“Nobiembre 15–21. Doktrina ken Katulagan 133–134: ‘Agsaganakayo iti Yaay ti Nobio,’” Umaykayo, Sumurot Kaniak—Para iti Primary: Doktrina ken Katulagan 2021 (2020)
“Nobiembre 15–21. Doktrina ken Katulagan 133–134,” Umaykayo, Sumurot Kaniak—Para iti Primary: 2021
Umay ti Nobio, ni Elizabeth Gibbons
Nobiembre 15–21
Doktrina ken Katulagan 133–134
“Agsaganakayo iti Yaay ti Nobio”
Ibilangmo ti kasapulan dagiti ubbing a sursuruam—agpada a dagiti agad-adal ken agsursuro iti pagtaenganda ken dagiti mabalin a saan nga agad-adal. Kasano a matulongam ida nga agsisinnuro iti tunggal maysa maipapan kadagiti banag a maad-adalda?
Isuratmo dagiti Impresionmo
Yawis ti Panagbibinninglay
Mangipakita iti inusarmo a ladawan iti adalen ti Primary iti nabiit, ket awisem dagiti ubbing a mangibinglay no ania ti malagipda manipud kadaytoy nga adalen.
Isuro ti Doktrina: In-inaudi nga Ubbing
Doktrina ken Katulagan 133:19–21, 25
Umayto manen ni Jesucristo.
Iti benneg 133, inladawan ti Apo ti Maikadua a Yaayna ket awisenna dagiti taona nga agsagana para iti daytoy nagloriaan a pasamak. Kasano a matulongam dagiti ubbing a mangpasungad para iti panagsubli ti Mangisalakan?
Dagiti Mabalin nga Aktibidad
-
Mangilemmeng iti ladawan ti Maikadua a Yaay ti Mangisalakan iti likud ti lupot, a kasla iti lupot ket kurtina (mabalin nga usarem ti ladawan iti balabala iti daytoy a lawas iti Umaykayo, Sumurot Kaniak—Para kadagiti Indibidual ken Pamilia wenno Libro ti Arte ti Ebanghelio, num. 66). Awisem dagiti ubbing nga agsisinnublat a manglukat ti “kurtina” ket agpammarang a kasla kumitkita iti ruar ti tawa. Awisem dagiti ubbing a mangibinglay iti no kasano ti mariknada no kumitada iti ruar ti tawa ket makitada ni Jesus a bumabbaba manipud iti langit. Basaen ti ragup dagiti balikas a “rummuarkayo a mapan sumabat kenkuana” (bersikulo 19), ken tulongan dagiti ubbing a mangulit ti ragup dagiti balikas.
-
Iti sirok ti tugaw ti tunggal ubing, mangilemmeng ti ladawan a mangipakpakita iti maysa a banag a maaramidtayo tapno makapagsagana iti Maikadua a Yaay ni Jesucristo (kas iti panagbasa kadagiti nasantuan a kasuratan, panangibinglay ti ebanghelio, wenno panagserbi kadagiti pamiliatayo). Ipabirok kadagiti ubbing dagiti ladawan, ken pagsasaritaann no kasano a makatulong kadatayo dagitoy a banag nga agsagana a mangsabat iti Mangisalakan iti panagsublina.
-
Aggigiddan nga agkansion iti maysa a kanta maipapan iti Maikadua a Yaay ti Mangisalakan, kas iti “When He Comes Again” (Children’s Songbook, 82–83). Ibinglaymo ti ayatmo iti Mangisalakan ken iti riknam maipapan ti panagsublina ditoy daga. Awisem dagiti ubbing a mangibinglay met kadagiti riknada.
Doktrina ken Katulagan 133:52–53
Manangipateg ken naimbag ni Jesucristo.
Iladawan dagitoy a bersikulo dagiti sumagmamano iti adu a wagas a nangipakitaan ti Apo iti “manangipateg a kinaimbagna” kadagiti tattaona. Ania ti maaramidmo a makatulong kadagiti ubbing tapno mariknada ti ayat ti Mangisalakan para kadakuada?
Dagiti Mabalin nga Aktibidad
-
Mangi-display iti maysa a ladawan a mangipakita a managayat ken naimbag ni Jesus (kitaen iti Libro ti Arte ti Ebanghelio, num. 42, 47). Awisem dagiti ubbing a mangibinglay kadagiti sabali pay a banag nga inaramid ni Jesus kas panangipakitana iti ayat ken kinaanusna. Basaen ti ragup dagiti balikas nga “agapadendanto ti manangipateg a kinaimbag ti Apoda” (bersikulo 52), ken tulongan dagiti ubbing nga agpanunot kadagiti wagas a maibagada kadagiti dadduma maipapan iti panagayat ti Mangisalakan.
-
Agkansion iti maysa a kanta maipapan iti panagayat ti Mangisalakan, kas iti “Jesus Is Our Loving Friend” (Children’s Songbook, 58). Iburaymo ti pammaneknekmo maipapan iti no kasano nga impakita ti Mangisalakan iti ayatna kenka.
Kayat ti Apo nga agtungpalak iti paglintegan.
Masansan nga addaan dagiti ubbing kadagiti pagannurotan a masurot iti pagtaengan, iti pagadalan, ken iti sadino man. Matulongam ida a makaawat a namnamaen ti Apo a surotentayo dagiti pagannurotan ken paglintegan iti komunidad ken pagilian.
Dagiti Mabalin nga Aktibidad
-
Awisen dagiti ubbing nga agay-ayam iti simple nga ay-ayam a saanda a sursuroten ti ania man a pagannurotan, ket kalpasanna ay-ayamenda daytoy nga addaan kadagiti pagannurotan. Kasano a makatulong kadatayo dagiti a pagannurotan? Ipeksam ti panagyamanmo kadagiti paglintegan iti daga.
-
Tulongam dagiti ubbing a mangulit iti maikasangapulo-ket-dua a pagannurotan ti pammati. Yunay-unay dagiti kangrunaan a balikas, kas iti “panagtungpal, panagdayaw, ken panangkanunong,” ken kasaritam dagiti ubbing maipapan iti no ania ti kayat a sawen dagita a balikas. Ibinglay kadakuada no apay a napateg iti panagtungpal kadagiti paglintegan.
Isuro ti Doktrina: In-inauna nga Ubbing
Doktrina ken Katulagan 133:4–5, 14–15
Kayat ti Apo a nadalusak.
TiDoktrina ken Katulagan 133 makatulong kadagiti ubbing a maawatanda no kasano a mapagtalinaedda ti bagbagida a nadalus manipud kadagiti nailubongan nga impluensia iti lawlawda.
Dagiti Mabalin nga Aktibidad
-
Awisem dagiti ubbing a mangbasa iti “Babel, Babylon” iti Pangiwanwan iti Nasantuan a Kasuratan (scriptures.ChurchofJesusChrist.org) tapno maammuan no ania ti Babilonia ken no ania ti ibagina. Kalpasanna aggigiddan a basaen ti Doktrina ken Katulagan 133:4–5, 14–15. Ania ti kayat a sawen iti “rummuarkayo iti Babilonia”? (bersikulo 5). Ania dagiti sumagmamano a lugar ken kasasaad a kayat ti Apo nga adaywantayo? Ania ti maaramidtayo tapno maliklikan dagitoy?
-
Ikabil ti maysa a tanda iti maysa a bangir ti siled a mangibaga iti “Zion” ken ikabil iti sabali pay a bangir ti tanda a mangibaga iti “Babylon.” Isurat iti babassit a papel dagiti balikas manipud iti Doktrina ken Katulagan 133:4–5, 14–15 a mangiladladawan iti Zion wenno Babylon (kas iti “nadakes”, “nadalus”, wenno “pannakadadael”), ket awisen dagiti ubbing a mangikabil kadagiti babassit a papel iti baba iti maitutop a tanda.
Doktrina ken Katulagan 133:19–25, 46–52
Agturayto ni Jesus ditoy daga.
Kinuna ni Elder D. Todd Christofferson, “Napateg la unay nga isagana ti lubong iti Maikadua a Yaay ni Apo Jesucristo” (“Preparing for the Lord’s Return,” Ensign wenno Liahona, Mayo 2019, 81). Kasano a matulongamto dagiti ubbing a makaawat no kasano a makiramanda iti daytoy napateg nga aramid?
Dagiti Mabalin nga Aktibidad
-
Ipakitam ti ladawan manipud iti balabala iti daytoy a lawas iti Umaykayo, Sumurot Kaniak—Para kadagiti Indibidual ken Pamilia, ket awisem dagiti ubbing a mangaramid iti listaan dagiti banag nga ammoda maipapan iti Maikadua a Yaay ni Jesucristo. Kalpasanna, usaren ti Doktrina ken Katulagan 133:19–25, 46–52, awisen ida a mangnayon kadagiti bambanag iti listaanda. Ibinglaymo ti pammaneknekmo a ti Maikadua a Yaay ket naragsak nga aldaw para kadagiti nalinteg.
-
Tapno matulongan dagiti ubbing a mawatanda ti bersikulo 19, kasaritam ida maipapan iti no kasano nga agsagana ti nobia para iti kallaysana (mabalin a makatulong ti maysa a tao a nagkallaysa iti nabiit pay iti daytoy a saritaan). Kasano a maipadatayo iti nobia nga agsagsagana “para iti yaay ti Nobio,” a ni Jesucristo? No ti panagkunam ket mabalin a makatulong, irebyu ti pangngarig dagiti sangapulo a babbalasang iti Mateo 25:1–13). Apay a napateg ti panagsagana para iti Maikadua a Yaay ti Mangisalakan? Ania ti maaramidtayo itan tapno makapagsagana?
Doktrina ken Katulagan 134:1–2
Kayat ti Apo nga agtungpalak iti paglintegan.
Numan pay adda dagiti nadumaduma a kita ti gobierno iti sangalubongan, kayat ti Apo a “kanunongan ken itandudotayo ti … gobierno iti pagnanaedan[tayo]” (Doktrina ken Katulagan 134:5).
Dagiti Mabalin nga Aktibidad
-
Awisem dagiti ubbing a mangilista kadagiti pagannurotan ken paglintegan a tungtungpalenda. Ania ngata ti klase ti biag no awan ti agtungtungpal kadagitoy a paglintegan? Basaen ti Doktrina ken Katulagan 134:1–2 a kadua dagiti ubbing, tulongan ida a maawatan dagiti balikas wenno ragup dagiti balikas a mabalin a saanda a maawatan. Apay a kayat ti Apo a maaddaantayo iti gobierno ken dagiti paglintegan?
-
Isurat ti tunggal balikas wenno ragup dagiti balikas manipud iti maikasangapulo-ket-maysa ken maika-sangapulo-ket-dua a pagannurotan ti pammati iti nagsisina a babassit a papel. Paglalaoken dagiti papel, ken dawaten dagiti ubbing a sangkamaysa nga agtrabaho tapno ikabilda dagiti balikas iti rumbeng nga urnosda. Kasano a maipakitatayo a patientayo ti isuro dagitoy a pagannurotan ti pammati?
Yallukoy ti Panagsursuro iti Pagtaengan
Ikkam iti tunggal ubing iti saludsod a damagennanto iti maysa a miembro ti pamilia iti pagtaengan. Kas pagarigan, no naammuam maipapan iti Maikadua a Yaay ti Mangisalakan, mabalin a damagen ti maysa nga ubing, “Ania ti maaramidtayo tapno makapagsaganatayo iti yaay manen ni Jesus?”
Panangpadur-as iti Panangisurotayo
Ikalikagum a maawatam dagiti ubbing a sursuruam. Kaam-ammom dagiti ubbing a sursuruam. Dagiti kapanunotan kadagitoy a balabala ket mabalin a mabalbaliwan tapno maipaay ti kasayaatan kadagiti kasapulanda. Tapno matulonganka, kitaen dagiti amin nga aktibidad a nailista iti daytoy a balabala, saan laeng a dagiti naisurat para iti edad dagiti ubbing a sursurruam. (Kitaen iti Panangisuro iti Wagas ti Mangisalakan,7.)