Restoration, by Liz Lemon Swindle

Juļae 26–O̧kwōj 1

Katak im Bujen Ko 84

“Kajoor in Āinwōt Anij”

Ilo am̧ riiti Katak im Bujen Ko 84, kōļmenļo̧kjeņ kōn kapilōk eo n̄an “mour ekkar n̄an naan otemjej ej diwōjtok jān lo̧n̄iin Anij” (eoon 44). Ekōjkan am naaj mour kōn naan ko ilo revelesōn in?

Je En̄jake ko Rej Im̧we Eok

Jān iien eo ke priesthood eo ekar jepļaaktok ilo 1829 eo, Armej ro Rekwojarjar raar jeraam̧m̧an jān kajoor in ekwojarjar. Raar peptaij, kar kapen, im kar kūr n̄an jerbal jān mālim eo an priesthood, ekanooj ainļo̧k wōt kōj rainin. Bōtaab kōn maron̄ eo n̄an tōpar priesthood eo ejjab āinwōt n̄e epidodo meļeļe kake, im elōn̄ļo̧k men Anij Ej kōņaan bwe Armej ro Rekwojarjar An ren meļeļe—eļap tata kōn itok in jepļaaktok eo an kain̄i ko an tampeļ. Revelesōn eo ilo 1832 eo kōn priesthood eo, kiiō Katak im Bujen Ko 84, kar kōdepakpakļo̧k visōn eo an Armej ro Rekwojarjar kōn ta lukkuun in priesthood eo. Im emaron̄ in kōm̧m̧ane ejja āinwōt n̄an kōj rainin. Im ālkin men otemjeļo̧k, eļap ijo n̄an ekkatak kōn kajoor eo ekwojarjar me ej kabwijer “ki in jeļāļo̧kjeņ an Anij,” me ej kōm̧m̧an bwe en waļo̧k “kajoor in āinwōt anij,” im bwe ej kōpooj kōj n̄an “lo turin mejān Anij, em̧ool Jemān, im mour.” (eoon 19–22).

Ļōm̧ņak ko n̄an Ekkatak Jeje Ko Rekwojarjar Ippam̧ Make

Katak im Bujen Ko 84:1–5, 17–28

Ewōr aō maron̄ tōpar kajoor in priesthood eo an Anij im kōjeraam̧m̧an ko.

N̄e kwoj ļōmņak kōn naan eo priesthood, ta eo itok n̄an kōlmenļo̧kjeņ eo am̧? Ewi emakijkij in am̧ ļōmņak kōn priesthood eo im kareel ko an ilo mour eo am̧ aolep raan? Ālkin kōļmenļo̧kjeņ kōn kajjitōk kein, ekkatak Katak im Bujen Ko 84:1–5, 17–28, im ļōmņak kōn ta eo Irooj ekōnaan bwe kwon jeļā kōn kajoor in priesthood eo An. Ekōjkan am̧ maron̄ kōjerbal eoon kein n̄an kōmeļeļeik priesthood eo n̄an juon im kōmeļeļeik kōttōpar ko an.

Komaron̄ barāinwōt kōļmenļo̧kjeņ kōn kain̄i ko an priesthood eo kwar bōk koņaam̧ ie. Ekōjkan am̧ kar lo “kajoor in āinwōt anij” eo (eoon 20) waļo̧k ilo er? Ļōmņak kōn ta eo Irooj ekōņaan bwe kwon kōm̧m̧ane n̄an bōk eļapļo̧k An kajoor n̄an mour eo am̧.

Lale barāinwōt M. Russell Ballard, “Men and Women and Priesthood Power,” Ensign, Sept. 2014, 28–33; Gospel Topics, “Priesthood,” topics.ChurchofJesusChrist.org.

Katak im Bujen Ko 84:31–42

Eļan̄n̄e ij bōk Irooj im ro Rikarejeran, Inaaj bōk aolep men ewōr an Jemān.

Elder Paul B. Pieper eaar katakin “Ekaitoktok limo bwe ilo kallim̧ur eo im bujen eo an priesthood eo [Katak im Bujen Ko 84:31–42], Irooj ej kōjerbal verb ko bōki im bōk. Ejjab kōjerbal verb eo bōki. Ej ilo tampeļ eo me em̧m̧aan ro im kōrā ro—jim̧or ippān doon—bōki im bōk kōjeraam̧m̧an ko im kajoor eo an jim̧or Priesthood ko an Aron im Melkesidek” (“Revealed Realities of Mortality,” Ensign, Jan. 2016, 21).

Ilo am̧ ekkatak Katak im Bujen Ko 84:31–42, kappukōt naan ko “bōki” im “bōk.” Kōļmenļokjeņ kōn ta eo remaron̄ meļeļe in ilo jekjek in. Ekōjan am̧ “bōk[e]” ro Rikarejeran Irooj?

Komaron̄ barāinwōt kile kallim̧ur ko ilo eoon kein rej ippānļo̧k kallim̧ur eo im bujen eo an priesthood eo, eo Anij “ej jab maron̄ rupe” (eoon 40). Ta eo kwoj loe bwe ej im̧we eok n̄an kōļapļo̧k am̧ tiljek ilo bōk Jemen, ro Rikarejeran, im kajoor in priesthood eo An?

Lale barāinwōt Unin Tōl n̄an Jeje Ko Rekwōjarjar, “Bujen,” “Kallim̧ur/Kanejnej,” scriptures.ChurchofJesusChrist.org.

Katak im Bujen Ko 84:43–58

Ij itok n̄an Kraist ilo aō ron̄jake naan ko An im ron̄jake Jetōb eo An.

Riiti jeje ko rekwojarjar aolep iien im naan ko an rikanaan ro eļapļo̧k jān juon item n̄an jereļo̧k an laajrak in kōm̧m̧ane eo ilo jetōb. Ta m̧ool ko kwoj loi ilo Katak im Bujen Ko 84:43–58 me ejipan̄ eok meļeļe etke kwoj aikuj jab m̧ūjkōk ilo ekkatak naan an Anij? Kile oktak eo ikōtaan meram im marok ilo eoon kein; ekōjkan an kar “tiljek eo̧ron̄e naan ko an mour indeeo” eo am̧ kar bōktok meram, m̧ool im “Jitōbōn Jisōs Kraist” n̄an mour eo am̧? (eoon 43, 45).

Lale barāinwōt 2 Nipai 32:3; “The Book of Mormon—Keystone of Our Religion,” Teachings of Presidents of the Church: Ezra Taft Benson (2014), 125–35.

Ekkatak jeje ko rekwojarjar ejipan̄ eō en̄jake kareel eo an Jetōb.

Katak im Bujen Ko 84:62–91

Irooj enaaj pād ippa n̄e ij pād ilo jerbal eo An.

Ilo am̧ riiti eoon kein, komaron̄ kile wāween ko Iroroj eaar ba Enaaj kar rejtake Rijilōk ro im mijenede ro An. Ekōjkan an kallim̧ur kein maron̄ kōjerbali n̄an jerbal eo Eaar kajjitōk ippam̧ n̄an kōm̧m̧ane? N̄an waanjon̄ak, ekōjkan an kallim̧ur ko ilo eoon 88 kar kūrm̧ool ilo mour eo am̧?

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Katak im Bujen Ko 84:6–18.Ālkin riit kōn ekōjkan an Moses kar bōk mālim an priethood eo an, juon rikabwijer priesthood eo ilo baam̧le eo am̧ ak juon būratōr in jerbal in karejar eo maron̄ kwaļo̧k jeļā eo an kōn kar kapiti n̄an juon opiij an priesthood eo. Eļan̄n̄e emaron̄, emaron̄ kwaļo̧k im ekōnono kōn ļain in mālim in priesthood eo an. Etke ej aorōk bwe jen maron̄ anōk likļo̧k mālim in priesthood eo ilo Kabun̄ in rainin ļo̧k n̄an mālim eo an Jisōs Kraist? N̄an kajjitōk kōn juon ļain in māļim in priesthood eo, jilkinļo̧k juon email n̄an [e-mail].

Katak im Bujen Ko 84:20–21.N̄aat eo baam̧le eo am̧ ekar en̄jake “kajoor in āinwōt anij” kar waļo̧k kōn juon kain̄i āinwōt peptaij ak kwojkwoj eo? Bōlen komaron̄ kōnono kōn ekōjkan an kain̄i kein bōktok kajoor eo an Anij n̄an mour ko ad. Komaron̄ barāinwōt kwaļo̧k juon pija in juon tampeļ im ekōnono kōn ekōjkan an kain̄i ko an tampeļ eo letok dam̧oļo̧k in kajoor n̄an kōj n̄an eromļo̧k āinwōt Rilo̧mo̧o̧r eo. Kom̧ maron̄ kōņaan al juon al kōn priesthood eo, eo āinwōt “The Priesthood Is Restored” (Children’s Songbook, 89), im ekōnono kōn ta eo al in ej katakin kōj kōn priesthood eo.

Katak im Bujen Ko 84:43–44.Komaron̄ kōpooj juon m̧ōn̄ā ak juon kapijie ippān doon im kakōļļeik kajjojo kein iiōk ko kōn juon naan ak eoon jān eoon 44. Etke ej aorōk bwe jen kobaiik aolep kein iiōk ko? Etke ej aorōk n̄an mour kōn aolep naan an Anij?

Katak im Bujen Ko 84:98–102.Ta eo jej ekkatak kōn Jisōs Kraist jān “al in ekāāl” (eoon 98) ilo eoon kein? Ta eo jemaron̄ kōm̧m̧ane ilo tōre in ad n̄an jipan̄ bōktok jekjek ko kar kōmeļeļeik ilo al in?

Katak im Bujen Ko 84:106–10.Ekōjkan an baam̧le eo ad “ketak ippān doon” jān menin letok ko im kijejeto ko an “kajjojoj uwaan”? (eoon 110).

Kōn elōn̄ļo̧k ļōmņak ko n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar kāālōte: “The Priesthood Is Restored,” Children’s Songbook, 89; lale “Ļōmņak ko n̄an Ekkatak Jeje ko Rekwojarjar an Baam̧le Eo Am̧

Kōkōm̧anm̧anļo̧k Ad Katakin

Leļo̧k im bar etale kūr ko n̄an jerbal. N̄e kwoj kajjitōk ippān baam̧le eo am̧ n̄an jerbale, ta eo rej ekkatak, kwoj kwaļo̧ki bwe gospel eo ej juon men n̄an mour kake, ejjab kōnono wōt kake. Ta eo komaron̄ kajjitōk ippāer n̄an jerbale jān ekkatak eo am̧i kōn Katak im Bujen Ko 84?

Rome Italy Temple