Երեխաների միության դասին գործնական աշխատանք կատարելիս

Ինչպես օգտագործել Եկ, հետևիր ինձ․ Երեխաների միության համար ծրագիրը

Նախապատրաստվել ուսուցանել Երեխաների միությունում

Տանը անձնական և ընտանեկան ուսումնասիրությունը պետք է լինի ավետարանի ուսումնասիրման կենտրոնը: Սա կիրառելի է նաև է ձեր և ձեր կողմից ուսուցանվող երեխաների համար: Երբ պատրաստվում եք ուսուցանել, սկսեք սուրբ գրությունների հետ ունեցած ձեր անձնական փորձառություններից: Ձեր ամենակարևոր նախապատրաստությունը տեղի կունենա, երբ հետազոտեք սուրբ գրությունները և փնտրեք Սուրբ Հոգու ոգեշնչումը:

Եկ, հետևիր ինձ․Անհատների և ընտանիքների համար ձեռնարկը նույնպես ձեր անձնական ուսումնասիրության և ուսուցմանը նախապատրաստվելու կարևոր մասն է: Այն կօգնի ձեզ ավելի խորն ըմբռնել սուրբ գրություններում գտնվող վարդապետական սկզբունքները:

Նախապատրաստվելիս դուք մտքեր ու տպավորություններ կստանաք ձեր կողմից ուսուցանվող երեխաների մասին: Դուք գաղափարներ կստանաք այն մասին, թե սուրբ գրությունների սկզբունքներն ինչպես կօրհնեն նրանց կյանքը: Դուք առաջնորդություն կստանաք, որպեսզի ոգեշնչեք նրանց բացահայտել այդ սկզբունքները, մինչ նրանք ինքնուրույն կամ իրենց ընտանիքի անդամների հետ կուսումնասիրեն սուրբ գրությունները: Հիշեք, որ նրբանկատ լինեք այն երեխաների հետ, ում ընտանեկան հանգամանքները թույլ չեն տալիս պարբերաբար ուսումնասիրել սուրբ գրությունները և ունենալ ընտանեկան երեկոներ։

Ուսուցման գաղափարներ

Երբ պատրաստվում եք ուսուցանել, կարող եք ձեռք բերել լրացուցիչ ոգեշնչում՝ հետազոտելով այս սկզբնաղբյուրի ուսուցման համառոտ շարադրանքը: Մի մտածեք այս գաղափարների մասին որպես քայլ առ քայլ հրահանգների, այլ որպես առաջարկների, որոնք ձեր մեջ կառաջացնեն անձնական ոգեշնչում: Դուք ճանաչում եք այդ երեխաներին և կճանաչեք նրանց ավելի լավ, երբ դասարանում շփվեք նրանց հետ։ Տերը նույնպես ճանաչում է նրանց, և Նա կոգեշնչի ձեզ, որպեսզի դուք լավագույն եղանակներով ուսուցանեք և օրհնեք նրանց։

Ուսուցմանը նախապատրաստվելիս այլ բազմաթիվ նյութեր են հասանելի ձեզ, ներառյալ գաղափարներ Եկ, հետևիր ինձ․ Անհատների և ընտանիքների համար ձեռնարկում և Եկեղեցու ամսագրերում: Այս և այլ նյութերի մասին ավելին իմանալու համար տես այս նյութում ընդգրկված Երեխաներին ուսուցանելու օժանդակ նյութեր բաժինը։

Որոշ գաղափարներ, որոնք պետք է հիշեք

• Ծնողներն են կրում հիմնական պատասխանատվությունն իրենց երեխաներին ուսուցանելու համար: Որպես ուսուցիչ, դուք կարևոր պարտականություն ունեք աջակցելու, քաջալերելու և կառուցելու ավետարանի ուսումնասիրությունը տանը: Եղեք նրբանկատ այն երեխաների հետ, ում ծնողները տանը չեն ուսումնասիրում ավետարանը: Բոլոր երեխաներին ներառեք ավետարանի քննարկումների մեջ` անկախ նրանց ընտանեկան հանգամանքներից:

• Երեխաները կարող են սովորել` կիսվելով իրենց իմացածով: Երբեմն ամենազորեղ ուսուցման պահերը տեղի են ունենում, երբ երեխաները ինչ-որ բան են ուսուցանում միմյանց, որոնք իրենք են սովորել սուրբ գրություններից: Երեխաներին կիսվելու բազում հնարավորություններ ընձեռեք:

• Վարդապետություն և Ուխտերի ուսմունքները երեխաների համար ավելի հեշտ է հասկանալ, երբ նրանք գիտեն այդ ուսմունքների պատմական համատեքստը: Դուք կարող եք գտնել պատմական համատեքստ Եկ, հետևիր ինձ. Անհատների և ընտանիքների համար և Վարդապետություն և Ուխտեր Պատմություններգրքերում:

• Կրկնությունը օգտակար է։ Երեխաներն ավելի արդյունավետ են սովորում ավետարանի ճշմարտությունները, երբ այս ճշմարտություններն ուսուցանվում են հաճախակի, զանազան վարժությունների միջոցով: Եթե զգում եք, որ սովորելու եղանակներից մեկն արդյունավետ է երեխաների համար, կարող եք կրկնել այն, հատկապես, եթե ուսուցանում եք փոքր երեխաներին: Նաև կարող եք վերանայել նախորդ դասի վարժությունը:

• Երկնային Հայրը կամենում է, որ որպես ուսուցիչ դուք հաջողության հասնեք: Ձեզ օգնելու համար Նա ապահովել է շատ աղբյուրներ, ներառյալ ուսուցիչների խորհրդի ժողովները: Այս ժողովներում դուք կարող եք խորհրդակցել մյուս ուսուցիչների հետ այն մարտահրավերների վերաբերյալ, որոնց բախվում եք։ Դուք կարող եք նաև քննարկել և կիրառել Քրիստոսանման ուսուցման սկզբունքներ:

• Եթե ուսուցանում եք փոքր երեխաներին և ունեք հավելյալ աջակցության կարիք, տեսեք «Հոգալ փոքր երեխաների կարիքները» բաժինը այս նյութում:

• Այս նյութը ներառում է համառոտ շարադրանքներ տարվա ամեն շաբաթվա համար: Այն կիրակիները, երբ Երեխաների միության դաս չի անցկացվում ցցի համաժողովի կամ այլ պատճառներով, ընտանիքները կարող են տանը շարունակել ուսումնասիրել Վարդապետություն և Ուխտերը՝ համաձայն ծրագրված ժամանակացույցի: Մի անհանգստացեք այն դասերի համար, որ բաց եք թողել, ուսուցանեք այդ շաբաթվա նշանակված համառոտ շարադրանքը:

կինը ուսումնասիրում է ձեռնարկը