Kraist im rim̧weie eo edik,

Christ and the Rich Young Ruler, jān Heinrich Hoffman

Juļae 19–25

Katak im Bujen Ko 81–83

N̄e “Eļap Ijo kar Leļo̧k, Eļap Ijo Aikuji”

Ilo am̧ ekkatak Katak im Bujen Ko 81–83, je kakeememej ko kōn pedped in katak ko me emaron̄ jipan̄ eok kōm̧m̧an em̧m̧an ilubwilijin baam̧le eo am̧, ro m̧ōttam̧, im ro jet.

Je En̄jake ko Rej Im̧we Eok

Ilo M̧aaj in 1832 eo, Irooj ekar kūr Jesse Gause n̄an erom juon rikakpilōklōk n̄an Josep Smith ilo Būreejtōnji eo an Priesthood eo Eutiej (kiiō ņa etan Būreejtōnji eo Kein Kajuon). Katak im Bujen Ko 81 ej juon revelesōn n̄an Brother Gause, kōmeļeļeik e ilo kūr eo an ekāāl im kallim̧uri e kōjeraam̧m̧an ko an jerbal tiljek. Bōtaab Jesse Gause eaar jab jerbal ilo tiljek. Kōn menin Frederick G. Williams kar kūri n̄an bōk jikin, im etan Brother Gause kar bōk jikin kōn etan Brother William ilo revelesōn eo.

Bōlen emaron̄ āinwōt juon meļeļe edik, bōtaab ej kwaļo̧k juon m̧ool eļap: Elōn̄ wōt iaan revelesōn ilo Katak im Bujen Ko rej kōnono n̄an armej ro rejenolo̧k, bōtaab jemaron̄ aolep iien kappukōt wāween ko n̄an kōjerbali n̄an kōj make (lale 1 Nipai 19:23). Irooj ekar kapilōk Frederick G. Williams n̄an “kōkajoor bukwe ko rem̧ōjņo̧” maron̄ ukōt ļōmņak ko ad n̄an armej ro jaar maron̄ kōkajoorļo̧k (Katak im Bujen Ko 81:5). Kapilōk eo an Irooj n̄an ro uwaan Kumi in Bōrokuk n̄an “lukwōj kom̧ kōn bujen in” n̄an maron̄ tōpar aikuj ko ilo kanniōk an Kabun̄ in emaron̄ ukōt būruōd n̄an bujen ko ad make. Im Irooj ej kallim̧ur bwe Enaaj “lokjak n̄e kom̧ij kōm̧m̧ane ta Ij ba” emaron̄ kakeememej kōj kōn kallim̧ur ko An n̄an kōj n̄e jej pokake (Katak im Bujen Ko 82:10, 15). Bwe āinwōt aikuj in kar, n̄an Irooj barāinwōt ekar kean̄ “ta eo Ij ba n̄an juon Ij ba n̄an aolep” (eoon 5).

Lale “Newel K. Whitney and the United Firm,” “Jesse Gause: Counselor to the Prophet,” Revelations in Context, 142–47, 155–57.

pija ej bōk jikin ekkatak ippam̧ make

Ļōm̧ņak ko n̄an Ekkatak Jeje Ko Rekwojarjar Ippam̧ Make

Katak im Bujen Ko 81

Imaron̄ in tiljek ilo kōm̧m̧ane ta eo Irooj ej kajjitōk ippa.

Kwoj ke jet iien ļōmņak ekōjkan am̧ maron̄ kakūrm̧ool eddo ko raorōk ilo mour eo am̧? Āinwōt juon rikakpilōklōk n̄an Rikanaan Josep Smith, Frederick G. Williams aaet ekar lōn̄ eddo ko an rellōn̄. Ilo jekjōn 81, Irooj ekar leļo̧k n̄an e kapilōk eo kōn ekōjkan kakūrm̧ooli. Ta eo kwoj loe ilo jekjōk in me emaron̄ jipan̄ eok kakūrm̧ool eddo ko kar liwaj n̄an eok jān Irooj?

Erkein rej jet kajjitōk ko n̄an jipan̄ eok kōļmenļo̧kjeņ kōn eoon 5:

• Ta jet iaan wāween ko juon armej erom “ (m̧ōjņo̧?)”? Ta meļeļe in n̄an “rie” ro me reban (rem̧ōjņo̧)?

• Ta eo emaron̄ kōm̧m̧an bwe pā ko pein juon ren ilo kōnono kake “rej allitoto”? Ekōjkan ad maron̄ “kotak lōn̄ļo̧k” pā ko?

• Ta meļeļe in naan eo emaron̄ in “bukwe ko rem̧ōjņo̧”? Ekōjkan ad maron̄ “kōkajoor” ro bukwe ko aer rem̧ōjņo̧?

Bōlen ekkatak kōn eoon kein kar bōktok n̄an ļōmņak eo am̧ kōn juon eo komaron̄ kar “rie,” “kotak lōn̄ļo̧k,” ak “kōkajoor.” Ta eo kwonaaj kōm̧m̧ane n̄an jerbal in karejar n̄an armej eo?

Sidney Rigdon, Josep Smith, Frederick G. Williams

Būreejtōnji eo Kein Kajuon: Sidney Rigdon, Joseph Smith, Frederick G. Williams

Katak im Bujen Ko 82:1–7

Irooj ej kūr eō n̄an ukweļo̧k im meļo̧kļo̧k jerawiwi ko aō.

Ilo am̧ riiti Katak im Bujen Ko 82:1–7, ļōmņak in kōm̧m̧ane ruo laajrak ko kōn men ko kwoj ekkatak: kakkōl ko kōn jerawiwi im m̧ool ko kōn jeorļo̧k bōd. Ekōjkan an m̧ool kein jipan̄ eok jum̧ae kapo ko an rikapok eo?

Katak im Bujen Ko 82:8-10

Kien ko rej n̄an lo̧mo̧o̧r eo im kōjparok eo aō.

Eļan̄n̄e kwe—ak juon eo kwojeļā kajjien—kar ļōmņak etke Irooj ej letok n̄an kōj ekanooj lōn̄ kien ko, Katak im Bujen Ko 82:8–10 emaron̄ jipan̄. Ta kōļmenļo̧kjeņ ko ilo eoon kein remaron̄ jipan̄ eok kōmeļeļeik n̄an juon etke kwoj kāālet n̄an ļoor kien ko an Irooj? Komaron̄ barāinwōt ļōmņak kōn ekōjkan an kein ko An kar ukōt mour eo am̧. Ta eo kwoj ekkatak kōn Irooj ilo am̧ riiti eoon 10?

Lale barāinwōt Katak im Bujen Ko 130:20–21; Carole M. Stephens, “If Ye Love Me, Keep My Commandments,” Ensign ak Liahona, Nob. 2015, 118–20.

Katak im Bujen Ko 83

“Kōrā ro emej pāleer im ajri ro ejeļo̧k jineer im jemeer naaj (kabwe aer aikuj?)kake n̄an er.”

Ilo Eprōl in 1832 eo, āinwōt kar katakin jān Irooj, Josep Smith ekar ilo̧k iturinļo̧k 800 m̧aiļ ko n̄an loļo̧k Armej ro Rekwojarjar me raar ain doon ilo Missouri (lale Katak im Bujen Ko 78:9). Juon jukjuk in pād ekar loļo̧k ekar koba kōrā ro me emej pāleer (Im ) raar karrūtoļo̧k ajri nejier make. Ibwilijier raar Phebe Peck im Anna Rogers, ro Rikanaan eo ekar jeļā kajjier. Ilo Missouri ilo 1830 ko, kien ko an state kar leļo̧k n̄an kōrā ro emej pāleer jon̄an jim̧we ko aer ioon men ko m̧weie ļeo pāleer emej. Ta eo kwoj ekkatak jān jekjōn 83 kōn ekōjkan an Irooj en̄jake kōn kōrā ro emej pāleer im ajri ro ejeļo̧k jineer im jemeer? Kwojeļā ke kōn juon eo ilo jekjek in me enaaj jeraam̧m̧an jān iakwe im kōjparok eo am̧?

Lale barāinwōt Aiseia1:17; Jemes 1:27.

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Katak im Bujen Ko 81:3.Komaron̄ leļo̧k peba annan̄ in menono ko n̄an ro uwaan baam̧le eo im kajjitōk ippāer n̄an jin̄aik ak je juon men eo rej kōņaan jar kake. Kōnono kōn ta meļeļe in n̄an jar “iien otemjej, kōn ainikien im ilo būruōm̧.”

Katak im Bujen Ko 81:5N̄an ekkatak kōn pedped in katak ko ilo eoon in, bōlen ro uwaan baam̧le eo remaron̄ kwaļo̧k waanjon̄ak ko kōn n̄āāt eo raar en̄jake “ban” ak “m̧ōjņo̧” im juon ekar rie ak kōkajoorļo̧k er. Komaron̄ barāinwōt alooje pija in alooj eo kōn jerbal n̄an ro jet, ko āinwōt “Works of God” ak “The Miracle of the Roof” (ChurchofJesusChrist.org). Ekōnono kōn ekōjkan an baam̧le eo am̧ maron̄ raan otemjej jerbal n̄an doon ilo wāween (repidodo) ko reļem waan.

Katak im Bujen Ko:82 8–10Bōlen juon ikkure epidodo enaaj jipan̄ baam̧le eo am̧ en̄jake kam̧m̧oolol kōn kien ko an Anij. Juon uwaan baam̧le eo emaron̄ kwaļo̧k naan in kōmeļeļe ko n̄an jipan̄ juon uwaan baam̧le eo kar lukōj mejān n̄an kōm̧m̧ane juon jānwij ak ilo̧k ilo juon iaļ eo ewōr juon kapan̄pan̄ ie. Ļōmņak kōn juon men eo ekam̧ōņōņō im elōn̄ kilen kōm̧m̧ane! Innām ekōnono kōn ekōjkan an kien ko an Anij āinwōt naan in kōmeļeļe ko ilo ikkure eo.

Katak im Bujen Ko 82:18–19.Ta eo kajjojo uwaan baam̧le eo emaron̄ kōm̧m̧ane n̄an “em̧m̧anļo̧k ioon kapeel eo an [ak lio]” im “bōk kapeel ko jet”? Emaron̄ in kalimomo n̄an kōm̧m̧an bwe en wōr juon iien kwaļo̧k kapeel (talent show) an baam̧le eo. Ļōmņak kōn wāween ko n̄an kobaik kapeel ko me ejjab pidodo kwaļo̧ki (ko āinwōt menin letok ko ilo jetōb lale Katak im Bujen Ko 46:11–26). Ekōjkan ad maron̄ kōjerbal kapeel ko ad im kwaļo̧k men ko ewōr ippād n̄an kōjeraam̧m̧an baam̧le eo ad im ro rūturid? Ta meļeļe in n̄an kōjerbal kapeel ko ad “ippān erreļo̧k eo wōt n̄an aiboojoj eo an Anij”?

Kōn elōn̄ļo̧k ļōmņak ko n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “Have I Done Any Good?” Hymns, nō. 223; lale barāinwōt “Ļōmņak ko n̄an Kōkōm̧anm̧anļo̧k Ekkatak Jeje Ko Rekwojarjar an Baam̧le eo Am̧.”

Kōkōm̧anm̧anļo̧k Ad Katakin

Kajjitōk kajjitōk ko me rej tōlļo̧k n̄an jerbal. Ļōmņak kōn kajjitōk ko me ej im̧we ro uwaan baam̧le eo am̧ n̄an kejōkļo̧kjeņ kōn wāween aer maron̄ ļapļo̧k aer mour kōn gospel eo. “Ekkā an men kein jab kajjitōk ko ekōnono kaki; rej n̄an kejekļo̧kjeņ kaki an juon make” (Teaching in the Savior’s Way,31

Jisōs ej kemour juon em̧m̧aan

Pija eo kōn an Jisōs kemour juon em̧m̧aan jān Dan Burr