“Bwaai n Ibuobuoki Riki Tabeua ibukin Reireinakiia Ataei,” Nakomai, Iriirai—Ibukin te Moanrinan: Ana Boki Moomon 2021 (2020)
“Bwaai n Ibuobuoki Riki Tabeua ibukin Reireinakiia Ataei,” Nakomai, Iriirai—Ibukin te Moanrinan: 2021
Bwaai n Ibuobuoki Riki Tabeua ibukin Reireinakiia Ataei
Bwaai n ibuobuoki aikai a kona ni kuneaki n te Gospel Library app ao n ChurchofJesusChrist.org.
Nakomai, Iriirai—Ibukiia Aomata n Tatabemaniia ao Utu
Ko kona ni kangaraoi mwakuri ake a na karaoaki man Nakomai, Iriirai—Ibukiia Aomata n Tatabemaniia ao Utu ibukin kabonganana n am kiraati n te Moanrinan. Tai raraoma ngkana a tia ataei ni karaoi mwakuri akane ma aia utu ni mweengaia; kaokiokana e buokia ataei n reiakinna. N tain te Moanrinan, a na tangiria ni kan tibwatibwa ataei ma tabeman ni baike a reiakini inanon mweengaia ibukin te Tia Kamaiu ao Ana euangkerio.
Anene n Taromauri ao Aia Boki n Anene Ataei
Katangitang aika tabu a kaoa te Tamnei ao a reirei te reirei n te anga ae kai uringaki. N reitan katooto aika a tia ni boretiaki ibukin Anene n Taromauri ao te Aia Boki n Anene Ataei, ko kona n noori katangitang ao witeo ibukin anene n taromauri ao aia anene ataei aika mwaiti iaon music.ChurchofJesusChrist.org ao n te Sacred Music ao Gospel Media apps.
Nooria Ami Ataei
E mwaiti atuun reirei ake a rinanoaki n te boki inanon Nooria Ami Ataei: Aia Bokinreirei Kaain te Netiari aika titebo ma ake ko na reireiniia iai kaain te Moanrinan. Riki ngkana ko reireiniia ataei aika a uarereke, iangoia bwa ko na taraa te boki ibukia kaain te netiari ibukin riki taian anene, karaki, mwakuri ni kauring, ao takakaro.
Te Rao ao Riaona Maekatiin
Te Rao ao Riaona maekatiin a katauraoi karaki ao mwakuri ni kauring aika a boutokai reirei ake ko na anga reirei iaoia man Nakomai, Iriirai—Ibukin te Moanrinan.
Karaki man Reirei ao Berita aika Tabu
Karaki man Reirei ao Berita aika Tabu e kabonganai tamnei ao taetae aika a bebete ibukin buokaia ataei n reiakinaki man Reirei ao Berita aika Tabu. Ko kona naba ni kunei witeo ni karaki aikai n te Gospel Library app ao n te Gospel Media Library at ChurchofJesusChrist.org.
Te Boki ni Kara ibukin Karaki man Booki aika Tabu: Reirei ao Berita aika Tabu
Te boki n reirei aei iai inanona iteraniba ibukin waaki ni kakukurei ake a baireaki ibukin kanakoraoan aia kamatebwai ataei man Reirei ao Berita aika Tabu.
Witeo ao Korobanna
Korobanna, witeo, ao tabeua bwaai ni kaongora a kona ni buokiia te koraki ake ko reireiniia ni katamneia te reirei ao karaki ake a kuneaki ni booki aika tabu. Nakon te Gospel Media Library n ChurchofJesusChrist.org ni kauki ana bwai ake e koikotii te Ekaretia ibukin bwaai ibuobuoki ibukin te kaongoraa. Bwaai n ibuobuoki aikai a tauraoi naba n te Gospel Media app, ao a kuneaki naba tamnei aika mwaiti ni Bokin Tamnein te Euangkerio.
Reirei n ana Kawai te Tia Kamaiu
Reirei n ana Kawai te Tia Kamaiu e kona ni buokiko n reiakinii ao ni karaoa nanon ana reirei te Tia Kamaiu. Reirei aikai a maroroakinaki ao ni karaoaki n aia bootaki ni kauntira taan reirei.
Aika Itiaki
Aika Itiaki e mwaiti ana waorium ibukin karakinan rongorongon te Ekaretia. Waorium 1, The Standard of Truth, ao waorium 2, No Unhallowed Hand, a karaoa naba kanoan te tai anne n rongorongon te Ekaretia ae Reirei ao Berita aika Tabu. Rongorongo aikai a kona n anganiko nonoori ni kanoan te rongorongo ake a otabwanini kaotioti ake ko kamatebwai inanon Reirei ao Berita aika Tabu.