Mati 11–17.

Mataio 10–12; Mareko 2; Luka 7; 11

“Ua Auina Atu e Iesu o Lenei Toasefulu ma le Toalua”

A o e faitauina le Mataio 10–12; Mareko 2; ma le Luka 7; 11, o le a e mauaina uunaiga mai le Agaga Paia o le a fesoasoani e saunia oe. O nei uunaiga, faatasi ai ma le Sau, Mulimuli Mai ia te Au—Mo Tagata Taitoatasi ma Aiga ma o lenei otootoga, e mafai ona fesoasoani i au tapenaga.

Tusifaamaumau Ou Lagona Uunai

Valaaulia le Fefaasoaai

Fautuaina tamaiti e faasoa mai pe faapefea ona latou tausia le paia o le aso Sapati.

Aoao atu Aoaoga Faavae

Tamaiti Laiti Ifo

Mataio 10:1–10

Na valaauina e Iesu ia Aposetolo e Toasefululua ma avatu ia te i latou le mana e faia ai Lana galuega

Pe o iloa e tamaiti e te faiaoga ai e i ai a tatou Aposetolo e Toasefululua i aso nei? E mafai faapefea ona e faaaogaina nei fuaiupu e aoao atu ai i latou e uiga i le taua o Aposetolo o ona po nei ma pe o a mea na valaauina i latou e fai?

Gaoioiga e Mafai Ona Fai

• Aotele le Mataio 10:1–10 i ni faaupuga faigofie. (Tagai O Keriso o Loo Faauuina ia Aposetolo, Tusi Ata o le Talalelei, no. 38.) Faamalamalama ua valaauina e Iesu ia Aposetolo e fesoasoani ia te ia e fausia Lana Ekalesia.

• Tuu i tamaiti e faitau Aposetolo o i le ata O Keriso o Loo Faauuina Aposetolo (Tusi Ata o le Talalelei, nu. 38) ma i se ata o Aposetolo e Toasefululua o i ai nei (tagai LDS.org po o se lomiga o le konafesi aoao i le Ensign po o le Liahona). Faamalamalama e toasefululua a tatou Aposetolo i le taimi nei, e pei foi o le taimi o Iesu.

• Nana ata o Aposetolo o i ai nei, ia faataamilo i le potu (mo ata, tagai i le lomiga o le konafesi aoao lata mai o le Ensign po o le Liahona). Valaaulia tamaiti e sue ata, ma ta’u i ai sina mea itiiti e uiga i Aposetolo taitasi (tagai “Meet Today’s Prophets and Apostles” i le LDS.org).

• Valaaulia se tamaitiiti e uu i luga se ata o le Au Peresitene Sili ma se ata o le Korama a Aposetolo e Toasefululua. Fai i se tamaitiiti e taitai isi tamaiti faataamilo i le potu i se ata o Iesu. Molimau atu o perofeta ma aposetolo e taitaia i tatou ia Iesu Keriso.

• Faasoa atu lau molimau i Aposetolo a le Alii.

O loo faia e Aposetolo e Toasefululua le galuega a le Alii i aso nei.

Mataio 11:28-30

O le a fesoasoani Iesu ia te au pe a ou alu atu ia te Ia.

E mafai e tamaiti ona lagona le mafanafana i le iloa ai o le a fesoasoani Iesu ia te i latou i a latou avega pe a latou o mai ia te Ia.

Gaoioiga e Mafai Ona Fai

• Faitau le Mataio 11:28–30 ma faaali le ata o povi o loo tauamo faatasi o i le otootoga o lenei vaiaso i le Sau, Mulimuli Mai ia te Au—Mo Tagata Taitoatasi ma Aiga. Ta’u i ai e mafai e na povi ona tauamo faatasi se mamafa e sili atu nai lo le mea e mafai pe ana tosoina taitoatasi. Molimau atu a tatou lagona le faanoanoa, popole, po o le fefefe, e mafai ona tatou sailia Iesu ma o le a fesoasoani o Ia ia te i tatou.

• Fai i se tamitiiti e sii se mea mamafa. A faigata ia te ia, ona ofo atu lea o se fesoasoani. E faapefea ona fesoasoani Iesu ia i tatou e fai ni mea faigata? Pe na i ai se taimi na lagona ai e tamaiti Lana fesoasoani.

Mataio 12:1–13

E mafai ona ou tausia le Aso Sapati ia paia.

O a ni nai auala malie e mafai ona e aoao atu ai tamaiti e uiga i le aso Sapati ma aisea tatou te tausia ai le paia?

Gaoioiga e Mafai Ona Fai

• Faitau leotele le Mataio 12:10–13 . Valaaulia tamaiti e tutu i luga ma nonofo i lalo i taimi taitasi e ta’ua ai le “Sapati,” ma toe fai faatasi ma i latou le fasifuaitau “e tatau ai ona agalelei i le sapati” (Mataio 12:12). O le a so latou manatu o le a le uiga o lena mea?

• Faaali atu se kalena i tamaiti ma faalanu le aso Sapati mo i latou. O a mea tatou te fai i isi aso o le vaiaso? O le a se mea e mafai ona tatou faia i le Sapati ia ese ai mai isi aso (tagai Isaia 58:13–14).

• Fai i tamaiti e tusi ata o mea e mafai ona latou fai i le aso Sapati (tagai i le itulau o gaoioiga o lenei vaiaso).

• Valaaulia tamaiti fautua mai ni taga e fesoasoani ia i latou e manatua ai auala tatou te sauniuni ai mo le Sapati a o latou usuina le pese “Saturday,” Tusipese a Tamaiti, 196.

• Tusi ata o mata, taliga, se gutu, ma lima i luga o le laupapa. Fai i tamaiti e ta’u atu po o a mea a nei vaega o o tatou tino e mafai ona fai e tausia ai le paia o le aso Sapati.

Aoao atu Aoaoga Faavae

Tamaiti Matutua

Mataio 10:1–10; Mareko 3:13–19

E mafai e Aposetolo e Toasefulua ona aoao a’u e uiga ia Iesu.

E mafai faapefea ona fesoasoani le aoao e uiga i Aposetolo e Toasefululua i ona po o Keriso i tamaiti e malamalama atili ai i mea e fai e Aposetolo e Toasefululua i aso nei?

Gaoioiga e Mafai Ona Fai

• Faaali ata o Aposetolo i ona po o Iesu ma i o tatou aso (tagai O Keriso o Loo Faauu ia Aposetolo, Tusi Ata o le Talalelei, nu. 38, ma se lomiga o mekasini a le Ekalesia i se konafesi lata mai nei). Fai i tamaiti e faitau le Mataio 10:1–10 ma le Mareko 3:14–15 e sue ai po o a mea a Aposetolo e fai.

• Valaaulia ni nai tamaiti e o mai sauniuni e faasoa mai se tala na faamatala mai e se tasi o Aposetolo. O faapefea ona fesoasoani mai Aposetolo soifua ia i tatou ia avea atili e faapei o le Faaola?

• Tusi igoa o tagata o Aposetolo o aso nei i fasipepa. Valaaulia tamaiti e faafetaui igoa o Aposetolo taitoatasi ma lona ata(LDS.org). E mafai ona faifai soo lenei gaoioiga.

• Faasoa mai ni nai faataitaiga o molimau a Aposetolo o ona po nei ia Keriso, i tamaiti (tagai i savali o le konafesi aoao talu ai nei po o le “O Le Keriso Soifua: O Molimau a Aposetolo,” Ensign po o le Liahona, Ape. 2000, 2).

• Fesoasoani i tamaiti e tauloto ma ia malamalama i Mataupu Faavae o le Faatuatua 1:6

Mataio 11:28-30

O le a fesoasoani Iesu ia te au pe a ou alu atu ia te Ia.

E mafai faapefea ona e fesoasoani i tamaiti ia malamalama o le a avatu e le Faaola ia i latou le malologa mai o latou luitau pe a latou o mai ia te Ia?

Gaoioiga e Mafai Ona Fai

• Valaaulia tamaiti e faasoa mai se taimi na latou popole ai pe atuatuvale a i se mea. Valaaulia i latou e sailiili le Mataio 11:28--30 mo se fautuaga e mafai ona fesoasoani ia te ia i ni tulaga foi faapea.

• Valaaulia tamaiti e tusi ata o mea o le a latou faia e o mai ai ia Iesu ma aoao ia te Ia. E mafai ona latou maua ni manatu mai le mataupu faavae lona fa o le faatuatua.

Mataio 12:1–14

O le Sapati o se aso e faia ai mea lelei lea e avatu faalatalata ai a’u i le Atua.

O tamaiti e te faiaoga ai o le a faamalolosia a o e faamamafaina faamoemoega ma faamanuiaga o le tausia o le aso Sapati ia paia.

Gaoioiga e Mafai Ona Fai

• Valaaulia se tamaitiiti e faatino mai i taga le tagata lea na faamalolo lona lima e Ie Faaola (tagai Mataio 12:10--13). E mafai e se isi tamaitiiti ona faatalanoa o ia e uiga i le aafiaga.

• Faitau faatasi le Mataio 12:12 O a ni mea lelei e mafai ona tatou faia i le Sapati? Tuu i tamaiti e tusi a latou aitia po o manatu i le itulau o gaoioiga o le vaiaso lenei, ‘oti’oti ia fasipepa, ona feauaua’i lea e tuu faatasi paso a isi.

• Nana ni ata eseese o tagata sa faia ni mea lelei lea e faaalia ai lo latou alolofa mo le Tama Faalelagi i le aso Sapati. Fai i tamaiti e sue ni ata ma faasoa mai pe faapefea ona faaalia lo tatou alolofa i le Atua i le faia o mea o i ata.

• Tuu atu i tamaiti taitasi se taga e faatumu i aitia o mea lelei e fai i le Sapati. E mafai ona latou maua aitia i le “Tausia o le Aso Sapati” i le Mo Le Malosi ole Autalavou, 30–31.

Fautuaina le Aoaoina i le Aiga

Valaaulia tamaiti e faasoa atu i o latou aiga ia manatu po o aitia e tausia ai le paia o le Sapati.

Faaleleia o Lo Tatou Aoao Atu

Fautuaina le migao. Fesoasoani i tamaiti ia malamalama o se vaega taua o le migao o le mafaufau lea i le Tama Faalelagi ma Iesu Keriso. E mafai ona e faamanatu i tamaiti o le migao o le usuusu lemu lea pe hamuina se pese pe faaalia se ata o Iesu.