Հովհաննես Մկրտիչը մկրտում է Հիսուսին

Իլինոյս նահանգի Նավու տաճարի ապակենկարով պատուհան, Թոմ Հոլդմանի կողմից

Հունվարի 28-ից Փետրվարի 3-ը

Մատթեոս 3, Մարկոս 1, Ղուկաս 3

«Պատրաստ արէք Տիրոջ ճանապարհը»

Երբ կարդաք Հովհաննես Մկրտիչի և Հիսուս Քրիստոսի մկրտության մասին, գրի առեք ձեր ստացած հոգևոր տպավորությունները: «Եկ, հետևիր ինձ» ուղերձը Անհատների և ընտանիքների համար բաժինը կարող է օգնել ձեզ հասկանալ այս հատվածները, նաև այն կօգնի ձեզ աջակցել ձեր դասարանի անդամների ինքնուրույն ուսումնասիրությանը:

Գրի առեք ձեր տպավորությունները

կիսվելու պատկերակ

Հրավիրեք կիսվել

Որպեսզի երեխաներին հնարավորություն տաք կիսվել իրենց սովորածով, ցույց տվեք Հիսուսի մկրտության նկարը և խնդրեք նրանց պատմել ձեզ, թե ինչ է տեղի ունենում այդ նկարում, և ինչ կարծիք ունեն նրանք մկրտվելու մասին:

ուսուցման պատկերակ

Ուսուցանեք վարդապետությունը

Մեծ երեխաներ

Մատթեոս 3.13–17

Ես կարող եմ մկրտվել, ինչպես Հիսուսը մկրտվեց:

Ինչպե՞ս կարող եք օգտագործել Հիսուսի մկրտության պատմությունը, որպեսզի օգնեք երեխաներին պատրաստվել մկրտությանը:

Հնարավոր վարժություններ

• Ամփոփեք Փրկիչի մկրտության պատմությունը (տես Մատթեոս 3.13–17, տես նաև «Գլուխ 10: Հիսուսը մկրտվեց»: Նոր Կտակարանի պատմությունները, 26-29, կամ դիտեք համապատասխան տեսանյութը LDS.org կայքում): Պատմությունը մի քանի անգամ կրկնեք և հրավիրեք երեխաներին կիսվել մանրամասներով, որ իրենք հիշում են: Բացատրեք, որ Հիսուսին ընկղմումով մկրտեց մեկը, ով ուներ քահանայության իշխանություն:

• Ցույց տվեք Հիսուսի մկրտության նկարը այս շաբաթվա գործնական աշխատանքի էջում: Թող երեխաներն ընդգծեն այդ երկու նկարների միջև եղած նմանությունները:

• Կարող եք վերանայել այն խոստումները, որ երեխաները տալիս են մկրտվելիս (տես Մոսիա 18.8–10, ՎևՈւ 20.37, «Հավատքին հավատարիմ», 23): Հարցրեք նրանց, թե այս խոստումներից որոնք են նրանք արդեն կատարում:

• Հրավիրեք եպիսկոպոսության անդամներից մեկին պատմել երեխաներին մկրտության հարցազրույցի մասին, որ նրանք ունենալու են նախքան մկրտությունը:

• Երեխաների հետ երգեք «Մկրտություն»երգը Մանկական երգարան 100-101: Երեխաներից մեկին, ով լավ գիտի երգը, կարող եք խնդրել առաջնորդել մյուս երեխաներին, մինչ նրանք կերգեն:

մկրտվող աղջիկը

Մենք կարող ենք հետևել Հիսուս Քրիստոսի օրինակին՝ մկրտվելով:

Մատթեոս 3.11 16

Սուրբ Հոգին ինձ օգնում է:

Մկրտվելու համար նախապատրաստվելուց բացի երեխաները նաև նախապատրաստվում են Սուրբ Հոգու պարգևը ստանալուն: Ինչպե՞ս կարող եք աջակցել նրանց։

Հնարավոր վարժություններ

• Օգտագործեք Մատթեոս 3.11, 16 հատվածները, որպեսզի ուսուցանեք երեխաներին, որ Սուրբ Հոգին իջավ Հիսուսի վրա, երբ Նա մկրտվեց (աղավնին հայտնվեց որպես նշան, որպեսզի ցույց տար, որ դա տեղի է ունեցել): Ցույց տվեք «Սուրբ Հոգու պարգևը» նկարը (Ավետարանի պատկերագիրք, էջ 105) և բացատրեք, որ մենք ստանում ենք Սուրբ Հոգու պարգևը հաստատման ժամանակ:

• Մի արկղ բերեք, որի մեջ կան առարկաներ, ինչպիսիք են Հիսուսի նկարը, տաք ծածկոց և կողմնացույց: Հրավիրեք երեխաներին ընտրել մի առարկա ու այնուհետև կիսվեք, թե ինչպես է յուրաքանչյուր առարկան հանդիսանում մի եղանակ, որի միջոցով Սուրբ Հոգին կարող է օգնել մեզ. Նա վկայում է Հիսուսի մասին, մխիթարում է մեզ (տեսՀովհաննես 15.26) և ցույց է տալիս ճիշտ ճանապարհը (2 Նեփի 32.5):

• Կիսվեք ձեր անձնական փորձառություններով այն մասին, երբ օգնություն եք ստացել Սուրբ Հոգուց:

• Մինչ կերգեք «Սուրբ Հոգին»երգը Մանկական երգարանից էջ 105, հրավիրեք երեխաներին ուշադրություն դարձնել, թե ինչպես է Սուրբ Հոգին օգնում մեզ:

ուսուցման պատկերակ

Ուսուցանեք վարդապետությունը

Մեծ երեխաներ

Մատթեոս  3

Ես օրհնված եմ Ահարոնյան Քահանայության արարողությունների միջոցով:

Հովհաննես Մկրտիչն ուներ Ահարոնյան Քահանայություն, այսպիսով սա լավ հնարավորություն է ուսուցանել երեխաներին Ահարոնյան Քահանայության մասին և օգնել նրանց, որ հասկանան այն օրհնություններն ու զորությունը, որոնք ստանում են տղամարդիկ ու կանայք այս քահանայության միջոցով:

Հնարավոր վարժություններ

• Հրավիրեք երեխաներին կազմել Ահարոնյան Քահանայության պարտականությունների ցանկ` օգտվելով Վարդապետություն և Ուխտեր 20.46, 58–60, 84.111 հատվածներից: Բացատրեք, որ Ահարոնյան Քահանայություն կրողները կարող են «մկրտել ու սպասավորել հաղորդությունը»: Քահանաները, ուսուցիչները և սարկավագները պետք է «ուսուցանեն և բոլորին հրավիրեն գալ Քրիստոսի մոտ» (ՎևՈւ 20․46, 59): Խնդրեք երեխաներին Մատթեոս 3 գլխում ուշադրություն դարձնել այն օրինակներին, թե ինչպես էր Հովհաննեսն իրականացնում այս պարտականությունները: Ինչպե՞ս կարող ենք մենք բոլորս հրավիրել մյուսներին գալ Քրիստոսի մոտ, ինչպես որ Հովհաննեսն էր անում:

• Ցույց տվեք մի քանի նկարներ, որտեղ Ահարոնյան Քահանայության կրողներն իրականացնում են մկրտության ու հաղորդության սպասավորման արարողությունները (տես Ավետարանի պատկերագիրք, էջ 103,108): Քննարկեք, թե ինչպես են այս արարողությունները նախապատրաստում մեզ ընդունել Հիսուս Քրիստոսին ու Նրա Քավությունը:

• Միասին կարդացեք Վարդապետություն և Ուխտեր 13.1 հատվածը և բացատրեք, որ Հովհաննես Մկրտիչը Ահարոնյան Քահանայությունը փոխանցեց Ջոզեֆ Սմիթին: Հարցրեք երեխաներին, թե նրանք ինչպես են օրհնվել Ահարոնյան Քահանայության վերականգնման շնորհիվ:

Մատթեոս 3.13-17, Ղուկաս 3.2-18

Ես կարող եմ պահել իմ մկրտության ուխտերը:

Հիսուսի մկրտության պատմությունը լավ հնարավորություն է, որպեսզի օգնեք երեխաներին հիշել իրենց մկրտության ուխտը և կրկին հրավիրեք նրանց պահել դրանք:

Հնարավոր վարժություններ

• Երեխաներից երկուսին խնդրեք կարդալ Ղուկաս 3.7-9, 15-17 հատվածները. նրանցից մեկը՝ Հովհաննես Մկրտիչի բառերը, իսկ մյուսը՝ մնացած բառերը: Յուրաքանչյուր հատվածից հետո կանգ առեք և օգնեք երեխաներին հասկանալ, թե ինչ է նշանակում այդ հատվածը:

• Վերհիշեք այն ուխտերը, որ երեխաները կապել են մկրտության ժամանակ, որոնց մասին ասվում է Մոսիա 18.8–10-ում և Վարդապետություն և Ուխտեր 20.37-ում: (Տես նաև «Հավատքին հավատարիմ»  23-26): Հրավիրեք երեխաներին գրի առնել այս հղումներն այս շաբաթվա գործնական աշխատանքի էջում:

• Պատրաստեք մի քանի զույգ քարտ միանման արտահայտություններով կամ նկարներով, որ ներկայացնում են մեր մկրտության ուխտերը: Քարտերը երեսնիվայր դրեք: Հրավիրեք երեխաներին հերթով երկուական քարտ շրջել` փնտրելով դրա հավասարակիցը: Հավասարակիցը գտնելուց հետո հրավիրեք երեխաներին կիսվել, թե ինչպես են պահել այդ ուխտը:

• Կիսվեք, թե պահելով ձեր ուխտերը, ինչպես եք օրհնվել:

Մատթեոս 3.11 16

Սուրբ Հոգին կարող է առաջնորդել ինձ:

Երեխաները սովորում են ինչպես ճանաչել ու հետևել Սուրբ Հոգու առաջնորդությանը: Ինչպե՞ս կարող եք ուսուցանել նրանց, որ իրենց մկրտության ուխտերը պահելով, արժանի կլինեն ստանալ այս առաջնորդությունը:

Հնարավոր վարժություններ

• Խնդրեք յուրաքանչյուր երեխայի ընտրել հետևյալ սուրբ գրություններից մեկը, կարդալ ու բացատրել, թե ինչպես է Սուրբ Հոգին խոսում մեզ հետ. Վարդապետություն և Ուխտեր 6.23, 8.2–3:

• Երեխաներից մեկին խնդրեք կարդալ Մատթեոս 3.11-ը: Ինչպե՞ս է Սուրբ Հոգին նման կրակի: Օրինակ` կրակը ջերմացնում է և լույս է տալիս մեզ առաջնորդելու համար (տես Հովհաննես 15.26, 2 Նեփի 32.5):

• Խնդրեք երեխաներին փակել իրենց աչքերը և պարզել ձեռքերը: Այնուհետև փետուրով կամ թելով դիպչեք նրանց ափերին: Խնդրեք նրանց հայտնել ձեզ, երբ նրանք դա զգան: Ի՞նչ է ուսուցանում այս գործնական աշխատանքը Սուրբ Հոգու տպավորությունները ճանաչելու մասին:

• Հրավիրեք երեխաներին կիսվել Սուրբ Հոգու հետ ունեցած իրենց փորձառություններով: Պահելով մեր ուխտերը, ինչպե՞ս կարող ենք ունենալ Սուրբ Հոգու առաջնորդությունը:

ուսուցման պատկերակ

Խրախուսեք տնային ուսումնասիրությունը

Խնդրեք երեխաներին հարցնել իրենց ծնողներին կամ ընտանիքի անդամներին իրենց մկրտության մասին:

Բարելավենք մեր ուսուցումը

Փնտրեք անձական ոգեշնչում: Մի համարեք այս ծրագրերը որպես ցուցում, որին պետք է հետևեք ուսուցանելիս: Փոխարենը, օգտագործեք դրանք որպես մտքեր ձեր անձնական ոգեշնչումն ունենալու համար, մինչ կմտածեք ձեր ուսուցանած երեխաների կարիքների մասին: (Տես«Ուսուցանել Փրկիչի ձևով», 7):

գործնական աշխատանքի էջ. Ես կարող եմ մկրտվել, ինչպես Հիսուսը մկրտվեց