Kraist im rim̧weie eo edik,

Christ and the Rich Young Ruler, jān Heinrich Hoffman

Juļae 19–25

Katak im Bujen Ko 81–83

N̄e “Eļap Ijo Kar Leļo̧k Eļap Ijo Aikuji”

Ekōjkan an revelesōn ko ilo maron̄ Katak im Bujen Ko 81–83 jipan̄ ajri ro kwoj katakin er n̄an kōm̧m̧an em̧m̧an ibwilijin baam̧le eo aer im ro m̧ōttaer?

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Kajjitōk ippān ajri ro n̄an kwaļo̧k juon men eo raar kōm̧m̧ane n̄an jipan̄ juon ilo wiik in. Ekōjkan an jerbal n̄an ro jet jipan̄ kōj eromļo̧k āinwōt Rilo̧mo̧o̧r?

pija in katakin

Katakin Katak eo: Ajri ro Reddikļo̧k

Katak im Bujen Ko 81:3

Ij aikuj jar aolep iien.

Ke Irooj ekar kūr Frederick G. Williams n̄an erom juon rikakpilōklōk n̄an Rikanaan Josep Smith, Eaar kōkapilōklōk Frederick n̄an “tiljek … ilo jar aolep iien.”

M̧akūtkūt ko Maron̄ Kōm̧m̧ani

• Riiti n̄an ajri ro kōkapilōklōk eo an Irooj n̄an “tiljek … ilo jar aolep iien, ilo ainikien im ilo būruōm̧” (Katak im Bujen Ko 81:3). Kōmeļeļeik ta meļeļe in n̄an jar ilo būruōd, im kwaļo̧k juon am̧ make waanjon̄ak. Jipan̄ ajri ro ļōmņak kōn iien ko ke raar maron̄ jar “ilo lo̧bwilej im ilo ittiņo.”

• Katakin ajri ro ekōjkan kilen jar. Kōmejajaik bwe remaron̄ kam̧m̧olol Jemedwōj Ilan̄ kōn kōjeraam̧m̧an ko aer im kajjitōk Ippān kōn ta eo rej aikuji. Al juon al kōn jar, eo āinwōt “I Thank Thee, Dear Father” (Children’s Songbook, 7), maron̄ jipan̄ ajri ro jeļā ta eo ren ba ilo jar ko aer. Leļo̧k n̄an kajjojo ajri iien n̄an ba juon jar ekadu.

• Kajjitōk ippān ajri ro n̄an ļōmņak kōn men ko remaron̄ kam̧m̧oolol Jemedwōj Ilan̄ kake ak kajjitōk Ippān kake. Kōm̧m̧an bwe ren jin̄aik pija ko kōn men kein im kwaļo̧ki ippān kūlaaj eo.

Katak im Bujen Ko 81:5; 82:19

Imaron̄ jerbal n̄an ro me ipeļaakū.

Jemedwōj Ilan̄ ejeļā aikuj ko ko an kajjojo ajri ro Nejin, im E emakijkij an kōjerbal armej ro jet—āinwōt ajri ro kwoj katakin er—n̄an jipan̄ kake aikuj ko. Ekōjkan am̧ maron̄ jipan̄ ajri ro kile aikuj ko an ro jet im jerbal n̄an er?

M̧akūtkūt ko Maron̄ Kōm̧m̧ani

• Riiti Katak im Bujen Ko 81:5 n̄an ajri ro, im jipan̄ er meļeļe eoo ko āinwōt “rie ro reban” im “kotak lōn̄ļo̧k pā ko rej allitoto.” Kōm̧m̧an bwe ren kōm̧m̧an kōļ kōn wāween ko jemaron̄ kōm̧m̧ane ta eo Irooj ej kajjitōk kake ilo eoon kein. Kōjerbal pija ko ak pija in alooj ko n̄an kwaļo̧k bwebwenato ko reļem waan kōn an Jisōs Kraist jerbal n̄an ro jet (lale Bok In Gospel Pija, nō. 41, 42, 46, 47, 55; biblevideos.ChurchofJesusChrist.org). Ekōjkan ad maron̄ ļoor waanjon̄ak eo an Rilo̧mo̧o̧r eo kōn jipan̄ ro jet?

• Al eoon eo kein kemen in“I Feel My Savior’s Love” (Children’s Songbook, 74–75) ak bar juon al kōn jerbal in jipan̄. Ba kōn juon iien me juon ekar jipan̄ eok en̄jake iakwe eo an Rilo̧mo̧o̧r eo kōj jerbal n̄an eok.

• Riiti Katak im Bujen Ko 82:19 n̄an ajri ro, kōmejajaik eoon eo “kappukot ļapļo̧k eo an eo riturun.” Kōmeļeļeik bwe ej meļeļe in kōm̧m̧ani men ko me rejipan̄ ro rūtudid—ekoba baam̧le eo ad. Jipan̄ ajri ro ļōmņak kōn wāween ko remaron̄ jerbal n̄an juon ilo wiik in.

  ļaddik ro rej kōb

  Anij ej kajjitōk ippād n̄an jerbal n̄an ro jet n̄an kwalo̧k ad iakwe n̄an E.

Katak im Bujen Ko 82:10

Anij ej kallim̧ur kōn kōjeraam̧m̧an ko n̄e ij pokake E.

Ilo aer rūttoļo̧k, ajri ro remaron̄ kōļmenļo̧kjeņ etke Anij ej letok n̄an kōj ekanooj lōn̄ kien ko. Komaron̄ jipan̄ ajri ro meļeļe bwe Ej letok n̄an kōj kien ko n̄an kōjeraam̧m̧an kōj.

M̧akūtkūt ko Maron̄ Kōm̧m̧ani

• Jipan̄ ajri ro ļōmņak kōn kien ko me Anij ekar litok n̄an kōj (lale, n̄an waanjon̄ak, Exodus 20:4–17; Matu 22:37–39; Katak im Bujen Ko 89:5–17). Jin̄aik pija ko ioon boot eo n̄an jipan̄ ajri ro meļeļe im keememej kein kein. Leļo̧k waanjon̄ak ko kōn ekōjkan an kien ko an Anij maron̄ kōjeraam̧m̧an im kōjparok kōj.

• Riiti n̄an ajri ro, “N̄a, Irooj, I lokjak n̄e kom̧ij kōm̧m̧ane ta Ij ba” (Katak im Bujen Ko 82:10). Kajjitōk ippān ajri ro n̄an āliji eoon in jejjo kōttan ippam̧, im ļōmņak kōn wāweenko n̄an jipan̄ er keememej e, eo āinwōt kajjitōk ippāer n̄an kabokbok n̄an piit eo an eoon eo. Kam̧ool bwe n̄e jej pokake kien ko an Anij, Ej dāpij wōt kallim̧ur ko An n̄an kōj.

pija ej bōk jikin katakin

Katakin Katak ko: Ajri ro Rerūttoļo̧k

Katak im Bujen Ko 81:3

Imaron̄ jar “ilo ainikien im ilo [būruō].”

Ekōjkan am̧ maron̄ im̧we ajri ro n̄an oktakļo̧k n̄an Irooj “ilo jar aolep iien” n̄e rej pād ilo aikuj?

M̧akūtkūt ko Maron̄ Kōm̧m̧ani

• Kajjitōk ippān juon n̄an riiti Kaktak im Bujen Ko 81:3, im kajjitōk ippān ajri ro ta meļeļe in n̄an jar “ilo [būruōm̧.” Kwaļo̧k juon en̄jake ilo iien eo kwar jar ilo kōļap ainikiōm̧ ak ilo būruōm̧ im Irooj ekar jipan̄ eok. Barāinwōt kajjitōk ippān ajri ro n̄an kwaļo̧k en̄jake ko aer make. Ekōjkan an jar maron̄ kepaakļo̧k kōj n̄an Jemedwōj Ilan̄?

• Riit ak al ippān ajri ro juon al in jar kōn jar, ko āinwōt “Ne Kwoj Ruj Tok Jen Ion Kinem?” ak “Secret Prayer” (Hymns, nō. 140, 144). Kajjitōk ippān ajri ro n̄an kwaļo̧k juon eoon jān al eo me ejipan̄ er meļeļe juon men kōn jar. Leļo̧k n̄an er iien n̄an kejekļo̧kjeņ kōn ta eo remaron̄ kōm̧m̧ane n̄an kōkm̧anm̧anļo̧k jar ko aer innām je ļōmņak ko aer.

Katak im Bujen Ko 81:5

Anij ej kōņaan bwe in jerbal im kōkajoorļo̧k ro rej pād ilo aikuj.

Jipan̄ ajri ro meļeļe bwe ekanooj lōn̄ wāween ko remaron̄ jerbal n̄an baam̧le eo aer, ro m̧ōttaer, im ro rūturier aolep raan.

M̧akūtkūt ko Maron̄ Kōm̧m̧ani

• Jin̄a pija in pā ko im bukwe ko ioon boot eo. Kajjitōk ippān ajri ro n̄an riiti Katak im Bujen Ko 81:5 n̄an ekkatak kōn ta eo Irooj ej ba kōn m̧ōttan kein. Alooje pija in alooj eo “Pass It On” (ChurchofJesusChrist.org), ak kwaļo̧k ekōjkan am̧ im ajri ro kar lo armej ro rej jerbal n̄an doon. Ekōjkan ad maron̄ in ļapļo̧k ad kile armej ro rej pād ilo aikuj ipeļakid? Kajjitōn ippān ajri ro n̄an jerbal n̄an juon armij diktata wiik in. Kōn ļōmņak ko kōn wāween ko n̄an jerbal n̄an ro jet, al juon al kōn jerbal in jipan̄, eo āinwōt “Have I Done Any Good?” (Hymns, nō. 223.

• Kajjitōk ippān ajri ro n̄an bōk koņaer karōki dominoe ko (ak men ko ainļo̧k wōt) ilo ba etan wāween ko remaron̄ jerbal n̄an doon. Kajjitōk ippān juon ajri n̄an ukōj juon domino im kile ekōjkan an jelet ko jet. Ekōjkan an jerbal in jipan̄ eo ad maron̄ jelet ilo ejja jekjek in wōt ioon armej ro ipeļakid? (Lale pija in alooj eo “Dominoes,” ChurchofJesusChrist.org.) Ba kōn ekōjkan an juon eo ej iakwe jerbal in jipan̄ kar kōketak eok n̄an jerbal n̄an bar juon.

Katak im Bujen Ko 82:8–10

Anij ej kallim̧ur kōn kōjeraam̧m̧an ko n̄e ij pokake E.

Ilo an ajri ro kaddōkļo̧k lōke eo ilo kallim̧ur ko an Anij, aer m̧ōņōņō n̄an pokake kien ko An naaj eddōkļo̧k

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an pijaikļo̧k an wōr juon m̧ōttaer me ej ļōmņak Anij ekar letok ekanooj lōn̄ kien ko. Kajjitōk ippāer n̄an etale katak im Bujen Ko 82:8–10 kōn jet men ko me enaaj kar jipan̄ ro m̧ōttaer meļeļe etke Anij ej letok kien ko. Kwaļo̧k ekōjkan an kien ko an Anij kar kōjeraam̧m̧an eok, im kajjitōk ippān ajri ro n̄an kwaļo̧k ļōmņak ko aer barāinwōt.

• N̄an jipan̄ ajri ro meļeļe kallim̧ur ko an Jemedwōj Ilan̄ n̄an kōj, ajije kūlaaj eo n̄an jilu kumi ko, im leļo̧k n̄an kajjojo kumi ko juon iaan eoon kein n̄an riiti: Katak im Bujen Ko 1:37–38; 82:10; 130:20–21. Kajjitōk ippāer n̄an kwaļo̧k ta eo rej ekkatak kōn kallim̧ur ko an Jemedwōj Ilan̄. Ekōjkan an pokake eo ad jelet kōjeraam̧m̧an ko jej maron̄ būki? Jipan̄ ajri ro ļōmņak kōn waanjon̄ak ko jān mour ko aer ak jān jeje ko rekwojarjar ke pokake ekar bōktok kōjeraam̧m̧an ko jān Anij.

• Kwaļo̧k juon am̧ en̄jake make me ej kam̧ool kōn pedped in katak ko kar katakin ilo Katak im Bujen Ko 82:8–10. Ekōjkan am̧ kar itok n̄an lōke ilo Irooj im kallim̧ur ko An?

pija ej bōk jikin ekkatak

Kōketak Ekkatak ilo M̧weo

Kajjitōk ippān ajri ro n̄an ļōmņak kōn ekōjkan aer kōņaan jerbal n̄an juon ilo baam̧le eo aer wiik in. Ilo iien katak eo an wiik in tok, kōm̧m̧an bwe ren kwaļo̧k ta eo raar kōm̧m̧ane.

Kōkōm̧anm̧anļo̧k Ad Katakin

Jipan̄ ajri ro n̄an katak em̧m̧anļo̧k. Katakin eļapļo̧k meļeļe in jān baj ekōnono kōn m̧ool eo. Ej meļeļe in jipan̄ ro jet eddōkļo̧k ilo un̄n̄are peid-make ilo jetōb. Ijello̧kin baj jiron̄ ajri ro ekōjkan aer maron̄ jerbal n̄an ro jet, n̄an waanjon̄ak, kōketak er n̄an ļōmņak kōn aitia ko aer make.

peij in m̧akūtkūt eo: Imaron̄ jerbal n̄an ro jet