Dear to the Heart of the Shepherd, jān Simon Dewey

Juun 28–Juļae 4.

Katak im Bujen Ko 71–75

“Ejjeļo̧k Kein Tariņae Kōm̧anm̧an Ņae Kom̧ Enaaj Jeraam̧m̧an”

Ajri ro kwoj katakin er remaron̄ katak eļapļo̧k ilo kūlaaj eo, ak remaron̄ katak eļapļo̧k eļan̄n̄e rej kōm̧m̧ane juon imminene in ekkatak jeje ko rekwojarjar ilo m̧weo. Ļōmņak elmen am̧ maron̄ rōjan̄ im jipan̄ ekkatak gospel eo ilo m̧weo.

Je En̄jake ko Rej Im̧we Eok

Kajjitōk bwe ren Kwaļo̧k

Kajjitōk ippān ajri ro n̄an jijet ioon laļ ilo juon doulul, innām kōdābwiļ juon booļ n̄an juon iaer. Kajjitōk ippān juon ajri bwe en kwaļo̧k men eo ejkab ekkatak kōn gospel eo ilo m̧weo ak ilo Būraimere. Innām kajjitōk ippān juon ajri bwe en kōdābwiļi booļ eo n̄an ro jet. Ālijji m̧ae aolep ajri em̧ōj aer bōk kuņaer n̄an kwaļo̧k jet men.

Katakin Katak eo: Ajri ro Reddikļo̧k

Katak im Bujen Ko 72:2, 10

Irooj eaar kūr juon bisop n̄an jipan̄ eō.

Ajri ro reddik remaron̄ jab jeļā eļap kōn ta eo bisop eo aer ej kōm̧m̧ane n̄an jerbal n̄an er im ro jet uwaan ward eo. Komaron̄ jipan̄ er kam̧m̧oolol kōn jerbal in jipan̄ eo an bisop eo aer.

M̧akūtkūt ko Maron̄ Kōm̧m̧ani

• Bōktok aitem ko n̄an kūlaaj eo me rej jutak kōn eddo ko an juon bisop, ko āinwōt jiļōp in juon m̧ōttan jon̄oul, jeje ko rekwojarjar, ak juon pija in juon bisop ej leļo̧k kapilōk (lale pija eo ilo jem̧lo̧k in unin tōl eo an wiik in ilo Itok, Ļoor Eō— N̄an Kajjojo Armej im Baam̧le ko). Riiti Katak im Bujen Ko 72:2, im kōmeļeļeik bwe Irooj ekar kūr juon bisop n̄an jipan̄ kōj. Kōjerbal aitem ko kwar būkitok n̄an jipan̄ ajri ro meļeļe jet iaan men ko juon bisop ej kōm̧m̧ani n̄an jerbal n̄an ward eo.

• Bōk juon ajri ippam̧ļo̧k n̄an opiij eo an bisop eo (komaron̄ kōņaan pepe ippān rūkaki ro jet). Kōmeļeļeik n̄an er jet jekjek ko me remaron̄ ioon bisop eo ilo opiij eo an (ko āinwōt juon intōrpiu in peptaij ak juon iien etale ļo̧kin am̧ kōm̧m̧an juon m̧ōttan jon̄oul). Jiron̄ ajri ro ekōjkan am̧ kar jeraam̧m̧an jān jerbal in jipan̄ eo an bisop eo.

• Jipan̄ ajri ro kōm̧m̧ani kaat ko n̄an leļo̧k n̄an bisop eo, kam̧m̧oolol e kōn ta eo ej kōm̧m̧ane n̄an jipan̄ ilo jerbal eo an Irooj.

Katak im Bujen Ko 75:3

Imaron̄ leļo̧k kijejeto eo em̧m̧an tata ippa n̄an Irooj.

Jekdo̧o̧n ilo juon dettan eo edik, ajri ro remaron̄ lo lan̄lōn̄ ilo kōm̧m̧ane ijo em̧m̧an tata ippāer n̄an kōjparok kien ko an Irooj.

M̧akūtkūt ko Maron̄ Kōm̧m̧ani

• Kajjitōk ippān kajjojo ajri n̄an bōk koņaer kōm̧m̧an kōļ kōn ekōjkan aer naaj kōm̧m̧ane juon jerbal in jipan̄, ko āinwōt karreoik juon ruum̧ ilo m̧ōn jar eo ak kwaļ kōnno̧ ko ilo m̧weo. Riiti Katak im Bujen Ko 75:3, im kajjitōk ippān ajri ro n̄an kwaļo̧k ekōjkan aer naaj kar kōm̧m̧ane ilo jowan n̄e kwoj ba “jab jowan” im kwaļo̧k ekōjkan buuļ jerbal n̄e kwoj ba “ak jerbal kōn ami kajoor.” Etke ej aorōk bwe jej kōm̧m̧ane ijo em̧m̧an tata ippād n̄e jej jerbal n̄an Irooj?

• Kwaļo̧k ippān ajri ro bwebwenato ko an Būreejtōn Dieter F. Uchtdorf’kōn jerbal jān “Two Principles for Any Economy” (Ensign ak Liahona, Nob. 2009, 55–58). Ekōjkan ad en̄jake n̄e jej jeļā jaar kōm̧m̧ane ijo em̧m̧an tata ippād?

• Al juon al kōn jerbal ippān doon, eo āinwōt “When We’re HelpingChildren’s Songbook,198). Jipan̄ ajri ro kōm̧m̧ane m̧akūtkūt kko n̄an etal ippān naan ko.

  

  Ro uwaan Kabun̄ in jinoin tata jet iien kar leļo̧k m̧ōn̄ā ko n̄an Kabun̄ in n̄an jipan̄ ro jet.

Katakin Katak ko: Ajri ro Rerūttoļo̧k

Katak im Bujen Ko 71

Imaron̄ bōbrae m̧ool eo jān kwaļo̧k naan in kam̧ool eo aō.

Irooj ejjab kōtmene ajri ro n̄an uwaake rikōjraat ro an Kabun̄ in ilo jekjek eo Eaar kūr Josep Smith im Sidney Rigdon n̄an kōm̧m̧ane. Bōtaab komaron̄ jipan̄ ajri ro meļeļe bwe naan in kam̧ool eo aer eļem waan kōn m̧ool eo emaron̄ in wōr juon an jelet ekajoor ioon ro jet.

M̧akūtkūt ko Maron̄ Kōm̧m̧ani

• Kōjerbal taitōl peij eo an jekjōn eo n̄an Katak im Bujen Ko 71 ak “Chapter 25: Joseph Smith and Sidney Rigdon Go on a Mission” (Doctrine and Covenants Stories, 96) n̄an katak ajri ro kōn jekjek ko reim̧we ilo jākjen section 71. Riiti Katak im Bujen Ko 71:1 ippān ajri ro, im jipan̄ er kappukōt ta eo Irooj eaar kōņaan bwe Josep im Sydney ren kōm̧m̧ane kōn “en̄jake ko rej jab em̧m̧an” eaar wōr ippān armej ro ņae Kabun̄ in (taitōl peij an jekjōn eo). Ta eo Eaar ba naaj kar leļo̧k n̄an er n̄an jipan̄ er? Ekōjkan ad maron̄ erom āinwōt Josep im Sidney?

• Kajjitōk ippāan ajri ro n̄an kōmālmel ilo ruo iaan ruo ekōjkan kwaļo̧ke ippān ro jet ta eo rej jeļā kōn Kabun̄. N̄an waanjon̄ak, remaron̄ kwaļo̧k juon naan in kam̧ool eļem waan ak kwaļo̧k juon iaan Laajrak in Tōmak ko

Katak im Bujen Ko 72:8

Irooj ej kūr bisop ro n̄an jipan̄ E kōm̧m̧ane jerbal eo An.

Juon bisop emaron̄ wōr juon an kareel ekajoor ilo mour eo an juon armej edik. Ta eo jemaron̄ kōm̧m̧ane n̄an jipan̄ ajri ro lo bisop eo āinwōt juon rijerbal an Irooj Jisōs Kraist?

M̧akūtkūt ko Maron̄ Kōm̧m̧ani

• Kōmeļeļeik bwe ilo 1831 eo, Irooj eaar kūr bisop eo an Kabun̄ in, Edward Partridge, n̄an em̧m̧akūt jān Kritland, Ohio, n̄an erom juon bisop ilo Independence, Missouri (lale “Chapter 17: The First Bishops of the Church,” Doctrine and Covenants Stories, 64–66). Riiti Katak im Bujen Ko 72:8 ippān ajri ro, im kajjitōk ippāer n̄an ron̄jake wōn eo Irooj ekar kūr n̄an jerbal āinwōt bisop eo ekāāl ilo Kirtland. Etke Irooj ej kūr bisop ro? Kwaļo̧k ippān ajri ro juon en̄jake ke kwar jeraam̧m̧an jān jerbal in jipan̄ eo an juon bisop.

• Kajjitōk bwe ajri ro ren kōm̧m̧ane juon laajrak kōn jet iaan men ko em̧ōj aer kar lo an bisop eo kōm̧m̧ani n̄an jipan̄ armej ro ilo ward eo. Kajjitōk ippān ajri ro n̄an jin̄aik pijain an bisop eo kōm̧m̧ane juon men raar kōnono kake. Kwaļo̧k naan in kam̧ool eo am̧ bwe bisop eo ami eaar kūr jān Irooj n̄an erom An rijerbal. Etke jej kam̧m̧oolol bwe Irooj ekar kūr juon bisop ilo ward eo ad?

Katak im Bujen Ko 73:3

Irooj eaar kakien Josep Smith n̄an bar kōjepļaaktok m̧ool ko m̧oktaļo̧k me raar jako jān Baibōļ eo.

Ejja m̧ōttan wōt kūr eo an āinwōt juon rikanaan, kar Josep Smith kakien jān Irooj n̄an kōm̧m̧ani oktak ko reim̧we n̄an Baibōļ eo. Oktak kein, eo Irooj ekar ņa etan “ukok” (Katak im Bujen Ko 90:13), kar kōjepļaaktok m̧ool ko raorōk me rekar jako ak kar kōm̧akūti jān Baibōļ eo elōn̄ļo̧k jān buki iiō ko.

M̧akūtkūt ko Maron̄ Kōm̧m̧ani

• Kōmeļeļeik bwe ke Josep Smith im Sidney Rigdon raar bar jepļaakļo̧k jān juon mijen ekadu epaakeļo̧k Kirtland, Ohio, Irooj eaar kōņaan bwe ren bar jino jerbale juon būroojāāk aorōk. Kajjitōk ippān ajri ro n̄an riiti Katak im Bujen Ko 73:3 n̄an pukōt kar ta būroojāāk eo. N̄an jipan̄ ajri ro meļeļe ta eo Irooj eaar kōņaan bwe Josep im Sidney ren ukōte, riit ippāer m̧ōttan ko an Unin Tōl Eo N̄an Jeje Ko Rekwojarjar “Joseph Smith Translation (JST).”

• Leto letak juon kape in Baibōļ eo, im kōm̧m̧an bwe ajri ro ren kōpeļļo̧ke im lale jete peij ko ilowaan. Kajjitōk ippān ajri ro n̄an ļōmņake aer kajjitōk ippāer n̄an ukōt Baibōļ eo n̄an bar juon kajin. Ta jo̧n̄an ko me remaron̄ in kar kōm̧m̧ani jet bwōd ko? Kōmeļeļeik bwe ke armej ro raar ukōt ak kapeik Baibōļ eo m̧okta jān tōre eo an Josep Smith, raar kōm̧m̧ane jet bōd ko, im jet iien raar kōm̧akūtļo̧k m̧ool ko raorōk. Irooj eaar kakien Rikanaan Josep Smith n̄an kōm̧m̧ane kajjim̧we ko reim̧we. Etke jerbal eo an Josep Smith eaorōk n̄an kōj?

Kōketak Ekkatak ilo M̧weo

Kajjitōk ippān ajri ro n̄an kāālet juon men renaaj kōm̧m̧ane kōnke kōn ta eo raar ekkatak rainin, ko āinwōt kam̧m̧oolol bisop eo kōn jerbal in jipan̄ eo an ak m̧aanjabpopo n̄an bōbrae tōmak ko aer kōn ekkatak Laajrak in Tōmak ko.

Kōkōm̧anm̧anļo̧k Ad Katakin

Kobaik en̄jake ko “Eitōn aolep ajri (im rūtto ro) em̧ōkaj aer ekkatak n̄e elōn̄ en̄jake rej koba ilo katak ko. Pukot wāween ko n̄an jipan̄ ajri ro kōjerbal en̄jake in loļo̧kjen, ron̄ļo̧kjeņ, im aer an̄uuri ilo aer ekkatak” (Teaching in the Savior’s Way,25).