juon ruum̧ ippān jea ko im jea aitoktok ko

O̧kwōj 9–15

Katak im Bujen Ko 88

“Kajutak … juon Im̧ōn Anij”

Būreejtōn Russell M. Nelson eaar ba, “Ij kallim̧ur bwe ilo ami tiljek jerbal n̄an bar kōkāāl m̧weo im̧ōmi n̄an juon jikin ekkatak gospel eo, … kareel ko an rikapo ilo mour eo ami ilo m̧weo imōmi enaaj dikļo̧k” (“Erom̧ Riwaanjon̄ak ro rej Armej ro Rekwojarjar ilo Raan-ko Āliktata,” Ensign ak Liaona, Nob. 2018, 113).

Je En̄jake ko Rej Im̧we Eok

Jet iien, Irooj ej letok n̄an kōj juon meļeļe eo edik kōn “utiej im kajoor” eo An ejjeļo̧k jem̧lo̧kin (Katak im Bujen Ko 88:47) kōn revelesōn ko rejjab bōjrak n̄an rikanaan ro An. Katak im Bujen Ko 88 ej juon kain revelesōn—juon eo kōn meram im aiboojoj im aelōn̄ in kiin̄ ko me remaron̄ kōm̧m̧an bwe kea ko ad ilo mour in ren āinwōt reddik kōn keidi. Jekdo̧o̧n eļan̄n̄e jejjab maron̄ keidi aolep ta eo Irooj ej katakin kōj, jemaron̄ jidik arromeļo̧k bwe ekanooj in ļap n̄an indeeo jān ta eo jej keidi kiiō. Aaet, Irooj ejjab ekōnono kōn utiej kein reļļap n̄an kakor kōj ak kōm̧m̧an ad en̄jake edik. Ilo m̧ool, Eaar kallim̧ur, “aan eo enaaj itok n̄e kom̧ naaj meļeļe em̧ool Anij” (eoon 49; italic ko kar kobaitok). Bōlen ekar kōn ta eo aorōk me Irooj ekar libjōrjōr Armej ro Rekwojarjar An ilo Kirtland n̄an ejake Jikuuļ eo an Rikanaan ro. “Karōke kom̧ make,” Eaar ba. “Kōpooj kajjojo mennin aikuj, im kajutak … juon im̧ōn Anij” (eoon 119). Bwe ej ilowaan m̧weo im̧ōn Anij ekwojarjar—im ilo m̧ōko im̧ōd—me E emaron̄, eļapļo̧k jān jabdewōt bar jikin, kotak visōn eo ad eļapļo̧k jān laļ wabanban in, “joļo̧k jān pinjān Mejān n̄an [kōj],” im kōpooj kōj n̄an “maron̄ mour ilo aiboojoj in selestial (aļ?)” (eoon 68, 22).

pija ej bōk jikin ekkatak ippam̧ make

Ļōm̧ņak ko n̄an Ekkatak Jeje Ko Rekwojarjar Ippam̧ Make

Katak im Bujen Ko 88

Irooj ej letok n̄an kōj kōjatdikdik im aenōm̧m̧an.

Jet wōt raan ko ālkin kakkōļ eo bwe tariņae eo enaaj kar “lutōkleplepļo̧k ioon aolep laļ ko” (Katak im Bujen Ko 87:2), Irooj ekar leļo̧k juon revelesōn me Josep Smith ekar ņae etan juon “‘bilkōn wōjke olive’ … rujeļo̧k jān Wōjke in Paredais, ennaan in kaenōm̧m̧an eo an Irooj n̄an kōj” (Katak im Bujen Ko 88, taitōļ in jekjōn eo). Ekōjkan an revelesōn in āinwōt juon bilkōn wōjke olive, juon kakōļļe in aenōm̧m̧an eo iminene kake? (lale barāinwōt Genesis 8:11). Ta m̧ool ko ilo jekjōn in rejipan̄ eok en̄jake kōjatdikdik im aenōm̧m̧an ilo Kraist?

Katak im Bujen Ko 88:6–67

Meram im kein rej itok jān Jisōs Kraist.

Naan ko meram im kien rej āliji elōn̄ kōttan ilo jekjōn 88. Naan kien rekar kōjerbali ilo eoon ko jet n̄an kōmeļeļeik Jisōs Kraist im gospel eo An (n̄an waanjon̄ak, lale Aiseia 60:19; Jon 1:1–9; 3 Nipai 15:9). Kakōļļeik ak je eoon ko ijo kwoj lo naan kein ie ilo Katak im Bujen Ko 88:6–67, im je ta eo kwoj ekkatak kōn Rilo̧mo̧o̧r eo, meram, im kien. Eoon kein remaron̄ im̧we eok n̄an kōm̧m̧an oktak ko ilo mour eo am̧ n̄an an ļapļo̧k am̧ tiljek(n̄an?) bōk meram eo im mour kōn “kien eo an Kraist” (eoon 21).

Lale barāinwōt Sharon Eubank, “Kraist: Meram eo Me ej Romaak ilo Marok,” Ensign ak Liaona, Māe 2019, 73–76.

baam̧le eo ej ekkatak jeje ko rekwojarjar

Jeje ko rekwojarjar epād ie kien eo an Kraist.

Katak im Bujen Ko 88:62–126

Kōpooj kajjojo mennin aikuj.

Ilo jet wāween ko, jej mour ilo tōre eo me Irooj ekar kōmeļeļeik n̄e “aolep men otemjeļo̧k renaaj poktak; im em̧ool, būruōn armej renaaj likjab jān er” (Katak im Bujen Ko 88:91). Ilo am̧ riiti eoon 62–126, ļōmņak kōn ekōjkan an kapilōk eo an Irooj jipan̄ eok m̧aanjabpopo n̄an Itok Eo Kein Karuo an Rilo̧mo̧o̧r eo. Er kein rej jejjo kajjitōk ko n̄an ļōmņak kaki:

Eoon ko 62–76.Ilo am̧ kōļmenļo̧kjeņ kōn eoon kein, ta eo kwoj im̧we n̄an kōm̧m̧ane n̄an “kepaaktok” Anij? (eoon 63). Ļōmņak kōn ta kean̄ eo an Irooj n̄an “kōkwōjarjar kom̧” emaron̄ meļeļe in n̄an kwe (eoon 68).

Eoon 77–80, 118–26.Etke emaron̄ in “ mennin aikuj n̄an meļeļe” jim̧or ilo unin kōnono an katak im an laļ in? (eoon 78). Ekōjkan am̧ ļoor kapilōk eo n̄an “kappukot jeļā”? (eoon 118). Ta am̧ ļōmņak meļeļe in n̄an ekkatak “jān katak im barāinwōt jān tōmak”?

Eoon 81–116.Ļōmņak in kile naan in kanaan ko kōn Itok Eo Kein Karuo an Rilo̧mo̧o̧r eo ilo eoon kein. Etke kwoj ļōmņak Irooj ekōņaan bwe kwon jeļā kōn men kein?

Eoon 117–26.Ļōmņakin riiti eoon kein kōn likūt ilo ļōmņak tampeļ; ta eo kwoj loe ijin me emaron̄ jipan̄ eok m̧aanjabpopo n̄an deļo̧n̄e im̧weo im̧ōn Irooj?

Lale barāinwōt D. Todd Christofferson, “Kōppopo n̄an Ro̧o̧ltok eo an Irooj,” Ensign ak Liaona, Māe 2019, 81–84; David A. Bednar, “Seek Learningby Faith,” Ensign, Jept. 2007, 61–68; Saints (Rikwojarjar?), 1:164–66; “A School and an Endowment,” Revelations in Context, 174–82.

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Katak im Bujen Ko 88:14–33, 95–101.Ta eo jej ekkatak kōn Jerkakpeje eo jān eoon kein? Ekōjkan an m̧ool kein maron̄ kareel kāālet ko jej kōm̧m̧ani?

Katak im Bujen Ko 88:33.Komaron̄ jino juon iien ekōnono kōn eoon in jān kajjitōk ippān ro uwaan baam̧le eo n̄an kōnono kōn menin letok ko em̧ōj kar leļo̧k n̄an er—jim̧or ko raar būki ilo lan̄lōn̄ im ko jet raar jab. Ekōjkan ad maron̄ kwaļo̧k n̄an Irooj bwe jej lem̧ōņōņō ilo menin letok eo an aiboojoj in jiļiejtōļ eo me Ej letok n̄an kōj? Ekōjkan ad lem̧ōņōņō ilo “rileļo̧k eo an mennin leļo̧k eo”?

Katak im Bujen Ko 88:63, 68.Eoon kein repād ie jet naan in m̧akūtkūt ko me remaron̄ im̧we eok n̄an ļōmņak ilo wāween ko rokoktaktak jān doon n̄an katakin ennaaan ko ilo eoon kein n̄an ajri ro nejūm̧. N̄an waanjon̄ak, komaron̄ ikkure kōn ikkure in em̧ooj eo n̄an ekōnono kōn naan eo “kappukot eō im kom̧ naaj lo eō” (eoon 63; italic ko kar kobaiktok).

Katak im Bujen Ko 88:81.Āinwōt juon baam̧le, kile jet kakōļļe in kakkōl ko ilo im ipeļaakin m̧weo im̧ōmi, ko āinwōt ļebōļ in kakkōl ko ioon uno ko ak kakōļļe in tūrāpik n̄an rikattōr ro. Ekōjkan an kakkōl kein jipan̄ kōj? Ta eo Jemedwōj Ilan̄ ekōņan bwe jen “kakkōl eo [rūturid]” kake?

Katak im Bujen Ko 88:119.N̄an im̧we baam̧le eo am̧ n̄an kōm̧m̧an bwe m̧weo im̧ōmi en āinwōt kōmeļeļe eo ilo eoon 119, kajjieon̄e juon men āinwōt in: Je naan ko jān eoon in ioon peba aidikdik jiddik ko, im kōjerbali n̄an pinej juon pija in tampeļ. Riiti Katak im Bujen Ko 88:119 ippān doon, im kōm̧m̧an bwe ro uwaan baam̧le eo ren kōmakūt juon peba aidikdik edik ilo aer ron̄ naan eo ej iiokļo̧k ilo eoon eo. Ta eo jemaron̄ kōm̧m̧ane n̄an kōm̧m̧an bwe m̧weo im̧ōd en juon “im̧ōn Anij”? (eoon 119).

Kōn elōn̄ļo̧k ļōmņak ko n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “Nearer, My God, to Thee,” Hymns, nō. 100.

Kōkm̧anm̧anļo̧k Ad Katakin

Kōm̧m̧an bwe ajri ro ren kōm̧m̧ani jekjek ko aer rejej uwaer. N̄e kwoj kajjitōk ippān ajri ro n̄an ejake juon men āinļo̧k n̄an juon pedped an gospel eo, kwojjab wōt jipan̄ er bwe en em̧m̧anļo̧k aer meļeļe pedped in katak eo, ak kwoj barāinwōt leļo̧k n̄an er juon kein kakememej rej remaron̄ jibwe kōn ta eo raar ekkatak (lale Teaching in the Savior’s Way, 25).

Jisōs ippān rikaļoor ro

Jisōs Kraist ej letok n̄an kōj aenōm̧m̧an. Aenōm̧m̧an Ij Likūt Ippāmi, jān Walter Rane