“Wase 14: Na Parofita kei na iVakatakila Eso me Baleta na Lotu: Sepiteba 1830,” iTukuni mai na Vunau kei na Veiyalayalati (2002), 56–57
“Wase 14,” iTukuni mai na Vunau kei na Veiyalayalati, 56–57
Wase 14
Na Parofita kei na iVakatakila Eso me Baleta na Lotu
(Sepiteba 1830)
Sa rau toki ki New York o Ema kei Josefa Simici. Oqo na nona itikotiko nei Hiram Page. E lewe ni Lotu. Sa tiko vua e dua na vatu. E kaya voli ni vatu koya e vukei koya ena ivakatakila me baleta na Lotu.
Sa vuqa sara na lewe ni Lotu era vakabauti Hiram Page. E vakabauti koya talega o Oliver Cowdery. Ni sa lewe levu era vakabauta ni parofita o Hiram.
V&V 23: iVakamacala
Sa tarogi Josefa o Oliver me baleti Hiram Page. Sa qai masulaka o Josefa. E qai solia o Jisu vei Josefa e dua na ivakatakila me baleti Oliver Cowdery. E kaya kina ni duabau ga ena ivurevure ni ivakatakila kina Lotu. Oqori o Josefa Simici na parofita.
Sa tukuna ko Jisu ni rawa ni da kunea na ivakatakila me baleti keda yadua. Na parofita ga ena idewadewa tiko ni ivakatakila kina Lotu raraba. Sa vakabauti Josefa o Oliver. E sa qai kasamitaka na cala ni ivakatakila nei Hiram Page.
Sa qai tukuna vei Oliver o Jisu me vosa vei Hiram Page. Ka tukuna kina ko Oliver vei Hiram ni nona ivakatakila e sega ni vu mai vua na Kalou. Era sa vu mai vei Setani.
Sa tukuna ko Oliver ni lawakitaki Hiram Page o Setani. Sa rogoci Oliver ko Hiram. Sa qai veivutuni.
E duabau ga na tamata ena ivuvu ni ivakatakila kina Lotu. Oqori o koya na Peresitedi ni Lotu. Sa iliuliu ni Lotu o koya. E parofita ni Kalou. Me ra dau talairawarawa vua ko ira na lewe ni Lotu.