ruum̧ eo ippān jea ko im jea aļaļ aittok ko

O̧kwōj 9–15.

Katak im Bujen Ko 88

“Kajutak … juon Im̧ōn Anij”

Katak im Bujen Ko 88:118 ej kōkapilōklōk, “Katakin doon naan ko in mālōtlōt.” Ta “naan ko in mālōtlōt” ilo Katak im Bujen Ko 88 me eļap aer jetjet n̄an ajri ro kwoj katakin er?

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Jiron̄ ajri ro bwe Jemedwōj Ilan̄ im Jisōs Kraist rekōņaan bwe jen ekkatak wōt ilo aolepān mour ko ad. Innām kajjitōk ippāer n̄an kwaļo̧k juon men rej ekkatak ilo m̧weo, ilo jikuuļ, ak ilo m̧ōn jar eo.

pija in katakin

Katakin Katak eo: Ajri ro Reddikļo̧k

Katak im Bujen Ko 88:63

Anij ekōņaan bwe in epaakeļo̧k E.

Ta eo komaron̄ kōm̧m̧ane n̄an jipan̄ ajri ro kwoj katakin er en̄jake an Anij pād ilo mour ko aer?

M̧akūtkūt ko Maron̄ Kōm̧m̧ani

• Ilo am̧ riiti Katak im Bujen Ko 88:63, kajjitōk ippān ajri ro n̄an kōm̧m̧an kōl kōn jet iaan naan ko rej ron̄. N̄an waanjon̄ak, remaron̄ kōtan ke kappukōt juon men ak kaļaļļaļ.

• Kajjitōk ippān juon ajri n̄an jibwe juon pija in Jisōs ilo im̧aan ruum̧ eo ilo an ajri ro jej jutak ilo itulik in ruum̧ eo. Kajjitōk ippān ajri ro n̄an bōk juon bun̄tōn m̧aanļo̧k kajjojo iien kwoj ba juon men jemaron̄ kōm̧m̧ane n̄an etal epakeļo̧k Rilo̧mo̧o̧r eo im bōk juon bun̄tōn likļo̧k kajjojo iien kwoj ba juon men me ej kōttoļo̧k kōj jān Rilo̧mo̧o̧r eo. Kwaļo̧k naan in kam̧ool eo am̧ bwe n̄e jej kajjieon̄ in etal epakeļo̧k Irooj, Ej itok epaketok kōj.

Katak im Bujen Ko 88:118

Jemedwōj Ilan̄ ekōņaan bwe in ekkatak.

“Jeļāļo̧kjeņ ej juon m̧ōttan eo eaorōk ilo karōk eo an Jemedwōj Ilan̄ n̄an jipan̄ kom̧ eromļo̧k āinwōt E. … Jeļāļo̧kjeņ eo kom̧ij bōke enaaj ļap an aorōk n̄an kom̧ ilo mour in im ilo mour eo ej itok” (N̄an Kōkajoorļo̧k Jodikdik ro, 9).

M̧akūtkūt ko Maron̄ Kōm̧m̧ani

• Kwaļo̧k juon pija in juon jikuuļ, ak jin̄aik juon ioon boot eo, im kajjitōk ippān ajri ro n̄an kōmeļeļeik ta in m̧ōn jikuuļ im ta eo ej waļo̧k ie. Ba kōn jikuuļ eo Josep Smith ekar jinoe (lale “Chapter 31: The Word of Wisdom,” Doctrine and Covenants Stories, 119–22). Kwaļo̧k n̄an ajri ro pija ko kōn juon em̧, juon m̧ōn jar, im juon tampeļ, im kajjitōk ippāer ekōjkan an jikin kein barāinwōt āinwōt m̧ōn jikuuļ ko.

• Al juon al kōn ekkatak, eo āinwōt “Search, Ponder, and Pray” (Children’s Songbook, 109). Kajjitōk ippān ajri ro ta eo rej m̧ōņōņō in ekkatak kake.

• Riiti Katak im Bujen Ko 88:118, im kōmejajaik eoon eo “katakin doon.” Kwaļo̧k jet māletlet me kwar ekkatak jān kajjojo ajri ro ilo kūlaaj eo am̧, im kajjitōk ippāer n̄an kwaļo̧k māletlet eo raar ekkatak.

  ajri ro rej ekkatak jeje ko rekwojarjar.

  Jej aikuj kappukōt māletlet im ekkatak.

Katak im Bujen Ko 88:119

Tampeļ eo ej m̧weo im̧ōn Anij.

Ļōmņak kōn ekōjkan am̧ naaj jipan̄ ajri ro en̄jake iakwe eo n̄an tampeļ imi juon ikidelel n̄an kabun̄ jar n̄an Irooj ie n̄e rej pojak.

M̧akūtkūt ko Maron̄ Kōm̧m̧ani

• Kwaļo̧k n̄an ajri ro ekōjkan kōm̧m̧ane juon “tawōr” an tampeļ kōn kajutak peier im jibwe addiin peier ippān doon. Riiti Katak im Bujen Ko 88:119, im kajjitōk ippāer n̄an kōm̧m̧ane juon tawōr aolep iien kwoj ba naan eo “m̧weo.” Kōmeļeļeik bwe Jemedwōj Ilan̄ eaar kōņaan bwe Josep Smith im Armej ro Rekwojarjar ren kalōk juon tampeļ, ak “m̧weo im̧ōn Anij.” Kwaļo̧k juon pija in juon tampeļ epaak ilo am̧ kōnono kōn oktak ko ikōtaan juon tampeļ im juon im̧wōn kweilo̧k an Kabun̄ in.

• Kwaļo̧k naan in kam̧ool eo am̧ kōn tampeļ, im al ippān doon juon al kōn tampeļ, eo āinwōt “I Love to See the Temple” (Children’s Songbook, 95). Kajjitōk ippān ajri ro n̄an pijaik juon pija in er make rej etal n̄an tampeļ.

pija ej bōk jikin katakin

Katakin Katak ko: Ajri ro Rerūttoļo̧k

Katak im Bujen Ko 88:68, 74

Jisōs Kraist emaron̄ kōm̧m̧an bwe in erreo jān jerawiwi.

N̄an kōkwojarjar ej meļeļe in n̄an erreo im ejjeļo̧k lipijinjin. Ekōjkan am̧ maron̄ jipan̄ ajri ro kwoj katakin er meļeļe bwe remaron̄ in kōkwojarjar n̄e rej ļoor Jisōs Kraist?

M̧akūtkūt ko Maron̄ Kōm̧m̧ani

• Kajjitōk ippān juon ajri n̄an riiti Katak im Bujen Ko 88:68 kōļap ainikien im bar juon n̄an riiti eoon 74. Kajjitōk ippān ajri ro n̄an ron̄jake eoon eo me ej pād ilo eoon kein jim̧or. Ekōjkan ad “kōkwojarjar” kōj make? (Eļan̄n̄e aikuj, jipan̄ ajri ro lale “Kokwōjarjar” Ilo Unin Tōl Eo N̄an Jeje Ko Rekwōjarjar.) Jin̄aik juon pija in juon menono, juon pā, im juon ne ioon boot eo. Jipan̄ ajri ro ļōmņak kōn ta eo emaron̄ in meļeļe in n̄an “karreoik” im “joļo̧k jān an etoon” būruōd, peid, im ned. Ekōjkan an Rilo̧mo̧o̧r eo jipan̄ kōj kōm̧m̧ane menin? Ekōjkan ad maron̄ kōjerbal būruōd , peid, im ned n̄an eromļo̧k āinwōt Jisōs?

• Kōmeļeļeik bwe Irooj eaar kōņaan bwe armej ro An ren kōkwojarjar m̧okta jān aer maron̄ etal n̄an lowaan tampeļ eo. Ļōmņak in kajjitōk iippān juon likao ak juon jiron̄ me ewōr juon an peba in mālim an tampeļ n̄an lowaj kūlaaj eo. Kajjitōk ippān n̄an kwaļo̧k n̄an ajri ro ekōjkan jekjek in juon peba in mālim, ekōnono kōn ta eo rej kōm̧m̧an n̄an mour erreo kake, im kwaļo̧k etke ej aorōk n̄an wōr juon peba in mālim an tampeļ jekdo̧o̧n eļan̄n̄e kwoj jab mour epaake juon tampeļ.

Katak im Bujen Ko 88:77–80, 118

Jemedwōj Ilan̄ ekōņaan bwe in ekkatak.

Komaron̄ jipan̄ ajri ro meļeļe bwe ekkatak jim̧or kōn men ko an jetōb im kanniōk emaron̄ kōpooj er n̄an jerbal n̄an Irooj.

M̧akūtkūt ko Maron̄ Kōm̧m̧ani

• Je ioon boot eo Ta, Etke, im Ekōjkan. Kajjitōk ippān ajri ro n̄an riiti Katak im Bujen Ko 88:77–79 ilo ruo iaan ruo im kōm̧m̧ane juon laajrak in ta eo Irooj ekōņan bwe jen ekkatak kake. Innām kajjitōk ippāer n̄an etale eoon 80 n̄an pukōte etke Ekōņaan bwe jen ekkatak. Innām remaron̄ etale eoon 118 n̄an pukōte ekōjkan ad aikuj ekkatak. Ta eo jemaron̄ katak jān eoon kein kōn ekōjkan an Irooj lale jeļāļo̧kjeņ im ekkatak?

• Kwaļo̧k juon mab in laļ in, im riiti ippān doon Katak im Bujen Ko 88:79. Etke ej aorōk n̄an kōj n̄an ekkatak kōn laļ ko jet im m̧anit ko? Eļan̄n̄e kwe ak ajri ro kwoj katakin er kar loļo̧k ak mour ilo bar juon laļ, kwaļo̧k aitam ko me rej jutak kōn m̧anit eo, im kwaļo̧k men ko kwar ekkatak.

Katak im Bujen Ko 88:119–26

“Kajutak … juon im̧ōn Anij.”

Naan in kōmeļeļe eo an Irooj ikkijien “m̧weo im̧ōņ Anij” emaron̄ juon unin tōl ejipan̄ n̄an kōj ilo ad kalōk mour ko ad im im̧ōko im̧ōd.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an kāālet jiljilimjuon naan ko me rej kōmeļeļeik m̧weo im̧wer ak bar juon em̧ raar loļo̧k. Innām kajjitōk ippāer n̄an riiti Katak im Bujen Ko 88:119 im kappukōt naan ko jiljilimjuon Irooj ej kōjerbali n̄an kōmeļeļeik m̧weo Im̧ōn. Jipan̄ ajri ro ļōmņak kōn wāween ko remaron̄ kōm̧m̧ane bwe im̧ōko im̧wer en juon “m̧weo im̧ōņ Anij”

• Leļo̧k n̄an kajjojo ajri juon eoon jān Katak im Bujen Ko 88:119–26 n̄an jin̄aik. N̄e rej kwaļo̧k pija ko aer n̄an doon, kōm̧m̧an bwe ajri ro ren etale eoon ko n̄an kajidedeik ta eoon eo kajjojo pija ko rej jutak kake.

• Je ioon boot eo Kōm̧m̧an im Jab Kōm̧m̧ane. Kajjitōk ippān ajri ro n̄an riiti Katak im Bujen Ko 88:119–26 im kōllaajraki men ko Irooj ekōņaan bwe Armej ro Rekwojarjar ren kōm̧m̧ani ak jab kōm̧m̧ani n̄an m̧aanjabpopo n̄an ekkatak ilo tampeļ eo. Remaron̄ lale naan ko rejjab jeļā kaki ilo juon tikjinede. Kajjitōk ippān ajri ro n̄an kāālet juon men me renaaj jino kōm̧m̧ane ak juon men renaaj bōjrak kōm̧m̧an.

pija ej bōk jikin ekkatak

Kōketak Ekkatak ilo M̧weo

Kajjitōk ippān ajri ro n̄an je ak jin̄aik juon men raar ekkatak kake me rekōņaan kwaļo̧ke ippān baam̧le ko aer.

Kōkōm̧anm̧anļo̧k Ad Katakin

Jipan̄ ajri ro reddik bōk koņaer ilo ekōnono ko kōn gospel eo. Komaron̄ aikuj in ļōmņak kōn wāween ko remājedik n̄an kōm̧m̧an bwe ekōnono ko kōn gospel eo ippān ajri ro reddikļo̧k. N̄an waanjon̄ak, komaron̄ bōktok n̄an kūlaaj eo juon men ajri ro remaron̄ jibwe n̄e ej aer iien n̄an ekōnono.

peij in m̧akūtkūt eo: tampeļ ej m̧weo im̧ōn Anij