“O̧kwōj 2–8. Katak im Bujen Ko 85–87: ‘Kom̧in Jutak ilo Jikin ko Rekwōjarjar,’” Itok, Ļoor Eō—N̄an Kajjojo Armej im Baam̧le ko: Katak im Bujen Ko 2021 (2020)
“O̧kwōj 2–8. Katak im Bujen Ko 85–87,” Itok, Ļoor Eō—N̄an Kajjojo Armej im Baam̧le ko: 2021
O̧kwōj 2–8
Katak im Bujen Ko 85–87
“Kom̧in Jutak ilo Jikin ko Rekwōjarjar”
Jetōb eo en maron̄ tōl kom̧ n̄an ekkatak pedped in katak ko ilo jekjōn 85–87 bwe rej jab waļo̧k ilo unin tōl in. Ļoor im̧weo ko An.
Je En̄jake ko Rej Im̧we Eok
Raan in Kūrijm̧ōj ej juon iien ekka n̄an kōļmenļo̧kjeņ kōn ennaan ko āinwōt “aenōm̧m̧an ioon laļ” im “ippān armej raņ E bun̄būruon kake er” (lale Luk 2:14). Bōtaab ilo Tijemba 25, 1832, ļōmņak eo an Josep Smith ekar obrak kōn tariņae eo ekemetak. South Carolina ejkab m̧ōj an kar kwaļo̧k an jum̧ae kien eo an United States im kar m̧aanjabpopo n̄an pata. Im Irooj ekar kwaļo̧k n̄an Josep bwe menin eaar jab wōt ijjino eo: “Tariņae,” Eaar kwaļo̧k, “enaaj lutōkleplepļo̧k ioon aolep laļ ko” (Katak im Bujen Ko 87:2). Eaar āinwōt kanaan in enaaj kar kūrm̧ool kiiō kiiō wōt.
Bōtaab innām ekar jab, Ilowaan wōt kar jejjo wiik ko, South Carolina im kien eo an U.S. raar tōpar juon koņ, im kar bōbrae taiņae eo. Bōtaab revelesōn ejjab aolep iein kūrm̧ool ilo iien eo ak ilo wāween eo jaar kōtmene. Iturinļo̧k 30 iiō ko tokālik, eto ālik kar m̧an Josep Smith im Armej ro Rekwojarjar raar em̧m̧akūtļo̧k n̄an ituiōn̄, South Carolina eaar jum̧ae im tariņe ijin kar waļo̧k. Jān iien eo, tariņae ilo aolepān laļ in ekar kōm̧m̧an an “ro rej pād ilaļ [n̄an] būrom̧ōj” (Katak im Bujen Ko 87:6). Ilo an kanaan eo kar āliktata kūrm̧ool, aorōk eo an revelesōn in edik an kaajimilele n̄e jerata enaaj itok im eļapļo̧k ilo katakin ta eo n̄an kōm̧m̧ane n̄e kōm̧m̧ane. Kapilōk eo ilo ejja āinwōt ilo 1831, 1861, im 2021: “jutak ilo jikin ko rekwōjarjar, im jab em̧m̧akūt” (eoon 8).
Ļōm̧ņak ko n̄an Ekkatak Jeje Ko Rekwojarjar Ippam̧ Make
Ej em̧m̧an “n̄an kōjparok bujen eo.”
“Bwebwenato” eo kar kōmeļeļeik ilo eoon 1 kar ļo̧o̧ke āt ko me “[raar] bōk jolōt ko ekkar kakien” ilo Zaion (lale barāinwōt Katak im Bujen Ko 72:24–26). Mekarta, bwebwenato in eaar ļapļo̧k jān baj tōl wōt—eaar barāinwōt juon ļo̧o̧k aorōk kōn “jekjekin mour, tōmak ko aer, jerbal ko aer” an Armej ro Rekwojarjar (eoon 2).
Kwoj ke kōjparok juon bwebwenato am̧ make ak jōnōļ? Ta eo komaron̄ ļo̧o̧ke kōn jekjek in mour eo am̧, tōmak, im jerbal ko me remaron̄ in juon kōjeraam̧m̧an n̄an epepe ko ilju jekļaj? Ekōjkan an bwebwenato in maron̄ in juon kōjeraam̧m̧an n̄an kwe?
Lale barāinwōt “Journals: ‘Of Far More Worth than Gold,’” Teachings of Presidents of the Church: Wilford Woodruff (2011), 125–33; “Turning Hearts” (video, ChurchofJesusChrist.org).
Jetōb eo ej kōnono kōn juon “ainikien elur im mera.”
Kōļmenļo̧kjeņ kōn naan ko Josep Smith ekar kōjerbali n̄an kōmeļeļeik Jetōb eo ilo Katak im Bujen Ko 85:6. Ilo jekjek ta ainikien Jetōb eo “elur” im “meral”? Ta jet men ko rej “deblo̧ke” ilo mour eo am̧?
Ilo am̧ ļōmņak kōn ekōjkan an Jetōb eo kōnono n̄an eok, ļōmņake kōmeļeļe kein kar litok kōn Josep Smith: Katak im Bujen Ko 6:22–24; 8:2–3; 9:7–9; 11:12–13; 128:1. Pedped ioon ta eo kwar riiti, ta eo kwoj en̄jake kwoj aikuj in kōm̧m̧ane n̄an em̧m̧anļo̧k am̧ kile ainikien Jetōb eo?
Lale barāinwōt 1 Kiin̄ 19:11–12; Hilamōn 5:30.
Ekaktak jeje ko rekwojarjar ejipan̄ kōj ron̄ Jetōb Kwojarjar.
Ro rejim̧we rej ain doon ilo raan ko āliktata.
Katak im Bujen Ko 86:1–7 epād ie kōmeļeļe eo an Irooj kōn būrabōļ eo kōn wit eo im tāō ko, kōn jidik oktak kōmejajaik jān An kar letok ilo Matu13:24–30, 37–43. Ilo am̧ keidi men kein ruo, ta oktak ko kwoj kūli? Ļōmņak kōn etke būrabōļ in—ippān oktak kein—ej wōr tokjān bar āliji “ilo raan ko āliktata, em̧ool kiiō ” (Katak im Bujen Ko 86:4). Ta eo komaron̄ ekkatak jān būrabōļ in im ukook eo an ilo raan ko āliktata?
Āinwōt an kar je ilo eoon 8–11, innām Irooj ekar ekōnono kōn priesthood eo, jepļaaktok eo, im lo̧mo̧o̧r eo an armej ro An. Ta kōtaan ko kwoj loe ikōtaan eoon kein im būrabōļ eo kōn wit eo im tāō ko? Ekōjkan am̧ maron̄ in āinwōt “juon rilo̧mo̧o̧r n̄an armej ro [an Irooj] armej”? (eoon 11).
Lale barāinwōt Gospel Topics, “Mārok jilōn̄lōn̄,” “Jeplaaktok eo an Priesthood eo,” topics.ChurchofsusChrist.org.
Aenōm̧m̧an ej loe ilo “jikin ko rekwojarjar.”
Ilo kakobaba n̄an kauwōtata ko ilo kanniōk kōn “kōtoorļo̧k bōtōktōk … [im] n̄ūta, im kaen̄taan, im m̧akūtkūt in laļ” (Katak im Bujen Ko), kapilōk eo ilo revelesōn in emaron̄ barāinwōt jerbal n̄an kauwōtata ko ilo jetōb jej aolep jelm̧ai ilo raan ko āliktata. Ta “jikin ko rekwojarjar” am̧ (eoon 8) ijo kwoj lo aenōm̧m̧an im kōjparok? Ta eo ej kōm̧m̧ane bwe en juon jikin ekwojarjar? Ilo kakobaba n̄an jikin ko ilo kanniōk, bōlen ewōr iien ko rekwojarjar, kaminene ko rekwojarjar, ak ļōmņak ko rekwojarjar me remaron̄ letok aenōm̧m̧an. Ta meļeļe in n̄an “jab em̧m̧akūt” jān jikin kein?
Lale barāinwōt Henry B. Eyring, “M̧weo Ijo Jetōb eo an Irooj ej Jokwe ie,” Ensign ak Liaona, Māe 2019, 22–25; Saints, 1:163–64; “Peace and War,” Revelations in Context, 158–64.
Ļōmņak ko n̄an Ekkatak Jeje ko Rekwojarjar an Baam̧le im Nokon in Jota
-
Katak im Bujen Ko 85:6.Ekōjkan am̧ maron̄ katakin baam̧le eo am̧ n̄an kūle, ainikien eo elur, edik an Irooj? Bōlen komaron̄ ikkure juon ikkure eo me juon ej unoojdikdiki naan in kōmeļeļe ko raorōk ioļapļap in ainikine ko rekapopo. Ta eo emaron̄ in kapoik kōj jān ron̄jake Jetōb Kwojarjar eo? Bōlen ro uwaan baam̧le eo remaron̄ kwaļo̧k ta eo rej kōm̧m̧ane n̄an ron̄ ainikien Jetōb eo.
-
Katak im Bujen Ko 86.Jin̄aik ak lale pija ko remaron̄ jipan̄ baam̧le eo am̧ meļeļe būrabōļ eo kōn wit eo im tāō ko? Komaron̄ kōņaan jino kōn pija ko kōn men ko kar kōmeļeļeik ilo Matu 13:24–30. Innām baam̧le eo am̧ emaron̄ kakōļļeik pija ko kōn kōmeļeļe ko jān Katak im Bujen Ko 86:1–7. Ekōjkan ad āinwōt wit eo? Ekōjkan ad maron̄ erom āinwōt enjeļ ro me rej ain doon wit eo?
-
Katak im Bujen Ko 87:8N̄an kwaļo̧k kadkad in juon ekōnono kōn ekōjkan kōm̧m̧ane m̧weo im̧ōm̧ en juon jikin ekwojarjarļo̧k, komaron̄ kajjitōk ippān ro uwaan baam̧le n̄an pijaik juon em̧ n̄an juon eo me rej iakwe Rilo̧mo̧o̧r eo. Menin emaron̄ tōlļo̧k n̄an ļōmņak ko kōn ekōjkan “bar pijaik” m̧weo im̧ōm̧ n̄an kōm̧m̧an bwe en juon jikin aenōm̧m̧an ilo ioļapļap in kauwōtata eo ilo jetōb ilo laļ. Al ko āinwōt “Ewōr Aibujuij Ibelakin,” “Home Can Be a Heaven on Earth” (Hymns, nō. 34, 298), ak “Where Love Is” (Children’s Songbook, 138–39) remarōn lewaj ūn ko.
Kōn elōn̄ļo̧k ļōmņak ko n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.
Al eo kar elmakote: “Where Love Is,” Children’s Songbook, 138–39.
Kōkōm̧anm̧anļo̧k Ad Katakin
Kōjerbal jeļā kilen eo am̧. N̄e kwoj katakin baam̧le eo am̧ jān jeje ko rekwojarjar, jab kōm̧m̧an jon̄an am make n̄an kajjitōk ko im ļōmņak in m̧akūtkūt ko kar elmakote ilo elaajrak in. Kōm̧m̧an bwe ļōmņak kein ren jino jeļā kōpeļaak eo am̧ make. Ļōmņak kōn ta eo baam̧le eo am̧ enaaj ba lem̧ōņōņō im ta eo enaaj jipan̄ elo ekkejel ko ikōtaan jeje ko rekwojarjar im mour ko aer.
Irooj ekar kōjerbal būrabōļ eo kōn wit eo im tāō ko n̄an kōmeļeļeik ekōjkan an armej ro An naaj ain doon ilo raan ko āliktata.