Te Banna ibukin te Anga Reirei

N te bwai n ibuobuoki aio, ko na kunei teniua aekakin banna aika a okioki inanon taian kabwarabwara: kaungaa te tibwatibwa, reirei te reirei, ao kaungaa te kamatebwai n te mweenga. N agniin te tai, n am tai n anga reirei, bwaai aikai a kona n ikotaki ke ni waaki n teina ae kaokoro. Te katooto, iangoia bwa te tibwatibwa bon te tai n reirei te reirei, ao reiakinan te reirei e riai n kaira kaoan te tibwatibwa. N aron aei, kaungakin te kamatebwai n te mweenga e kona n riki inanon te marooro n te kiraati. Kariaia bitaki nakon te banna aei bwa a na bon riki n taia, ira ana kariri te Tamnei n tobwaa kainnanoia ataei ake ko reireinia.

Kaungaa te Tibwatibwa

N riki bwa mwakoron kiraati nako, kaoiia ataei bwa a na tibwauai aia namakin, iango, aia atatai, ao aia koaua iaon reirei ake ko anga reirei iaona. Aia iango e kona n ae baika ae a tia n rinanona n aia kamatebwai n te mweenga. Ko kona naba n rinanoa te bwai are a reiakinna n te wiiki ae nako ao n titiraki bwa e kanga ni bita maiuia.

Reirei te Reirei

Nakomai, Iriirai—Ibukiia Aomata n Tatabemaniia ao Utu e kona ni buokiko ni kamataatako n te reirei are ko na reireinia iai ataei. Iangoia bwa tera kiibu man koroboki aika tabu, taeka n rabakau, taneiai, titiraki, ao bwaai n ibuobuoki riki tabeua ake ko kona n tibwauai ni buokiia ataei bwa a na reiakin man mwakuria reirein te euangkerio. Kakaei anga aika a kakauiango ni buokiia bwa a na rangi ni kukurei ibukin te bwai are a reiakinna.

Kaungaa te Kamatebwai n te Mweenga

Ibukina bwa te mweenga bon te tienta ibukin kamatebwaian te euangkerio, teuana mai buakon tabem bwa te tia reirei n te Moanrinan bon te kaungaa te kamatebwai n te Mweenga. Ko na kanga ni buokiia ataei n tibwaua te bwai are a reiakinna n te kiraati ma aia utu? Ko na kanga ni kaungaiia ataei ao aia karo n reitinako ni kamatebwai man Reirei ao Berita aika Tabu n te mweenga?