Josep Smith ej bōk Melkizedek Priesthood eo

Jepļaaktok eo, jān Liz Lemon Swindle

Juļae 26–O̧kwōj 1

Katak im Bujen Ko 84

“Kajoor in Āinwōt Anij”

Ilo am̧ riiti Katak im Bujen Ko 84, ta m̧ool ko kwoj en̄jake im̧we n̄an kōmmejajaik ippān ajri ro kwoj katakin er? Je en̄jake ko rem̧m̧an rej iwōj n̄an eok jān Jetōb Kwojarjar eo.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Kajjitōk ippān ajri ro n̄an kwaļo̧k men ko rejeļā kōn priesthood eo. Komaron̄ kwaļo̧k juon pija in juon eo kar kōjeraam̧m̧ane kōn kajoor eo an priestood eo, eo āinwōt Bok In Gospel Pija, nō. 103–10, im kajjitōk ippān ajri ro ekōjkan an priesthood eo kōjeraam̧m̧an baam̧le ko.

pija in katakin

Katakin Katak eo: Ajri ro Reddikļo̧k

Katak im Bujen Ko 84:19–22, 26–27

Priesthood ej kajoor eo an Anij.

Ajri ro kwoj katakin er rejeļā ke jibadbad eo an priesthood eo? Ilo Katak im Bujen Ko 84, Irooj ej kwaļo̧k juon jibadbad: n̄an jipan̄ kōj bar ro̧o̧lļo̧k n̄an Jemedwōj Ilan̄. (N̄an ekkatak eļapļo̧k, lale Gospel Topic ko, “Priesthood,” topics.ChurchofJesusChrist.org.)

M̧akūtkūt ko Maron̄ Kōm̧m̧ani

• Riiti Katak im Bujen Ko 84:20, im kajjitōk ippān ajri ro n̄an jutak n̄e rej ron̄ naan eo “kain̄i ko.” N̄an jipan̄ er meļeļe ta in kain̄i, kwaļo̧k pija ko an jet kain̄i ko an priesthood, ko āinwōt, Pija In Gospel Bok, nō. 103–8, im kajjitōk ippān ajri ro n̄an kōmeļeļeik ta eo ej waļo̧k ilo kajjojo pija, “Kain̄i ko,” scriptures.ChurchofJesusChrist.org). Kōmeļeļeik bwe Jemedwōj Ilan̄ ekar letok n̄an kōj kain̄i kein n̄an jipan̄ kōj bar ro̧o̧lļo̧k n̄an mour Ippān.

• Kōm̧m̧an bwe ajri ro ren kōļare peij in m̧akūtkūt eo. Ilo aer kōm̧m̧ane, kōmeļeļeik kain̄i ko an priesthood eo roktak jān doon kwaļo̧ki ilo peij eo im etke kwoj kam̧m̧oolol kōn kain̄i ko.

Katak im Bujen Ko 84:77

Ij m̧ōttan Jisōs n̄e ij ļoor E.

Ekōjkan am̧ maron̄ jipan̄ ajri ro jeļā bwe Rilo̧mo̧o̧r eo ej iakwe er em̧ool eļapļo̧k jān juon m̧ōttan m̧ōttaer eo ejitōn bōro ej iakwe er?

M̧akūtkūt ko Maron̄ Kōm̧m̧ani

• Kwaļo̧k juon pija in Rilo̧mo̧o̧r eo ilo am̧ riiti Katak im Bujen Ko 84:77. Kajjitōk ippān ajri n̄an jitōn̄ļo̧k pija eo an Rilo̧mo̧o̧r eo aolep iien rej ron̄ naan eo “ro m̧ōttan.” Kōmeļeļeik bwe n̄e jej kajjieon̄ n̄an kōjparok kien ko, jej kwaļo̧k n̄an Jisōs bwe jej iakwe E. Kwaļo̧k ta meļeļe in n̄an am̧ bōk Jisōs āinwōt eo m̧ōttam̧.

• Jipan̄ ajri ro kōllaajrake jet men ko remaron̄ kōm̧m̧ane n̄an kwaļo̧k n̄an ro m̧ōttaer bwe rej iakwe er. Ta eo Jisōs ekar kōm̧m̧ane n̄an kwaļo̧k n̄an kōj bwe E ej eo m̧ōttad? Ta eo jemaron̄ kōm̧m̧ane n̄an kwaļo̧k n̄an Rilo̧mo̧o̧r eo bwe jej ro M̧ōttan? Al ippān doon juon al kōn Jisōs, eo āinwōt, “Jesus Is Our Loving Friend” (Children’s Songbook, 58).

Katak im Bujen Ko 84:88

Jemedwōj Ilan̄ ej jipan̄ mijenede ro An.

Aitia eo kōn erom juon mijenede juon raan emaron̄ in kaitoktok limo bōtaab ebarāinwōt kakorkor n̄an jet ajri. Katak im Bujen Ko 84:88 emaron̄ jipan̄ er kōn ekōjkan an Jemedwōj Ilan̄ jipan̄ ro Ej jilkinļo̧k er n̄an kwaļo̧k gospel eo An.

M̧akūtkūt ko Maron̄ Kōm̧m̧ani

• Jipan̄ ajri ro ļōmņak kōn kallim̧ur ko rej kōm̧m̧ani. Jiron̄ er bwe Jemedwōj Ilan̄ eaar kōm̧m̧ane juon kallim̧ur aorōk n̄an mijenede ro. Riiti Katak im Bujen Ko 84:88, im jipan̄ ajri ro ļōmņak kōn m̧akūtkūt ko me rej iaio ippān kallim̧ur ko ilo eoon in. Ba n̄an er kōn juon iien ke kwar jerbal n̄an Irooj im kar en̄jake bwe Eaar pād ippam̧, ilo kar kōmeļeļeik ilo eoon 88.

• Kwaļo̧k bwebwenato eo kōn ļaddik eo emen iiō dettan ilo ennaan eo an Elder Takashi Wada “Kwojkwoj ioon Naan ko an Kraist” (Ensign ak Liaona, Māe 2019, 38–40). Jipan̄ kajjojo ajri n̄an ļōmņak kōn juon men eo remaron̄ ba n̄an kwaļo̧k naan in kam̧ool eo aer ippān juon—eo āinwōt kwaļo̧k juon pedped in tōmak ko. Kajjitōk ippān kajjjojo ajri n̄an kwaļo̧k etan ke rej kwaļo̧k gospel eo ippān juon m̧ōttaer. Kam̧ool bwe Jemedwōj Ilan̄ ej jipan̄ kōj jeļā ta eo n̄an ba n̄e jej kōnono ippān ro jet kōn gospel eo.

pija ej bōk jikin katakin

Katakin Katak ko: Ajri ro Rerūttoļo̧k

Katak im Bujen Ko 84:4–5, 18–28, 30

Kain̄i ko an priesthood rej jipan̄ eō m̧aanjabpopo n̄an mourr ippān Jemedwōj Ilan̄ bar juon alen.

Ilo aer rūttoļo̧k, ajri ro kwoj katakin er renaaj maron̄ in bōk koņaer ilo elōn̄ļo̧k kain̄i ko an priesthood eo, ekoba peptaij ko im kapene ko n̄an ro remej ilo tampel eo. Ekōjkan am̧ maron̄ jipan̄ er meļeļe jibadbad eo im kajoor eo an kain̄i ko an priesthood eo?

M̧akūtkūt ko Maron̄ Kōm̧m̧ani

• Je Priesthood eo an Aron im Melkezedek Priesthood eo ioon boot eo. Riiti ippān doon Katak im Bujen Ko 84:18, 26–28, 30, im jipan̄ ajri ro kōllaajraki m̧ool ko rej ekkatak kōn Priesthood eo an Aron jān eoon kein. Innān riiti ippān doon Katak im Bujen Ko 84:18–25, im kōllaajraki m̧ool ko kōn Melkezedik Priesthood eo.

• Kajjitōk ippān ajri ro n̄an kōllaajraki kain̄i ko an priesthood eo rekar bōk ko̧naer ie ak kar rikam̧ool, ko āinwōt peptaij, kapene, kōjeraam̧m̧an ko an priesthood, ak kwokwoj eo. Kajjitōk ippāer n̄an kwaļo̧k en̄jake ko aer ippān kain̄i kein. Riiti Katak im Bujen Ko 84:20 ippān doon (jipan̄ er meļeļe naan ko jab jeļā kaki). Etke Irooj ej kajjitōk ippād n̄an bōk ko̧naad ilo kain̄i ko? Ekōjkan an priesthood eo jipan̄ kōj bar ro̧o̧lļo̧k n̄an Jemedwōj Ilan̄?

  ajri ro rej bōk kwojkwoj eo

  Kain̄i ko rej jipan̄ kōj keememej kallim̧ur ko ad n̄an Anij.

• Ejake juon bajōļ jān juon pija in juon tampeļ. Riiti ippān ajri ro Katak im Bujen Ko 84:5, im kajjitōk ippāer n̄an ron̄jake ta eo Irooj ekar kakiene Armej ro Rekwojarjar n̄an kalōke. Leļo̧k n̄an kajjojo ajri juon m̧ōttan bajōļ eo, im kajjitōk ippāer n̄an kwaļo̧k juon men remaron̄ kōm̧m̧ane n̄an m̧aanjabpopo n̄an deļo̧n̄ tampeļ.

Katak im Bujen Ko 84:64–72, 81–88

Irooj ej kōjparok im kōkajoor mijenede ro.

Eoon kein repād ie kallim̧ur ko Irooj eaar kōm̧m̧ani n̄an ro me Eaar kūr er n̄an kwaļo̧k gospel eo. Kallim̧ur kein remaron̄ barāinwōt im̧we ajri ro ilo aer kwaļo̧k gospel eo an Jisōs Kraist ippān ro jet.

M̧akūtkūt ko Maron̄ Kōm̧m̧ani

• Kakurubrubi ajri ro n̄an ruo iaan ruo, im leļo̧k n̄an kajjojo pea jejjo eoon ko n̄an riiti jān Katak im Bujen Ko 84:64–72, 81–88. Kajjitōk ippāer n̄an kappukōt kallim̧ur ko Irooj ej liļo̧k n̄an ro me rej kwaļo̧k gospel eo. Kajjitōk ippāer n̄an kwaļo̧k ta eo raar ekkatak ippān kūlaaj eo. Jipan̄ ajri ro ļōmņak kōn armej ro rejeļā kajjier, ak armej ro ilo jeje ko rekwojarjar, me raar bōk jipan̄ eo an Irooj n̄e rej kwaļo̧k gospel eo (ro āinwō0t Samuel Rileman eo [lale Hilamōn 13:2–4; 16:6–7] ak Ammōn [lale Alma 17:32–38]). Kwaļo̧k juon en̄jake ke kwar en̄jake rie eo an Irooj ilo am̧ kar jerbal n̄an E.

• Bōktok kab ko ak nien ko jet reier wōt n̄an kūlaaj eo. Jeje ioon peba ko wāween ko ajri ro remaron̄ erom mijenede ro kiiō, im likūti kajjojo pepa ko ilo juon kab. Kakurubrubi kab ko epaake doon, kajitlōn̄ļo̧k mejān, ioon būļoor eo. Kajjitōk ippān ajri ro n̄an bōk koņaer kadkadļo̧k kōn juon men edik n̄an lowaan juon iaan kab ko innām kōm̧m̧ane ta eo ej ilo peba eo ilo kab eo. Ekōjkan an Jemedwōj Ilan̄ jipan̄ kōj n̄e jej kwaļo̧k gospel eo ippān ro jet, jekdo̧o̧n n̄e emaron̄ in pen ak jej en̄jake ikūm̧kūm̧?

• Jipan̄ ajri ro lo bwe jej aolep ro uwaan Kabun̄ eo an Jisōs Kraist im Armej ro Rekwojarjar ilo Raan Ko Āliktata kōnke kōn jerbal in mijenede—mijenede ro raar n̄e ejjab katakin kōj gospel eo n̄an kōj, ro jined im jemād, ak rūtto ro ad. Jiron̄ ajri ro kōn ekōjkan an mijenede ro kar jipan̄ eok ak rūtto ro am̧ bōk gospel eo. Kōm̧m̧an bwe ajri ro ren kwaļo̧k en̄jake ko ilo ejja jekjek in wōt. Kōketak er n̄an kajjitōk ippān ro jineer im jemeer kōn ekōjkan an ro uwaan Kabun̄ in m̧oktata ilo baam̧le ko aer kar ekkatak kōn gospel eo.

pija ej bōk jikin ekkatak

Kōketak Ekkatak ilo M̧weo

Kajjitōk ippan ajri ro n̄an kōm̧m̧ane juon men ilo wiik in n̄an kwaļo̧k gospel eo ippān juon ilo m̧weo im̧wer ak ippān juon m̧ōttaer. Kōketak er n̄an kajjitōk kōn jipan̄ eo an Jemedwōj Ilan̄ im n̄an mije ta eo Ej kōm̧m̧ane n̄an jipan̄ er.

Kōkm̧anm̧anļo̧k Ad Katakin

Kobaik en̄jake ko “Eitōn aolep ajri ro (im rūtto ro) em̧ōkaj aer ekkatak n̄e elōn̄ en̄jake rej koba ilo katak ko. Pukot wāween ko n̄an jipan̄ ajri ro kōjerbal en̄jake in loļo̧kjen, ron̄ļo̧kjeņ, im aer an̄uuri ilo aer ekkatak” (Teaching in the Savior’s Way,25).

Jisōs ej m̧ōtta