Գլուխ 10

Հիսուսը մկրտվում է

Հովհաննեսը շատ տարիներ ապրում էր անապատում: Նա հագնում էր ուխտի մորթուց կարած շորեր և մեղր ու մորեխ էր ուտում: Մարդիկ քաղաքներից գալիս էին, որ լսեին, թե ինչ էր նա սովորեցնում: Նրան անվանում էին Հովհաննես Մկրտիչ:

Մատթեոս Գ.1–5

Հովհաննես Մկրտիչը մարդկանց սովորեցնում էր Հիսուս Քրիստոսի մասին: Նա նրանց ասում էր, որ ապաշխարեին իրենց մեղքերից և մկրտվեին: Հովհաննեսը մկրտում էր նրանց, ովքեր ապաշխարում էին իրենց մեղքերը:

Մատթեոս Գ.2–3, 5–6

Մարդիկ Հովհաննես Մկրտչին հարցնում էին, թե ինչպես կարող էին ավելի լավ կյանքով ապրել: Նա նրանց ասում էր, որ կիսվեին աղքատների հետ, ասեին ճշմարտությունը և արդար լինեին ուրիշների հանդեպ: Նա ասում էր, որ Հիսուս Քրիստոսը շուտով գալու է: Հիսուսը պետք է նրանց տար Սուրբ Հոգու պարգևը:

Մատթեոս Գ.2, 11–12; Ղուկաս Գ.10–14

Մի օր, երբ Հովհաննես Մկրտիչը մկրտում էր մարդկանց Հորդանան գետում, Հիսուս Քրիստոսը եկավ նրա մոտ: Նա Հովհաննեսին խնդրեց մկրտել Իրեն: Հովհաննեսը գիտեր, որ Հիսուսը միշտ հնազանդվում էր Աստծո պատվիրաններին և կարիք չուներ ապաշխարելու: Հովհաննեսը մտածում էր, որ Հիսուսը կարիք չուներ մկրտվելու:

Մատթեոս Գ.13–15; 2 Նեփի 31.5–7

Սակայն Աստված պատվիրել էր բոլոր մարդկանց մկրտվել, և Հիսուսը Հովհաննեսին ասաց, որ մկրտի Իրեն: Հիսուսը մեր բոլորիս օրինակ ցույց տվեց, երբ հնազանդվեց մկրտվելու Աստծո պատվիրանին:

Մատթեոս Գ.16; 2 Նեփի 31.7–9

Երբ Հիսուսը դուրս եկավ ջրից, Սուրբ Հոգին այցելեց Նրան: Աստված խոսեց երկնքից, ասելով. «Դա է իմ սիրելի որդին, որին ես հավանեցի»: Հովհաննես Մկրտիչը նույնպես վկայեց, որ Հիսուսը Աստծո Որդին էր:

Մատթեոս Գ.16–17; Հովհաննես Ա.33–36; Հիսուս Քրիստոս 150