“Wase 49: Na iSoqosoqo ni Lotu e Nauvoo: Janueri–Jiulai 1841,” iTukuni mai na Vunau kei na Veiyalayalati (2002), 183–84
“Wase 49,” iTukuni mai na Vunau kei na Veiyalayalati, 183–84
Wase 49
Na iSoqosoqo ni Lotu e Nauvoo
(Janueri–Jiulai 1841)
Era tiko e Nauvoo, Illinois o Josefa Simici kei ira e vuqa tale na Yalo dodonu. Sa vakatakila tale o Jisu e vuqa na ivakatakila bibi vei Josefa. Me tukuna na nona marau ena vuku ni veika e vakayacora o Josefa. E vakarota o Jisu ni dodonu me vakaraitaki vei ira na tui kei na iliuliu kei vuravura na kosipeli.
Sa gadreva o Jisu me ra tara na Yalo dodonu e dua na vale tabu e Nauvoo. Ka vakaroti ira kina na Yalo dodonu me ra soli koula kei na siliva me baleta na vale tabu. Ka vakarautaka mai na veimataqali kauvaro me tara kina na vale tabu.
Sa kaya o Jisu ni na sikova yani na vale tabu. Me laki solia kina na ivakatakila me baleta na nona lotu kei na matabete.
Sa vakaroti Josefa o Jisu me ra papitaisotaki na Yalo dodonu ena vukudra na mate. Sa vakarota kina me tara na tobu me baleta na papitaiso. Me ra papitaisotaki kina ena vukudra na mate.
Sa kaya o Jisu ni lomani Hyrum, na taci Josefa. E qai Peteriaki ni Lotu o Hyrum Smith. Me soli veivakalougatataki kina vei ira na Yalo dodonu.
Sa qai solia vei Josefa o Jisu e dua na ivakatakila me baleti Brigham Young. Sa vakaraitaka kina o Jisu na nona lomani Brigham Young. Sa kila ni sa dau vosota vagumatua o Brigham Young na veika ni Lotu. Ka sa tutani vakawasoma mai nona vale ena ilakolako vakaulotu. Ni dau biuti iratou na nona vuvale ena vuqa na gauna.
Sa vakaroti Brigham Young kina na Turaga me tiko ga kei iratou na nona vuvale. Ka taqomaki iratou tiko.