ajri ro ilo kūlaaj

Juon Jon̄ak n̄an Katakin

Ilo bok in katak in, kwonaaj lo jilu bun̄ten nee ko n̄an āliji jon̄ak in ilo kajjojo laajrak: karuwainene aer kwaļo̧k, katakin katak ko, im kōketak n̄an ekkatak ilo m̧weo. Ilo elōn̄ jekjek ko, ilo am̧ katakin, jekjek eo ilo jon̄ak in emaron̄ in ļap ak emaron̄ in oktak. N̄an waanjon̄ok, ļōmņak einwōt n̄e katakin ej juon iien em̧m̧an n̄an katakin katak ko, im katakin katak ko ej aikuj kōtļo̧k iien n̄an kwaļo̧k jidik. Ejjeļo̧k oktak, kōketak n̄an ekkatak ilo m̧weo emaron̄ waļo̧k ilo aolepān kūlaaj eo. Kōm̧m̧an bwe oktak in ilo jon̄ak in en bōk jikin, ļoor im̧we ko an Jetōb n̄an tōpar aikuj ko an ajri ro kwoj katakin.

pija ej bōk jikin kwaļo̧k

Kajjitōk bwe ren Kwaļo̧k

Āinwōt m̧ōttan kūlaaj eo aolep iien, kajjitōk ippān ajri ro n̄an kwaļo̧k en̄jake ko aer, ļōmņak ko, im en̄jake ko kōn pedped in katak ko kwoj katakin. Kakkobaba ko aer emaron̄ koba en̄jake ko raar en̄jaki ilo aer ekkatak ilo m̧weo. Kwomaron̄ bar etale ta eo raar ekkatak ilo wiik eo ļo̧k im kajjitōk ewi wāween an kar im̧we mour ko aer.

pija ej bōk jikin katakin

Katakin Katak eo

Itok, Ļoor Eō—N̄an Kajjojo Armej im Baam̧le ko emaron̄ jipan̄ eok em̧m̧anļo̧k am̧ meļeļe katak eo kwoj katakin ajri ro. Ļōmņake ta eoon ko, kout ko, en̄jake ko, kajjitōk ko, im kein jipan̄ ko jet remaron̄ in kwaļo̧k n̄an jipan̄ ajri ro jeļā im mour kake pedped in gospel in. Lale wāween ko rem̧m̧anļo̧k n̄an jipan̄ er m̧ōņōņō kōn ta eo rej ekkatak.

pija ej bōk jikin ekkatak

Kōketak Ekkatak ilo M̧weo

Kōnke m̧weo ej jikin eo ioļaptata n̄an ekkatak gospel eo, juon iaan jibadbad ko am̧ āinwōt juon Būraimere rūkaki ej n̄an kōketak ekkatak ilo m̧weeo. Ewi wāween am̧ maron̄ jipan̄ ajri ro kwaļo̧k n̄an baam̧le ko aer ta eo raar ekkatak ilo kūlaaj? Ewi wāween am̧ kōketak ajri ro im ro jineer im jemeer n̄an ekkatak wōt jān Katak im Bujen Ko ilo m̧weeo?