jiip eo ej ļoor Jisōs

Going Home, jān Yongsung Kim

Juļae 12-18

Katak im Bujen Ko 77–80

“Inaaj Tōlļo̧k Kom̧”

Ilo am̧ ekkatak Katak im Bujen Ko 77–80, kappukōt naan ko ak eoon ko me remaron̄ jipan̄ ajri ro em̧m̧anļo̧k aer meļeļe pedped in katak ko an gospel eo. Anemkwoj in kwaļo̧k eoon ko kwar loi, jekdo̧o̧n eļan̄n̄e rejjab waļo̧k ilo m̧akūtkūt ko itulaļ.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Kajjitōk ippān ajri ro n̄an kwaļo̧k men ko rej kam̧m̧oolol kaki. Ta eo er im baam̧le ko aer rej kōm̧m̧ane n̄an kwaļo̧k n̄an Jemedwōj Ilan̄ rej kam̧m̧oolol kōn kōjeraam̧m̧an ko An?

pija in katakin

Katakin Katak eo: Ajri ro Reddikļo̧k

Katak im Bujen Ko 77:2

Anij ekar kōm̧anm̧an aolep menin mour ko ioon laļ in.

Ekkatak kōn men ko Anij ekar kōm̧anm̧ani emaron̄ jipan̄ ajri ro en̄jake iakwe eo An n̄an er.

M̧akūtkūt ko Maron̄ Kōm̧m̧ani

• Kwaļo̧k n̄an ajri ro pija ko pija in menin mour ko, ekoba ļon̄ ko im bao in mejatoto ko. Ilo am̧ riiti naan ko “mennin mour awiia ko,” “mennin mour tōbalbal ko,” im “bao ko in mejatoto” jān Katak im Bujen Ko 77:2, kajjitōk ippān ajri ro n̄an jitōn̄ļo̧k pija ko reiookļo̧k. Kam̧ool bwe Anij eaar kōm̧anm̧an aolep men kein kōnke E ej iakwe kōj im ekōņaan bwe jen m̧ōņōņō (lale barāinwōt Katak im Bujen Ko 59:16–20).

• Al ippān ajri ro juon al eo kōn mennin kōm̧anm̧an ko an Anij, eo āinwōt “My Heavenly Father Loves Me” (Children’s Songbook, 228–29). Kajjitōk ippān ajri ro ekōjkan an men ko rej al kaki jipan̄ er en̄jake iakwe eo an Anij.

  babbūb eo ioon wut eo

  Anij eaar kōm̧anm̧an laļ in im aolep men ko ie.

Katak im Bujen Ko 78:6

Imaron̄ ajije men ko ewōr ippa ippān ro jet.

Jemedwōj Ilan̄ ekōņaan bwe jen ajije kōjeraam̧m̧an ko ad ilo anemkwoj ippān doon bwe jen maron̄ in “jon̄an wōt juon ilo men ko an laļ” im ilo “men ko an lan̄” (eoon 6).

M̧akūtkūt ko Maron̄ Kōm̧m̧ani

• N̄an katakin ta meļeļe in n̄an “jon̄an wōt juon ilo men ko an laļ” (eoon 6), leļo̧k n̄an ajri ro pija ko pija in armej ro rej pād ilo aikuj (ko āinwōt armej ro me rōkwōle, ikinejnej, ak piio̧). Innām leļo̧k n̄an ajri ro jet men ko me renaaj jipan̄ (ko āinwōt m̧ōn̄ā, juon teep in kinej, ak juon ko̧o̧j māāņeņ). Kajjitōk ippān ajri ro n̄an kwaļo̧k ta eo ewōr ippāer n̄an jipan̄ armej ro ilo pija ko. Kōm̧m̧an bwe ajri ro jet ren bōk koņaer ajej. Jipan̄ ajri ro meļeļe bwe Jemedwōj Ilan̄ ekōņan bwe aolep ajri ro Nejin en wōr aer ta eo rej aikuj, im n̄an kōm̧m̧an menin emakijkij An kajjitōk ippād n̄an ajijeta eo ewōr ippād ippān ro jet.

• Riit n̄an ajri ro jāntōj ko ium̧win pija ko ruo im̧aan an “Chapter 28: The Prophet Joseph Goes to Missouri Again” (Doctrine and Covenants Stories, 108). Kajjitōk ippān ajri ro n̄an ļōkōm̧e aer jipan̄ juon armej kalōk juon em̧, ajej m̧ōn̄ā, ak jeral ilo bar juon wāween. Ekōjkan aer en̄jake n̄e rej jipan̄ im ajej? Jipan̄ ajri ro ļōmņak kōn men ko Jisōs Kraist ej ajiji ippād.

Katak im Bujen Ko 78:18

Jisōs Kraist enaaj tōlļo̧k eō.

Eļan̄n̄e jej m̧ōņōņō in kōtļo̧k an Irooj “tōlļo̧k [kōj],” jemaron̄ “kom̧in m̧ōņōņō,” jekdo̧o̧n eļan̄n̄e ewōr men jej “jab maron̄ ineek … kiiō” (eoon 18).

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an kwaļo̧k iien ko ke raar juon ritōl, eo āinwōt an pād ilo m̧aan juon ļain ak tōl al. Ta eo juon ritōl ej kōm̧m̧ane? Kwaļo̧k juon pija in Rilo̧mo̧o̧r eo ilo am̧ riiti eoon in jān Katak im Bujen Ko 78:18: “kom̧in m̧ōņōņō, bwe Inaaj tōlļo̧k kom̧.” Kōjerbal pein in m̧akūtkūt eo an wiik in n̄an jipan̄ ajri ro ļōmņak kōn wāween ko jemaron̄ ļoor Rilo̧mo̧o̧r eo.

• Kajjitōk ippān ajri ro n̄an ļoor Jisōs, im tōlļo̧k er ipeļaakin ruum̧ eo ilo am̧ jibwe juon pija in E. Ilo am̧ kōm̧m̧ane, al juon al ippān kōn ļoor Jisōs Kraist, ko āinwōt “I’m Trying to Be like Jesus” ak “Choose the Right Way” (Children’s Songbook, 78–79, 160). Kōm̧m̧an bwe ajri ro ren bōk koņaer jibwe pija eo im tōl ajri ro jet.

pija ej bōk jikin katakin

Katakin Katak ko: Ajri ro Rerūttoļo̧k

Katak im Bujen Ko 77

Imaron̄ bōk uwaak ko n̄an kajjitōk ko aō kōn jeje ko rekwojarjar.

Katakin ajri ro kōn ekōjkan an Josep Smith kar kappukōt uwaak ko n̄an kajjitōk ko an emaron̄ jipan̄ er jeļā bwe Jemedwōj Ilan̄ enaaj uwaake er n̄e rej kappukōt An tōl. Ļōmņak in kwaļo̧k en̄jake ko ke kwar bōk uwaak ko jān E.

M̧akūtkūt ko Maron̄ Kōm̧m̧ani

• Riit n̄an ajri ro naan ko ium̧win pija ko jilu m̧oktata “Chapter 27: The Prophet Continues His Work Despite Persecution” (Doctrine and Covenants Stories, 104). Kajjitōk ippān ajri ro eļan̄n̄e rej, āinwōt Josep, kar en̄jake bwe raar jab meļeļe juon men ilo jeje ko rekwojarjar. Kōm̧m̧an bwe ren kwaļo̧k en̄jake ko aer. Ta eo Josep ekar kōm̧m̧ane n̄an lo uwaak ko? Jiron̄ ajri ro kōn juon iien ke Jemedwōj Ilan̄ ekar jipan̄ eok meļeļe juon men ilo jeje ko rekwojarjar.

• Ajri ro kwoj katakin er remaron̄ emōnono in riiti jet eoon ko ilo bok in Revelesōn me Josep Smith eaar wōr an kajjitōk kaki. Innām remaron̄ lale ilo Katak im Bujen Ko 77 kōn ta eo Irooj eaar kōņaan bwe en meļeļe. Kāālet jejjo eoon ko kwoj en̄jake renaaj wōr meļeļeier.

Katak im Bujen Ko 78:3–7

Imaron̄ jipan̄ iuunm̧aanļo̧k jibadbad in” an Jisōs Kraist.

Ilo jekjōn 78, Irooj eaar leļo̧k naan in kōmeļeļe ko rein juon n̄an ritōl ro an Kabun̄ in me renaaj kar jipan̄ er “iuunm̧aanļo̧k jibadbad in” an Irooj (eoon 4). Jipan̄ ajri ro ļōmņak kōn ta jerbal ko aer remaron̄ in ilo iuunm̧aanļo̧k jibadbad in an Irooj.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an riiti Katak im Bujen ko 78:4. Ta “jibadbad” jaar “atbo̧kwōje” (kar bōke ak kar kāālet n̄an rie) ke jaar peptaij? Kōketak er n̄an lale ilo eoon ko āinwōt kein kōn maron̄ uwaak ko: Mosaia 18:8–10; Katak im Bujen Ko 20:37; Moses 1:39.

• Kōmeļeļeik n̄an ajri ro bwe Newel K. Whitney eaar wōr juon an m̧ōn wia im bwe Irooj eaar kajjitōk ippān n̄an kōjerbal jet iaan jāān ko an n̄an jipan̄ kōļļāik jerbal eo an Irooj (lale Katak im Bujen Ko 63:42–43). Kajjitōk ippāer n̄an riiti Katak im Bujen Ko 78:3–7 im pukōt un ko em̧m̧aan rein raar kajjitōk n̄an kōm̧m̧ane āindein. Ekōjkan ad naaj kar en̄jake eļan̄n̄e kar kajjitōk ippād n̄an ajej āinwōt kar Newel? Jipan̄ er ļōmņak kōn wāween ko armej rej leļo̧k jipan̄ n̄an jerbal eo an Irooj ilo tōre in ad, ko āinwōt kōļļā juon m̧ōttan jon̄oul im jortak in jitlo̧k ko, jerbal ilo kūr ko, im ko eierļo̧k.

Katak im Bujen Ko 78:19

Ij aikuj bōk “aolep men ko otemjeļo̧k kōn kam̧m̧oolol.”

Emakijkij an Irooj kōjeraam̧m̧an kōj eļapļo̧k eļan̄n̄e jej kam̧m̧olol kōn ta eo em̧ōj An kar letok kadede n̄an kōj. Ekōjkan am̧ maron̄ jipan̄ ajri ro kwoj katakin er kam̧m̧oolol kōn kōjeraam̧man ko aer?

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an riiti Katak im Bujen Ko 78:19 im kappukōt ta eo Irooj ej kallim̧uri ro me rej kam̧m̧oolol. Jipan̄ ajri ro meļeļe ta meļeļein“bukwi alen” bōlen kōn kwaļo̧k juon men edik innām 100 ejja men eo wōt.

• Al juon al kōn kam̧m̧oolol, eo āinwōt “I Am Glad for Many Things” (Children’s Songbook, 151), ak alooje pija in alooj eo “Think to Thank” (ChurchofJesusChrist.org). Leļo̧k n̄an ajri ro iien n̄an kōm̧m̧ane laajrak ko kōn men ko rej kam̧m̧oolol kaki. Kōketak er n̄an kōllaajraki men ko jon̄an wōt aer maron̄ ilo iien eo kwoj leļo̧k n̄an er.

pija ej bōk jikin ekkatak

Kōketak Ekkatak ilo M̧weo

Ļōmņak in kōnono ippān ro jinen im jemen ajri ro kwoj katakin er im kwaļo̧k juon kajjitōk remaron̄ kajjitok ippān ajri ro nejier kōn juon men eo raar ekkatak ilo kūlaaj.

Kōkōm̧anm̧anļo̧k Ad Katakin

Kam̧ool kōn kōjeraam̧m̧an ko kar kallim̧ur kaki. N̄e kwoj kajjitōk ippān ajri in Būraimere ro n̄an mour kōn juon pedped in katak eo em̧ool, kwaļo̧k kallim̧ur ko Anij ekar kōm̧m̧ane kōn rikanaan ro n̄an ro me rej mour kōn pedped in katak jab eo. Juon waanjon̄ak kōn juon kallim̧ur komaron̄ kwaļo̧ke loe ilo Katak im Bujen Ko 78:19. (Bar lale Teaching in the Savior’s Way,35).

peij in m̧akūtkūt eo: Jisōs Kraist enaaj tōlļo̧k eō