Missouri River

Campfire on the MIssouri, jān Bryan Mark Taylor

Māe 31–Juun 6

Katak im Bujen Ko 60–62

“Aolep Kanniōk Repād ilo Peiū”

Keememej bwe m̧aanjabpopo eo am̧ em̧m̧an tata n̄an katakin katak im Bujen Ko 60–62 enaaj itok jān ekkatak eo am̧ im an baam̧le eo kōn jekjōn kein.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Leļo̧k n̄an kajjjojo ajri iien n̄an kwaļo̧k juon men eaar ekkatak jān jeje ko rekwojarjar ilo wiik eo ej jem̧lo̧kļo̧k ak jān kūlaaj eo an Būraimere āliktata. Ālkin an kajjojo ajri kwaļo̧k, kajjitōk ippān bar juon ajri ilo kūlaaj eo n̄an ba ilo tukadu in ta eo eaar ba.

pija in katakin

Katakin Katak eo: Ajri ro Reddikļo̧k

Katak im Bujen Ko 60:4; 61:1–2, 36; 62:1

Jeje ko rekwojarjar rej katakin eō kōn Jisōs Kraist

Katak im Bujen Ko 60–61 epād ie elōn̄ ennaan ko me remaron̄ jipan̄ ajri ro kwoj katakin er meļeļe won eo Jisōs Kraist im kōļapļo̧k iakwe eo aeer n̄an E.

M̧akūtkūt ko Maron̄ Kōm̧m̧ani

• Kwaļo̧k juon pija in Jisōs Kraist, im kajjitōk ippān ajri ro etke rej iakwe Jisōs. Bōk jejjo eoon ko jān Katak im Bujen Ko 60–62 me rej katakin eok kōn Rilo̧mo̧o̧r eo, im kwaļo̧ki ippān ajri ro (lale, n̄an waanjon̄ak, Katak im Bujen Ko 60:4; 61:1–2, 36; 62:1). Jipan̄ ajri ro bar āliji eoon ko ippam̧. Kwaļo̧k ekōjkan am̧ en̄jake kōn Jisōs Kraist

• Kwaļo̧k jejjo pija ko kōn Jisōs jān jerbal in karejar eo An ilo laļ in (lale Bok In Gospel Pija, nōm̧. 34–61). Kōm̧m̧an bwe ajri ro ren jipan̄ eok kōmeļeļeik ta eo Jisōs ej kōm̧m̧ane ilo pija ko. Ekōjkan An kwaļo̧k An iakwe n̄an ajri ro nejin Jemedwōj Ilan̄? Jiron̄ ajri ro kōn juon iaan eoon ko rem̧m̧an tata ippam̧ me ej katakin kōn Jisōs.

• Al ippān ajri ro “I’m Trying to Be like Jesus” (Children’s Songbook, 78–79; lale barāinwōt sing-along pija in alooj eo ilo ChurchofJesusChrist.org). Ilo ami al kōn wāween ko n̄an erom āinwōt Jisōs, kameļļo̧k am̧ bōjrak im kajjitōk ippān ajri ro n̄an kadedeļo̧k jentōn eo “Imaron̄ āinwōt Jisōs kōn …”

  jerkakpeje Rilo̧mo̧o̧r

  For This Purpose I Have Come, jān Yongsung Kim

Katak im Bujen Ko 62:3

Jisōs Kraist ej kōņaan bwe jen kwaļo̧k gospel eo An.

Ajro ro rej iakwe n̄an kwaļo̧k ta eo rejeļā ippān ro jet. Jipan̄ er meļeļe bwe n̄e rej kwaļo̧k ta eo rejeļā kōn gospel eo, Jemedwōj Ilan̄ ej m̧ōņōņō ippāer.

M̧akūtkūt ko Maron̄ Kōm̧m̧ani

• Kōmeļeļeik bwe Irooj eaar kajjitōk ippān Rikanaan Josep Smith im ritōl ro jet an Kabun̄ in n̄an ilo̧k n̄an Kirtland, Ohio, n̄an Jackson County, Missouri. Eaar kajjitōk ippāer n̄an kwaļo̧k gospel eo ilo iaļ eo ļo̧k im ilo aer bar jepļaakļo̧k m̧weo m̧weer. Riiti Katak im Bujen Ko 62:3, im kajjitok ippān ajri ro n̄an ron̄jake ta eo mijenede ro raar kōm̧m̧an me ekar kam̧ōņōņōik Irooj. Kam̧ool bwe Irooj ej m̧ōņōņō ippād n̄e jej kwaļo̧k gospel eo ippān ro jet.

• Jipan̄ ajri ro kōm̧m̧an pāāj ko me rej kwaļo̧k bwe rej kōņaan erom mijenede ro an Kabun̄ in. Kōm̧m̧an bwe ren kōņan pāāj ko aer im kōmālmel kwaļo̧k naan in kam̧ool ko aer ippān doon.

• Al ippān doon juon al kōn kwaļo̧k gospel eo, eo āinwōt “I Want to Be a Missionary Now” (Children’s Songbook, 168). Jipan̄ ajri ro ļōmņak kōn ta eo remaron̄ ba eļan̄n̄e juon ekar kajjitōk ippāer ta eo rej iakwe kōn Jisōs Kraist im Kabun̄ eo An. Kajjitōk ippāer n̄an jin̄aiki pija ko kōn men ko rej iakwe kōn gospel eo an Kraist.

pija ej bōk jikin katakin

Katakin Katak ko: Ajri ro Rerūttoļo̧k

Katak im Bujen Ko 60:7, 13; 62:3, 9

Imaron̄ kōpeļļo̧k lo̧n̄iū n̄an kwaļo̧k gospel eo an Jisōs Kraist.

Naan in kam̧ool eo an juon ajri emaron̄ in kajoor in wōt eo an juon rūtto, kōnke kajoor in naan in kam̧ool ej itok ejjab jān iiō eo an juon armej ak jeļā eo an bōtaab jān Jetōb Kwojarjar. Jipan̄ ajri ro bōk lōke eo me remaron̄ kōpeļļo̧k lo̧n̄ier im kwaļo̧k ippān ro jet ta eo rejeļā ej m̧ool.

M̧akūtkūt ko Maron̄ Kōm̧m̧ani

• Ta kōjeraam̧m̧an ko Irooj ekar kallim̧ur kaki ilo Katak im Bujen Ko 60:7; 62:3, 9 n̄an ro me rej kwaļo̧k gospel eo An? Ekōjkan an kwaļo̧k gospel eo kōjeraam̧m̧an ro jet? Ļōmņak in kwaļo̧k juon en̄jake jān mour eo am̧ ke kwar kwaļo̧k gospel eo—ta kōjeraam̧m̧an ko raar itok jān kijejeto ko am̧? Kajjitōk ippān ajri ro n̄an kwaļo̧k jabdewōt en̄jake ko ekar wōr aer. Komaron̄ barāinwōt al juon al kōn jerbal in mijenede, eo āinwōt “Go Forth with Faith” (Hymns, nō. 263), im kōnono kōn kōjeraam̧m̧an ko kar kōnono kaki ilo al eo.

• Jipan̄ ajri ro kōmālmel kōn jekjek ko me remaron̄ kwaļo̧k gospel eo ippān ro m̧ōttaer. N̄an waanjon̄ak, ta eo renaaj kar ba eļan̄n̄e juon ekar kajjitōk ippāer etke rej etal n̄an jar? Ak ta eo eļan̄n̄e juon m̧ōttaer ekar lo aer kōņak juon riin̄ CTR ak riiti Bok in Mormon im kar kajjitōk kajjitōk ko? Ta eo renaaj kar ba?

Katak im Bujen Ko 60:7; 61:1–2, 36; 62:1

Irooj ej kōņaan jeorļo̧k aō bōd eļan̄n̄e ij ukweļo̧k.

Josep Smith im ritōl ro jet an Kabun̄ in raar jab weppān. Jet iien rej iakwelel im raar jab kijenmej (lale “Ezra Booth and Isaac Morley,” Revelations in Context, 133). Bōtaab Irooj eaar meanwōd n̄an er im iien otemjej kar leļo̧k jeorļo̧k bōd eļan̄n̄e rekar ukweļo̧k.

M̧akūtkūt ko Maron̄ Kōm̧m̧ani

• Riiti ippān ajri ro Katak im Bujen Ko 60:7; 61:2, im kajjitōk ippāer n̄an kappukōt naan ko me eoon kein ewōr juon men ewōr ippāer jim̧or. Kakeememej ajri ro bwe revelesōn kein kar liļo̧k n̄an Josep Smith im ritōl ro jet an Kabun̄ in. Ta eo Irooj ekar kōņaan bwe ren jeļā? Ta eo jej ekkatak jān eoon kein kōn ekōjkan an Rilo̧mo̧o̧r eo en̄jake kōn kōj n̄e jej kōm̧m̧ani bōd ko?

• Je Ta Jisōs Kraist? ioon boot eo. Riiti ippān doon Katak im Bujen Ko 61:1–2, 36; 62:1, im kōm̧m̧ane juon laajrak in kajjitōk ko n̄an kajjitōk in bwe ajri ro ren kappukōt ilo eoon ko. Ekōjkan an m̧wil kein ioon boot eo jipan̄ kōj meļeļe etke Rilo̧mo̧o̧r eo ej m̧ōņōņō in jeorļo̧k ad bōd? Ta wāween ko jemaron̄ ļoor waanjon̄ak eo An?

Katak im Bujen Ko 60:5; 61:22; 62:5–8

Irooj ekōņaan bwe in kōjerbal anemkwoj in kāālet eo aō im Jetōb eo An n̄an kōm̧m̧ane kāālet ko rem̧m̧an.

Ekōjkan am̧ maron̄ kōjerbal eoon kein n̄an katakin ajri ro ekōjkan an Irooj jipan̄ er kōm̧m̧ane kāālet ko rem̧m̧an?

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an kōnono kōn juon iien ke raar aikuj in kar kōm̧m̧ane juon jokāālet. Ekōjkan aer kar jokāālet ta eo rej kōm̧m̧ane? Riiti ippān doon Katak im Bujen Ko 62:5, 7–8 n̄an ekkatak kōn ta eo Irooj eaar ba n̄an elder ro me raar pojak in em̧m̧akūt jān Missouri n̄an Kirtland, Ohio. Ta kāālet ko raar aikuj in kōm̧m̧ani kōn em̧m̧akūt eo aer? Ta eo Irooj em̧ōj an kar letok n̄an kōj n̄an jipan̄ kōj kōm̧m̧ani kāālet ko? Jiron̄ ajri ro kōn ekōjkan am̧ kar kōjerbal tōl eo an Jetōb im ekajet eo am̧ em̧m̧an tata n̄an kōm̧m̧ani jokāālet ko.

• Ajije kūlaaj eo n̄an jilu kumi ko, im kajjitōk ippān kajjojo kumi n̄an riiti juon iaan eoon kein, eo me Irooj ekar kōmeļeļeik jet mijenede ro kōn ekōjkan kakūrm̧ool mijen ko aer: Katak im Bujen Ko 60:5; 61:22; 62:5. Ta eo jej kile kōn kōmeļeļe eo an Irooj ilo eoon kein? Etke jet iien em̧m̧an n̄an kōj n̄an kōjerbal ekajet eo ad make ijello̧kin kōttar kōn kōmeļeļe ko rein juon jān Anij ilo aolep kajjitōk ko?

pija ej bōk jikin ekkatak

Kōketak Ekkatak ilo M̧weo

Kajjitōk ippān ajri ro n̄an kōmālmel kwaļo̧k gosepl eo ippān juon uwaan baam̧le eo. N̄an waanjon̄ak, remaron̄ kwaļo̧k juon men raar ekaktak ilo Būraimere.

Kōkōm̧anm̧anļo̧k Ad Katakin

Kwaļo̧k naan in kam̧ool eo am̧ ilo kūlaaj eo am̧. Kōmakijkij kwaļo̧k naan in kam̧ool eo am̧ enaaj jipan̄ ajri ro kwoj katakin er bōk naan in kam̧ool ko aer make. Juon naan in kam̧ool emaron̄ ļōmwaan āinwōt “Ijeļā bwe Jemedwōj Ilan̄ ej iakwe kōj kajjojo” ak “Ij en̄jake aenōm̧m̧an ilo aō ekkatak kōn Jisōs Kraist.”

peij in m̧akūtkūt eo: Imaron̄ kwaļo̧k gospel eo