Գլուխ 33
Հայտնություն փառքի մեջ. Փոխակերպում
Հիսուսը Պետրոսին, Հակոբոսին և Հովհաննեսին տարավ բարձր սար աղոթելու համար:
Երբ Հիսուսը աղոթում էր, Աստծո փառքը իջավ Նրա վրա: Նրա դեմքը փայլում էր արևի պես: Հին Կտակարանի մարգարեները, որոնց անուններն էին Մովսես և Եղիա, հայտնվեցին Նրան: Նրանք խոսեցին Նրա գալիք մահվան և հարության մասին:
Մատթեոս ԺԷ.2–3; Մարկոս Թ.3–4; Ղուկաս Թ.29–31 (տես ծանուցում 31a)
Երբ Հիսուսը աղոթում էր, Առաքյալները քնեցին:
Երբ նրանք արթնացան, նրանք տեսան Հիսուս Քրիստոսի, Մովսեսի և Եղիայի փառքը: Նրանք լսեցին Երկնային Հոր ձայնը, որը վկայեց. «Դա է իմ սիրելի Որդին, որին ես հավանել եմ, դորան լսեցեք»:
Առաքյալները վախեցան և ընկան գետնին: Հիսուսը դիպչեց նրանց և ասաց, որ չվախենան: Երբ նրանք նայեցին վեր, երկնային սուրհանդակները արդեն չկային: Հիսուսը Առաքյալներին ասաց, որ ոչ ոքի չասեն, թե ինչ տեսան, մինչև որ Նա չմահանա և հարություն չառնի: