“Pebrero 11–17. Juan 2–4: ‘Masapul Kadakayo ti Mayanak a Mabaliwan’” Umaykayo, Sumurot Kaniak—Para iti Primary: Baro a Tulag 2019 (2019)
“Pebrero 11–17. Juan 2–4,” Umaykayo, Sumurot Kaniak—Para iti Primary: 2019
Pebrero 11–17
Juan 2–4
“Masapul Kadakayo ti Mayanak a Mabaliwan”
Mangrugi ti panagsaganam nga mangisuro bayat ti panangbasam iti Juan 2–4. Umaykayo, Sumurot Kaniak—Para kadagiti Indibidual ken Pamilia ket makatulong kenka tapno maawatam dagitoy a kapitulo, ken daytoy a balabala ti makaited kenka kadagiti kapanunotan iti panangisuro.
Isuratmo Dagiti Impresionmo
Yawis ti Panagbibinninglay
Allukoyem dagiti ubbing nga ibinglayda no ania ti masursuroda ken mapadpadasan babaen ti panangsaludsodmo kadakuada no ania ti inaramidda itay kallabes tapno agbalin a “dumadaklis kadagiti tao” (Mateo 4:19 Mabalin a kasapulam a sublien nga adalen kadakuada ti leksion idi naudi a lawas.
Isuro ti Doktrina
Dagiti In-inaudi nga Ubbing
Nasken a mabuniagan ken makumpirmaannak tapno makasubliak a makipagnaed iti Nailangitan nga Ama (Juan 3:1–8).
Agsagsagana dagiti ubbing a sursuruam iti napapateg nga addang tapno agnaedda manen ken ni Nailangitan Nga Ama babaen ti panagpabuniag (mayanak iti danum) ken makumpirmaan (mayanak iti espiritu). Kasano a matulongam ida a maawatan dagiti napapateg nga ordinansa?
Dagiti Mabalin nga Aktibidad
-
Gupugopem ti estoria maipapan ken ni Jesus a mangisursuro ken ni Nicodemo. Ikarim kadagiti ubbing a no mabuniaganda, mangtedto kadakuada ti Nailangitan nga Ama iti sagut ti Espiritu Santo.
-
Usarem ti Juan 3:5 ken ti panid ti aktibidad iti daytoy a lawas a mangisuro a kasapulan nga agpabuniag ken makumpirmaantayo tapno makipagnaed manen iti Nailangitan nga Ama.
-
Kiddawen kadagiti ubbing nga isarita no ania ti aramidenda no buggoandadagiti imada. Ipakita iti ladawan Ti Babai a Mabumbuniagan (Libro ti Arte ti Ebanghelio, num. 104), ket tulongam dagiti ubbing a mangyarig iti panangbuggo kadagiti imatayo iti danum iti panagbalin a naespirituan a nadalus babaen ti panagbuniag.
Ay-ayatennak ti Nailangitan nga Ama, isu a nangted kaniak iti Mangisalakan.
Kasano a matulongam dagiti ubbing a masursuruan iti daytoy napateg a kinapudno?
Dagiti Mabalin nga Aktibidad
-
Kiddawen kadagiti ubbing a mangkumpleto kadagiti binatogkas iti daytoy: a “Gapu ta ay-ayatennak dagiti nagannak kaniak, isuda. …” Basaem ti Juan 3:16. Kalpasanna tulongam ti tunggal ubing a mangulit iti Juan 3:16, a suksukatam dagiti balikas a “ti lubong” kadagiti bukodna a nagan, ken padengngeg kadagiti ubbingno ania ti inaramid ti Nailangitan nga Ama gapu ta ay-ayatennatayo. Awisem dagiti ubbing nga agdrowing kadagiti ladawan dagiti banag a makatulong kadakuada a makarikna iti ayat ti Nailangitan nga Ama kadakuada (kas dagiti pamilia, nakaparsuaan, dagiti nasantuan a kasuratan, ken dadduma pay). Paibinglay kadakuada dagiti drowingda iti tunggal maysa.
-
Paigganan kadagiti ubbing ti ladawan ni Jesus iti tunggal kanito a kantaenda ti “Anak a Lalaki”i iti “He Sent His Son,” Children’s Songbook, 34–35.
Ni Jesucristo ti “nabiag a danumko”.
Makaawat dagiti amin nga ubbing iti klasem iti pannakawaw . Kasano a mausarmo dayta a padas tapno matulongam dagiti ubbing a makaawat no kasano a kasapulantayo unay ti nabiag a danum nga idiaya ni Jesucristo?
Dagiti Mabalin nga Aktibidad
-
Usarem ti ladawan iti balabala ita a lawas iti Umaykayo, Sumurot Kaniak—Para kadagiti Indibidual ken Pamilia a mangisarita iti estoria maipapan ken ni Jesus ken ti babai iti abay ti bubon. Kiddawem kadagiti ubbing a mangulit a mangisarita iti estoria.
-
Mangipakita iti sangabaso a danum, ken kiddawen kadagiti ubbing no ania ti mapasamak no mawawtayo unay ket awan nagyan a danum ti baso. Gupgopen biit ti Juan 4:5–15, ket paneknekam a ni Jesucristo ken ti ebangheliona ket mangted biag iti espiritutayo, kas iti danum amangted iti biag iti bagitayo.
Isuro ti Doktrina
Dagiti In-inauna nga Ubbing
Kabaelak a dayawen ni nanangko kas met iti inaramid ni Jesus.
Iti kallaysa iti Cana, imbaga ni Maria ken ni Jesus a naibusen ii arak. Segun iti Patarus ni Joseph Smith, simmungbat ni Jesus ken ni nanangna babaen ti panagsaludsodna, “Babai, no ania ti kayatmo nga aramidek a maipaay kenka? isu ti aramidek”(Juan 2:4, footnote a). Ni Jesus ti maysa a pagwadan ti no kasano a tratuemndagiti annak dagiti innada.
Dagiti Mabalin nga Aktibidad
-
Awisem dagiti ubbing a mangbasa iti Juan 2:1–11 ken agsisinnublatda a mangulit a mangisarita kadagiti paset daytoy iti bukodda a balikas.
-
Kiddawen kadagiti ubbing nga agilista kadagiti banag a mabalinn a makatulong iti inada. Awisem ida a mangsanay iti no ania ti mabalin nga isaoda kenkuana nga us-usarenda ti sagmamano kadagiti sao ni Jesus a: “Ania ti kayatmo nga aramidek a maipaay kenka?” (Juan 2:4, footnote a).
-
Awisem ti sumagmamano nga inna a bumisita iti klasem ken ibinglayda no ania ti ar-aramiden dagiti annakda a mangipakita iti panagdayawda kadakuada.
Kinuna ni Jesus iti inana, “Ania ti kayatmo nga aramidek a maipaay kenka?” (Patarus ni Joseph Smith, Juan 2:4 [iti Juan 2:4, footnote a]).
Ti pannakabuniag ken pannakakumpirma ket mayarig iti pannakayanak manen.
No mabuniagantayo, nga inawagan ni Jesus iti “a pannakayanak iti danum,” awatentayo ti pannakapakawan dagiti basbasoltayo ken mabalintayo ti “sumrek iti Pagarian ti Dios” (Juan 3:5). Kasano a matulongam dagiti ubbing a sursuruam a makaawat no ania ti kaipapanan ti pannakayannak manen?
Dagiti Mabalin nga Aktibidad
-
Balbaliwam ti urnos dagiti balikas ti Mangisalakan iti Juan 3:3 ken paurnosmo kadagiti ubbing dagitoy iti husto nga urnos. Kasano a mayarig ti pannakabuniag ken pannakakumpirma iti pannakayannak manen?
-
Ipakita iti ladawan ti maysa a kayyanak a maladaga ken ti maysa a tao a mabumbuniagan ken makumkumpirmaan (kitaen iti Libro ti Arte ti Ebanghelio, num. 104 ken 105). Kasano nga agbalintayo a kas iti kayyanak a maladaga kalpasan a mabuniagan ken makumpirmaantayo? (kitaen ti Juan 3:3–5).
-
Awisem dagiti ubbing a mangibinglay kadagiti lagipda iti panagbuniagda. Basaem ti Mosiah 18:8–10 ken Doktrina ken Katulagan 20:37 a mangrebyu iti katulagan iti panagbuniag. Isurom kadagiti ubbing a ti sipapanunot a pannakiranudda iti sakramento iti tunggal lawas ket maysa a wagas tapno agtultuloy ti proseso ti pannakayanak manen.
-
Tulongam dagiti ubbing a mangikabesa iti Pagannurotan ti Pammati 1:4.
Ay-ayatennak ti Nailangitan nga Ama, isu nga imbaonna ti Anakna.
Kasano a matulongam dagiti ubbing a maammuanda a naibaon iti daga ni Jesucristo kas maysa a panangipeksa iti ayat ti Nailangitan nga Ama?
Dagiti Mabalin nga Aktibidad
-
Kiddawen kadagiti ubbing a mangidrowing iti ladawan ti paggugustoda a sagut ken ti tao a nangted kadakuada iti dayta a sagut. Kalpasanna saludsodem iti maysa nga ubing a mangbasa iti Juan 3:16. Ania ti sagut nga intede ti Nailangitan nga Ama kadatayo? Kasano a mangipakita iti daytoy a sagut iti ayatna?
-
Kiddawen kadagiti ubbing a denggenda ti sungbat iti saludsod, “Apay a ti Nailangitan Nga Ama imbaonna ni Jesucristo?” kabayatan ti panangkantada wenno panangdenggegda iti “He Sent His Son,” Children’s Songbook, 34–35.
Mangted kaniak ni Jesuscristo iti “nabiag a danum.”
Kas iti inusar ni Jesus iti danum a mangisuro iti babai iti Samaria, mabalinmo nga usaren ti danum tapno mangisuro kadagiti ubbing no apay a kasapulantayo ti ebanghelio ni Jesucristo.
Dagiti Mabalin nga Aktibidad
-
Mangted kadagiti ubbing iti mainum a danum, ken kiddawem kadakuada a mangibinglay kadagiti padasda idi nawawda. Saritaem no kasano ti narikna iti kamaudiana a nakainum iti danum.
-
Agsurat kadagiti pakagupgopan a binatog manipud iti estoria ti babai iti abay ti bubon, ket kiddawen kadagiti ubbing nga agibasarda iti Juan 4:6–23 tapno mangurnos kadagiti binatog iti husto nga urnos. Ania ti padpadasen nga isuro ni Jesus iti babai?
-
Mangidrowing iti pisara iti maysa a baso ti danum ken ti ubbog wenno karayan. Awisem dagiti ubbing a manginagan kadagiti banag a, kas maysa a baso ti danum, a makapennek iti apagkanito kadatayo. Ania dagiti banag a kas iti “nabiag a danum” a mabalin a mangpennek kadatayo iti agnanayon?
-
Mangisuratka iti pisara ti Kasano a ti ebanghelio a kas iti danum? Kiddawen kadagiti ubbing no kasano a sungbatanda daytoy a saludsod bayat iti panagbasada ti Juan 4:6–23.
Yallukoy ti Panagsursuro iti Pagtaengan
Kiddawem kadagiti ubbing a mangtedda kadagiti miembro ti pamiliada iti mainum a danum no makaawidda iti pagtaengan. Bayat iti daytoy, mangibinglay da ti nasursuroda maipapan iti sibibiag a danum.
Panangpadur-as iti Panangisurotayo
Usarem dagiti panid iti aktibidad. No madama a lepleppasen dagiti ubbing dagiti panid ti aktibidad, usarem ti oras a mangrebyu kadagiti pagbatayan manipud iti adalen.