“Wase 64: Na Lotu i Jisu Karisito Edaidai,” iTukuni mai na Vunau kei na Veiyalayalati (2002), 236–37
“Wase 64,” iTukuni mai na Vunau kei na Veiyalayalati, 236–37
Wase 64
Na Lotu i Jisu Karisito Edaidai
Sa sivi e vica vata na yabaki mai na gauna e tauyavu kina na Lotu mai Fayette, e New York. Ena gauna oqori sa tubu sara kina vakalevu na Lotu. Era sa sarava tiko eso ena 1830, ni ratou tauyavutaka na Lotu e lewe ono.
Era sa lakova yani na veivanua o ira na daukaulotu me ra laki veituberi kina ena kosipeli. Era sa dau rogoci ko ira na daukaulotu. Ka vakabauta na kosipeli me ra lewena kina na Lotu. Edaidai sa vica vata na milioni na lewe ni Lotu. Era dui tu ena veiyasa i vuravura. Era duivosavosa. Sa ka marautaki vei ira na nodra lewena na Lotu.
E nai ka 6 ni Epereli 1980, sa vakananumi kina tauyavu ni na Lotu. Sa mai yabaki 150. E dua sara na kena lotuvata bibi. E yaco kina ena dua vata ga na gauna e rua na lotu. E dua mai Fayette, e New York. E tiko kina na parofita Spencer W. Kimball, ena dua na vale e tara me vaka na vale nei Peter Whitmer.
Na ikarua ni soqoni e vakayacori ena valecavu mai Lake City. Era donuya yani e udolu na tamata. Sa vosa kina o Spencer W. Kimball vei ira na Yalo dodonu ena iretioyaloyalo. Ka vakatabuya kina na vale nei Peter Whitmer. Era sa marau na lewe ni Lotu e vuqa ni ra rogoca ka raica na parofita. Sa levu na nodra kalougata ko ira na lewe ni Lotu. E dodonu me da marautaka na noda lewena na Lotu i Jisu Karisito me baleti Ira na Yalo Dodonu e na Gauna Oqo. E tiko na noda parofita me tuberi keda.