Tāne ’e te vahine tē rave nei i te mā’a

16–22 nō ’Ātete

Te Parau Ha’api’ira’a ’e te mau Parau Fafau 89–92

« ’Ei parau tumu ma te fafaura’a »

’Ia tuatāpapa ’oe i te mau parau mau i roto i Te Parau Ha’api’ira’a ’e te mau Parau Fafau 89–92, ’a feruri māite i te mau rāve’a ’āpī ’e te ta’a ’ē e ti’a ai ia ’oe ’ia tauturu i te mau tamari’i ’ia hāro’aro’a i te reira.

Pāpa’i i te mau mana’o e tae mai

ītona fa’a’itera’a

Tītau i te mana’o

’A ani i te mau tamari’i ’ia pāpa’i hōho’a ’e ’ia paraparau nō ni’a i te mau mea maita’i tā rātou i rave i teie hepetoma nō te ’atu’atu i tō rātou tino ’e te vārua.

ītona ha’api’ira’a

Ha’api’i i te ha’api’ira’a tumu : Te mau tamari’i ’āpī

Te Parau Ha’api’ira’a ’e te mau Parau Fafau 89

E ha’amaita’ihia vau mai te mea ē, e ha’apa’o vau i te Parau pa’ari.

’A ha’api’i i te mau tamari’i ē, e tao’a hōro’a tō tātou tino nō ’ō mai i te Metua i te ao ra, ’e tē hina’aro nei ’oia ’ia ’atu’atu maita’i tātou i te reira.

E mau tamāroa e horohoro ra i te pae miti.

E tao’a hōro’a tō tātou tino nō ’ō mai i te Atua ra.

Te mau ’ohipa ri’i e nehenehe e rave

• Nō te tauturu i te mau tamari’i ’ia hāro’aro’a i te mau fa’auera’a a te Fatu i roto i Te Parau Ha’api’ira’a ’e te mau Parau Fafau 89:10–17, ’a pāpa’i ’aore rā, ’a fa’a’ite i te mau hōho’a nō te mau mea maita’i tā tātou e nehenehe e ’amu, ’ia vai maita’i noa tō tātou tino (hi’o ato’a i te ’api ’ohipara’a nō teie hepetoma). ’A tauturu ato’a i te mau tamari’i ’ia hāro’aro’a ē, te ’ava, te ’ava’ava, te tī, te taofe, ’e te tahi atu mau rā’au ta’ero, e fa’a’ino te reira i tō tātou tino, ’e ’ua fa’aara mai te Fatu ia tātou ’eiaha e fa’a’ohipa i te reira. ’A ani i te mau tamari’i ’ia mā’iti i te hō’ē mea e nehenehe rātou e rave i teie hepetoma ’ia vai maita’i noa tō rātou tino.

• ’A ani i te mau tamari’i, te tahi i muri iho i te tahi, ’ia pāpa’i i ni’a i te tāpura ’ere’ere i te hō’ē hōho’a nō te hō’ē mea i ha’api’ihia i roto i te Parau pa’ari. ’A vaiiho i te toe’a o te mau tamari’i ’ia ’imi e aha tā te ta’ata tāta’itahi e pāpa’i ra. ’A paraparau nō ni’a i te fa’auera’a a te Fatu i roto i te tuha’a 89 e tū’ati i ni’a i te hōho’a.

• ’A fa’a’ohipa i te hi’ora’a i muri nei, ’aore rā i te tahi atu tā ’oe e feruri ra, nō te fa’a’ite mea nāhea tātou i te ha’amaita’ihia ’a ha’apa’o ai tātou i te Parau pa’ari (hi’o Te Parau Ha’api’ira’a ’e te mau Parau Fafau 89:18–21). ’A rave ’āmui i te hō’ē ’ohipa ’ōhie roa, mai te haerera’a ’aore rā te horora’a i tōna vāhi, ’e i muri iho, ’a fa’ahua « rohirohi » ’aore rā « fiu » (’īrava 20). ’A fa’a’ite pāpū nō ni’a i te mau parau fafau a te Fatu.

• ’A fa’a’ite i te hō’ē hōho’a o te hiero, ’e ’a ani i te mau tamari’i ’ia fa’ata’a mai e aha tā rātou e ’ite ra. ’A fa’a’ohipa i te hō’ē hīmene nō ni’a i te tino maita’i, mai te « Je demeure dans un temple » (Chants pour les enfants, 73), nō te ha’api’i i te mau tamari’i ē, e au tō tātou mau tino mai te mau hiero nō tō tātou mau vārua, ’e tē hina’aro nei te Atua ’ia ha’apa’o tātou i tō tātou tino ’ia vai maita’i noa. ’A tauturu i te mau tamari’i ’ia feruri i te mau rāve’a e nehenehe ia tātou ia ’atu’atu i tō tātou mau tino, ’e ’a vaiiho i te mau tamari’i ’ia ha’uti mai i te reira.

Te Parau Ha’api’ira’a ’e te mau Parau Fafau 90:5

’Ua hōro’a mai te Atua ia tātou i te mau peropheta nō te arata’i ’e nō te pāruru ia tātou.

’A tauturu i te mau tamari’i ’ia hāro’aro’a nāhea e nehenehe ai i te mau peropheta a te Fatu ’ia tauturu ia tātou ’ia noa’a te pārurura’a i roto i te mau vero o te orara’a nei.

Te mau ’ohipa ri’i e nehenehe e rave

• ’A fa’a’ite i te mau tamari’i i te mau hōho’a nō te mau peropheta tahito, ’e ’a parau ia rātou mea nāhea teie mau peropheta i te fa’aarara’a i te ta’ata i tō rātou ra ’anotau. Nō te tahi mau mana’o, ’a hio « Suis les prophètes », Chants pour les enfants, 58–59.)

• Nō te aha e ti’a ai ia tātou ’ia fa’aro’o i te mau peropheta a te Atua ? ’A fa’a’ite i te hō’ē hōho’a o te peropheta i teie mahana, ’e ’a fa’a’ite i te tahi mau mea tāna i ha’api’i mai ’aore rā i fa’aara mai ia tātou ’aita i maoro a’enei. ’A tauturu i te mau tamari’i ’ia feruri i te mau rāve’a e ti’a ai ia tātou ’ia pe’e i te peropheta. ’A fa’a’ite i tō ’oe ’itera’a pāpū nō te mau parau mau i ha’api’ihia i roto i Te Parau Ha’api’ira’a ’e te mau Parau Fafau 90:5. (Te mau heheura’a i’ō nei, ’o te mau heheura’a ïa ’aore rā, ’o te mau peropheta ïa ’o tei fāri’i i te reira.)

ītona ha’api’ira’a

Ha’api’i i te ha’api’ira’a tumu : Te mau tamari’i pa’ari

Te Parau Ha’api’ira’a ’e te mau Parau Fafau 89

E tauturu te Parau pa’ari iā’u ’ia vai maita’i i roto i te tino ’e te vārua.

Tē a’o nei Elder Gary E. Stevenson i te feiā ’āpī ’ia fa’anaho ātea i te mea tā rātou e rave ’ia fa’ahema-ana’e-hia rātou i te ’ava ’e te rā’au taero. I muri iho, ’ua ha’api’i mai ’oia : « E ’ite ’outou ē, e iti te ha’avīra’a a te fa’ahemara’a i ni’a ia ’outou. ’Ia rave a’ena ’outou i te fa’aotira’a e nāhea ’outou ’e e aha te rave. ’Aita e tītauhia ia ’outou ’ia fa’aoti e aha te rave i te mau taime ato’a » (« Tā ’outou Buka ha’uti nō te Autahu’ara’a », Ensign ’aore rā Liahona, Mē 2019, 48). ’A fa’aitoito i te mau tamari’i tā ’oe e ha’api’i ra ’ia fa’aoti i teienei—nō te toe’a o tō rātou orara’a—’ia ora i te Parau pa’ari.

Te mau ’ohipa ri’i e nehenehe e rave

• ’A vāhi i te mau tamari’i i roto e piti pupu, ’e ’a ani i te hō’ē pupu ’ia tai’o i Te Parau Ha’api’ira’a ’e te mau Parau Fafau 89:1–4 ’e i te tahi pupu ’ia tai’o i te mau ’īrava 18–21. ’A ani ia rātou ’ia feruri hōhonu i te mau uira’a mai teie i muri nei : Nō te aha te Fatu i hōro’a mai ai ia tātou i te Parau pa’ari ? Nāhea te orara’a i te Parau pa’ari i te ha’amaita’i iā’u i te pae tino ’e i te pae vārua ?

• ’A hāmani i te mau fa’ahitira’a parau mutumutu ma te fa’a’ohipa i te mau pereota i roto i Te Parau Ha’api’ira’a ’e te mau Parau Fafau 89, mai te « ’ua fa’ata’ahia ’ei mā’a nā te ta’ata ’e nā te mau huru pua’a » ’aore rā « ’E e ’e e ’ore roa e rohirohi » (mau ’īrava 14, 20). ’A ani i te mau tamari’i ’ia ’ohipa piti piti nō te ’imi i te mau pāhonora’a i roto i te tuha’a 89. E nehenehe te mau tamari’i e fa’ata’a i te mau fa’ahitira’a parau i roto i te mau tuha’a i muri nei : te mau mea maita’i nō tō tātou tino, te mau mea ’ino nō tō tātou tino, ’e te mau ha’amaita’ira’a.

• ’A ani i te hō’ē tamari’i ’ia tai’o i Te Parau Ha’api’ira’a ’e te mau Parau Fafau 89:4 ’e i te tahi atu ’ia tai’o i te fa’ahitira’a parau a Elder Stevenson i ni’a nei. Nō te aha i tītauhia ai ia tātou ’ia fa’aoti i teienei ’ia ha’apa’o i te Parau pa’ari, ’eiaha rā e tīa’i ’ia tae roa i te taime o te fa’ahemara’a ? ’A tauturu i te mau tamari’i ’ia ha’uti mai nāhea rātou ’ia pāhono atu mai te mea ē, e hōro’a mai te hō’ē ta’ata, ’e te hō’ē hoa ato’a, i te hō’ē mea e pāto’i i te Parau pa’ari. Nāhea te ha’apa’ora’a i te Parau pa’ari i te pāruru ia tātou ?

Te Parau Ha’api’ira’a ’e te mau Parau Fafau 90:2, 5, 14–16

’O te Peresidenira’a Mātāmua tē mau nei i « te mau tāviri o te bāsileia ».

E nehenehe te mau arata’ira’a a te Fatu nō ni’a i te Peresidenira’a Mātāmua i te matahiti 1833 (Iosepha Semita, ’o Sidney Rigdon ’e ’o Frederick G. Williams) e tauturu i te mau tamari’i ’ia ha’apūai i tō rātou ’itera’a pāpū nō ni’a i te Peresidenira’a Mātāmua i teie mahana.

Te mau ’ohipa ri’i e nehenehe e rave

• ’A ani i te mau tamari’i ’ia ’imi i roto i Te Parau Ha’api’ira’a ’e te mau Parau Fafau 90:14–16 ’e ’ia pāpa’i i te tahi o te mau mea tā te Fatu i ani i te Peresidenira’a Mātāmua ’ia rave. ’A fa’a’ite i te mau tamari’i i te hōho’a nō te Peresidenira’a Mātāmua nō teie taime, ’e ’a fa’a’ite i te tahi mea nō ni’a ia rātou. (E nehenehe ’oe e tai’o i tō rātou ’ā’amu i raro a’e i « Te mau peropheta ora ’e te feiā fa’atere o te ’Ēkālesia » i te ChurchofJesusChrist.org). ’A fa’a’ite i tō ’oe ’itera’a pāpū nō tō rātou pi’ira’a hanahana ’e te mau ha’amaita’ira’a tā ’oe i fāri’i nā roto i te pe’era’a i tā rātou a’ora’a.

• ’A tai’o fa’ahou ’e te mau tamari’i i te tahi mea tā te hō’ē melo o te Peresidenira’a Mātāmua i ha’api’i. I muri iho ’a tai’o ’āmui i Te Parau Ha’api’ira’a ’e te mau Parau Fafau 90:5. ’A parau ē, « te mau heheura’a » e mau heheura’a ïa ’aore rā te mau peropheta ïa tei fāri’i i te reira. E aha te aura’a « e fāri’i i te mau heheura’a… ’ei mea faufa’a ’ore » ? Nāhea tātou i te fa’a’ite ē, te mau peropheta ’e te mau mea tā rātou e ha’api’i nei, e mau mea faufa’a ïa nō tātou ?

Te Parau Ha’api’ira’a ’e te mau Parau Fafau 91

E nehenehe te Vārua e tauturu mai iā’u ’ia ’ite tei hea te parau mau.

’Ia tai’o ana’e ’oe i te mea tā te Fatu i parau ia Iosepha Semita nō ni’a i te Apokaripha, ’a feruri nāhea teie parau a’o i te tauturu i te mau tamari’i ’ia ’ite i te parau mau ’e te hape tā rātou e fārerei i roto i tō rātou orara’a.

Te mau ’ohipa ri’i e nehenehe e rave

• ’A tai’o ’āmui i te upo’o parau o te tuha’a nō Te Parau Ha’api’ira’a ’e te mau Parau Fafau 91 nō te tauturu i te mau tamari’i ’ia māramarama e aha te Apokaripha (hi’o ato’a te Arata’i nō te mau pāpa’ira’a mo’a, « Apokaripha », scriptures.ChurchofJesusChrist.org). ’A tauturu i te mau tamari’i ’ia feruri i te tahi atu mau vāhi, mai te rāve’a ha’apararera’a parau, i reira tātou e ’ite ai « e rave rahi mau mea parau mau » ’e « e rave rahi mau mea e ’ere te parau mau » (’īrava 1–2). I muri iho ’a ani i te mau tamari’i ’ia ’imi i te tuha’a 91 nō te ha’api’i mai e aha tā te Atua i parau e nehenehe tātou e rave nō te fa’ata’a i te parau mau ’e te hape.

• ’A tai’o ’āmui i Te Parau Ha’api’ira’a ’e te mau Parau Fafau 91:4–6, ’e ’a ani i te mau tamari’i e aha tā teie mau ’īrava e ha’api’i nei nō ni’a i te Vārua Maita’i. ’A ani i te mau tamari’i ’ia fa’a’ite nō ni’a i te hō’ē taime ’a « fa’a’ite mai ai te Vārua i te parau mau » ia rātou iho. ’A fa’a’ite ato’a i te mau mea i orahia e ’oe. E aha te tahi atu mau rāve’a e nehenehe ai i te Vārua ’ia tauturu ia tātou ?

ītona ’apora’a ha’api’ira’a

Fa’aitoito i te ha’api’ira’a mai i te fare

’A ani i te mau tamari’i ’ia fa’a’ite i tō rātou ’utuāfare e aha tā rātou i ha’api’i mai i teie mahana nō ni’a i te utuutura’a i tō rātou tino ’e tō rātou vārua ’aore rā tā rātou mau ’ōpuara’a nō te ha’apa’o i te Parau pa’ari.

Ha’amaita’iraʼa i tā tātou ha’api’ira’a

’Imi i tā ’oe iho fa’aurura’a. E ’ere teie arata’i ha’api’ira’a i te mau arata’ira’a i tītauhia ia ’oe ’ia pe’e ’a ha’api’i ai ’oe. E fa’a’ohipa rā i te reira nō te fa’atupu i tā ’oe iho fa’aurura’a ’a feruri hōhonu ai ’oe i te mau hina’aro o te mau tamari’i tā ’oe e ha’api’i nei. (Hi’o Ha’api’ira’a mai tā te Fa’aora,7

’api ’ohipara’a : ’O Iesu Mesia te māramarama ’e te ora o te ao nei.