“Juen 28–Juļae 4. Katak im Bujen Ko 71–75: ‘Ejjeļo̧k Kein Tariņae Kōm̧anm̧an ņae Kom̧ro Enaaj Tōprak,’” Itok, Ļoor Eō—N̄an Kajjojo Armej im Baam̧le Ko: Katak im Bujen Ko 2021 (2020)
“Juen 28–Juļae 4. Katak im Bujen Ko 71–75,” Itok, Ļoor Eō—N̄an Kajjojo Armej im Baam̧le ko: 2021
Dear to the Heart of the Shepherd, jān Simon Dewey
Juen 28–Juļae 4.
Katak im Bujen Ko 71–75
“Ejjeļo̧k Kein Tariņae Kōm̧anm̧an ņae Kom̧ro Enaaj Tōprak”
Elder Quentin L. Cook eaar katakin, “Kareel eo an Jetōb Kwojarjar ekanooj emakijkij an pād ilo ekkatak jeje ko rekwojarjar an kajjojo armej im jar ilo m̧ōko” (“Oktak eo Em̧wilaļ im Aitok Kitien n̄an Jemedwōj Ilan̄ im Irooj Jisōs Kraist,” Ensign ak Liaona, Nob. 2018, 10).
Je En̄jake ko Rej Im̧we Eok
Jān ke ekar juon ļaddik, Josep Smith ekar jelm̧ae kōraat ko—em̧ool rikōjedāt ro—ke ekar kajjieon̄ kōm̧m̧ane jerbal eo an Anij. Bōtaab eaikuj in kar eļap tata kabūrom̧ōjm̧ōj ilo jem̧lo̧k in ļo̧k 1831 eo ke Ezra Booth ekar jino kōnanaik Kabun̄ in ilo lo̧bwilej, kōnke ilo jekjek in eo ej kōraat ekar juon rittōmak m̧okta. Ezra ekar lo an Josep kōjerbal kajoor eo an Anij n̄an kemour juon kōrā. Kar kajjitōk ippān n̄an etal ippān Josep ilo iien jon̄ak eo kein kajuon an bwidej eo an Zaion ilo Missouri. Bōtaab jān iien eo ekar jerwane tōmak eo an im, ilo an kar kajjeon̄ in kariab Rikanaan eo, kar je jet leta ko ilo juon nuujpeba ilo Ohio. Im ilo kijejeto ko an raar āinwōt rejerbal: “kadikļo̧k en̄jake ko rej jab em̧m̧an rekar jebar ņae Kabun̄ in … rekar jebar ņae Kabun̄ in” ilo eria eo (Katak im Bujen Ko 71, taitōl an jekjōn). Ta eo rittōmak ro rej aikuj kōm̧m̧ane ilo juon jekjek āinwōt in? In an wōr juon wōt uwaak ejim̧we n̄an aolep jekjek, āinwōt emakijkij ilo jejek in—ekoba ilo jekjek in ilo 1831 eo—m̧ōttan uwaak eo an Irooj ej n̄an bōbrae m̧ool eo im kajim̧we bōd ko kōn “kabun̄bun̄ļo̧k gospel [eo]” (eoon 1). Aaet, jerbal eo an Irooj enaaj iien otemjej wōr an rikōraat ro, bōtaab ilo jem̧lo̧kin, “ejjeļo̧k kein tariņae kōm̧anm̧an ņae [e] enaaj tōprak” (eoon 9).
Lale “Ezra Booth and Isaac Morley,” Revelations in Context, 134.
Ļōm̧ņak ko n̄an Ekkatak Jeje Ko Rekwojarjar Ippam̧ Make
Irooj enaaj kōppaļ rikōraat ro an jerbal eo An ilo iien eo An make.
Jemaron̄ in inepata n̄e jej ron̄ an armej kōraate ak kajjirere kōn Kabun̄ in ak ritōl ro an, eļap tata n̄e jej mijak armej ro jejeļā kajjier im iakwe er renaaj kareel jān kōraat eo. N̄e juon men ej waļo̧k ainļo̧k wōt eo ekar waļo̧k ilo Ohio ilo 1831 eo (lale taitōl an jekjōn eo n̄an Katak im Bujen Ko 71), ennaan eo an Irooj n̄an Josep Smith im Sidney Rigdon ekar juon eo kōn tōmak, jab mijak. Ilo am̧ ekkatak Katak im Bujen Ko 71, ta eo kwoj loe me ej kalōk tōmak eo am̧ ilo Irooj im jerbal eo An? Ta ej kabwilōn̄ eok kōn naan in kōmeļeļe eo an Irooj kar leļo̧k n̄an ro Rikarejeran ilo jekjek in?
Lale barāinwōt Robert D. Hales, “Christian Courage: The Price of Discipleship,” Ensign ak Liahona, Nob. 2008, 72–75; Jörg Klebingat, “Defending the Faith,” Ensign, Jept. 2017, 49–53.
Bisop ro rej ribōk eddo ro ioon jerbal ko ilo jetōb im kanniōk an aelōn̄ in kiin̄ eo an Irooj.
When Newel K. Whitney kar kūr n̄an jerbal āinwōt bisop eo kein karuo an Kabun̄ in, jerbal ko an raar jidik wōt aer oktakļo̧k jān ko an bisop ro rainin. N̄an waanjon̄ak, Bisop Whitney ekar lale m̧weiuk in wujpepļ̧o̧k ko im mālim eo n̄an pād im mour ilo Missouri, ilo āne eo an Zaion. Bōtaab ilo am̧ riit kōn kūr eo an im jerbal ko ilo Katak im Bujen Ko 72, komaron̄ kile jet kajjim̧we ko n̄an ta eo bisop ro rainin rej kōm̧m̧ane—ak ilo jibadbad, eļan̄n̄e ejjab jeno̧lok, kōn jerbal ko aer. N̄an waanjon̄ak, ilo wāween ta kwoj “leļo̧k juon ellaajrak” n̄an bisop eo? (eoon 5). Ilo jekjek ta bisop eo am̧ ej “kōjparoke im̧ōn ko̧koņ eo an Irooj” im bōk eddo in menin wujlepļo̧k ko an ro uwaan ward eo? (lale eoon 10, 12). Ekōjkan an juon bisop kar jipan̄ eok?
Lale barāinwōt Gospel Topics, “Bishop,” topics.ChurchofJesusChrist.org.
Newel K. Whitney ekar bōk eddo in im̧ōn kakonkon eo an bisop.
Imaron̄ kappukōt iien ko rem̧m̧an n̄an kwaļo̧k gospel eo.
Ālkin an Josep Smith im Sidney Rigdon kar jepļaak jān mijen in kwaļo̧k eo aer ekadu n̄an bar kōm̧m̧ane jet iaan jorrāān ko Ezra Booth ekar kōm̧m̧ani (lale Katak im Bujen Ko 71), Irooj ekar jiron̄ er n̄an bar jepļaak n̄an jerbal in ukook eo an Baibōļ (lale Bible Dictionary, “Joseph Smith Translation”). Bōtaab Ekar kōņaan bwe en jab bōjrak erro kwaļo̧k gospel eo. Ilo am̧ riiti Katak im Bujen Ko 73, ļōmņak kōn ekōjkan am̧ maron̄ kōm̧m̧ane kwaļo̧k gospel en juon, “ekkar” ej wōnm̧aanļo̧k wōt (eoon 4)—ak m̧ool kwaļo̧ke—m̧ōttan mour eo am̧ ilubwilijin eddo ko jet am̧.
Irooj ej kōjeraam̧m̧an ro me rej tiljek n̄an kwaļo̧k gospel eo An.
Uwaake kean̄ eo n̄an “ilo̧k ilo aolepān laļ” n̄an kwaļo̧k gospel eo (Katak im Bujen Ko 68:8), elōn̄ elder ro retiljek raar kappukōt eļapļo̧k meļeļe kōn ekōjkan an Irooj kar kōņaan bwe ren kakūrm̧ool kean̄ in. Ta naan ko im eoon ko kwoj loi ilo Katak im Bujen Ko 75:1–12 me remaron̄ jipan̄ eok meļeļe ekōjkan kwaļo̧k gospel eo ilo jetjet? Ta kōjeraam̧m̧an ko Irooj ej kallim̧ur kaki n̄an mijenede ro retiljek? Ļōmņak kōn ekōjkan an naan in kōmeļeļe kein im kōjeraam̧m̧an ko jerbal n̄an eok ilo am̧ kwaļo̧k gospel eo.
Ļōmņak ko n̄an Ekkatak Jeje ko Rekwojarjar an Baam̧le im Nokon in Jota
-
Katak im Bujen Ko 71.Ta eo kar kajjitōk ippān Josep Smith im Sidney Rigdon n̄an kōm̧m̧ane n̄e ro jet raar kōraate Kabun̄ in im ritōl ro an? Ekōjkan ad “kōpooj iaļ eo” n̄an armej ro n̄an bōk revelesōn ko an Anij.?(Katak im Bujen Ko 71:4).
-
Katak im Bujen Ko 72:2.Ekōjkan an bisop ro kar kōjeraam̧m̧an baam̧le eo ad? Ta eo bisop ro ad kar kajjitōk ippād n̄an kōm̧m̧ane, im ekōjkan ad maron̄ rejtake e? Bōlen baam̧le eo am̧ emaron̄ kōm̧m̧ane juon kaat kam̧m̧oolol bisop eo kōn jerbal in jipan̄ eo an.
-
Katak im Bujen Ko 73:3–4.Baam̧le eo am̧ enaaj ke jeraam̧m̧an jān ekaktak kōn Ukook eo an Josep Smith kōn Bible eo? (lale Bible Dictionary, “Ukook eo an Josep Smith”). Komaron̄ etale jejjo eoon ko me raar ukook ilo Ukook eo an Josep Smith im ekōnono kōn m̧ool ko raorōk Irooj ekar kwaļo̧ki kōn Rikanaan eo. N̄an jet waanjon̄ak ko, lale Ukook eo an Josep Smith kōn Genesis 14:25–40 im Genesis 50:24–38 ilo Bible appendix eo; elōn̄ footnote ko ilo Matthew 4:1–11; im Luke 2:46, footnote c.
-
Katak im Bujen 74:7.Ta eo eoon in ej katakin kōj kōn Jisōs Kraist im ajri ro reddik?
-
Katak im Bujen Ko 75:3–5, 13, 16.Komaron̄ jipan̄ baam̧le eo am̧ meļeļe ekōjkan an Irooj kōņaan bwe jen jerbal n̄an E kōn kōnono kōn oktak ko ikōtaan “jowan” im jerbal [e] kōn [ad] maron̄.” Bōlen komaron̄ kāālet jet jerbal ko ilo m̧weo im kajjitōk ippān ro uwaan baam̧le eo n̄an kwaļo̧k kile kōm̧m̧ane jerbal ko ilo jowan innām̧ kōn aolep aer kajoor. Ekōjkan ad maron̄ jerbal n̄an Irooj kōn aolepān ad maron̄? Ekkar n̄an Katak im Bujen Ko 75:3–5, 13, 16, ta eo Ej kallim̧uri ro Rikarejeran retiljek?
Kōn elōn̄ļo̧k ļōmņak ko n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.
Al eo kar elmakote: “Jen Wōnmanlok Wōt,” Al Ko Al In Ajri, nō. 7.
Kōkōm̧anm̧anļo̧k Am̧ Ekkatak Ippam̧ Make
Kappukōt naan ko im eoon ko reim̧we. Ilo am̧ riit, Jetōb eo emaron̄ bōkwaj jet naan ak eoon ko n̄an kōļmenļo̧kjeņ eo am̧. Ļōmņak in kōm̧m̧an kakememej kōn naan ko ak eoon ko jān Katak im Bujen Ko 71–75 me reim̧we eok
pija in likao eo ippān juon ritōl an priesthood eo jān D. Keith Larson