa Simici kei na Nona Vuvale

(1805–1820)

Joseph Smith as young boy — Ko Josefa Simici e sucu ena i ka 23 ni Tiseba 1805. Eratou vakaitikotiko na nona vuvale e Vermont. Ko Vermont e dua na tikina e Amerika. Na yaca i tamana talega ko Josefa. Na tinana ko Lucy.

Joseph and his siblings — E ono na taci Josefa ka tolu na ganena. E dua na tacina e qai mate.

Joseph’s family working — E tama vinaka ka tina vinaka ko Josefa. Erau dau lomani iratou na luvedrau. E rau dau gugumatua me baleti iratou na luvedrau.

Joseph in bed — Ni se lailai ko Josefa, e a mosi vakalevu sara na yavana. Era qarava na vuniwai, e sega ga ni vinaka na yavana.

Hyrum sitting beside Joseph’s bed — E tuakai Josefa ko Hyrum Smith. E daulomani Josefa vakalevu. E rarawataka vakalevu ko Hyrum ni mosi voli na yava i Josefa. Sa dau dabe ena yasa ni idavodavo nei Josefa. Me dau saga tiko me bula vinaka cake ko Josefa.

Lucy Mack Smith with Joseph — Era vakarota ko ira na vuniwai me musu na yava i Josefa. Sa bureitaka sara ko tinana. Sa qai lewai me tikici laivi na nona sui. E kila ko Josefa ni na mosi vakalevu vua na nodra cakacaka na vuniwai. E tu vua na vakabauta. E kila deivaki ni na vukei koya ko Tamada Vakalomalagi.

Joseph and his mother — Era sa kerei Josefa ko ira na vuniwai me gunuva eso na waini me vakamalumutaka na mosi ni yavana. Sa sega ni vinakataka ko Josefa me gunuva na waini. Sa kerei tinana ko Josefa me curu mada ki tuba. E sega ni vinakata me raica ko tinana na nodra seleta na vuniwai na lewe ni yavana.

doctors operating on Joseph’s leg — Sa kerei tamana ko Josefa me vesuki koya vinaka. Sa seleti rawa kina na yava i Josefa mai vei ira na vuniwai. Era qai tikica tani mai na nona sui na tikina ca. E mosi sara vei Josefa. Sa yalokaukauwa ga. E qai vinaka cake na yavana ni oti tale e vica na siga.

log cabin — Ni sa qase cake ko Josefa, eratou qai toki ki New York ko iratou na nona vuvale. E ratou qai tiko ena dua na vale kau voleka kina iteitei ena tikina ko Palmyra.

Lucy Mack Smith washing clothes — Eratou dravudravua na vuvale i Josefa. Me ratou dau gumatuataka na kena saumi lesu na nodratou iteitei. Eratou vukei tamadratou ko iratou na gone tagane ena kena teivaki na kakana. Me ratou qarava talega na nodratou manumanu. Eratou vukei tinadratou ko iratou na goneyalewa.

Joseph stick-pulling with brother — Ko Josefa e dua na gone vinaka. E dau mamarau. Sa dau vinakata na veiwali ka me veilasamaki tiko.