Ապրիլի 15-21-ը

Զատիկ

«Գերեզման, ո՞ւր է քո հաղթութիւնը»:

Օգտագործեք երեխաների հետ ունեցած ձեր ժամանակը, որպեսզի օգնեք նրանց հասկանալ, որ Զատիկի ժամանակ ուրախանում ենք Փրկիչով և խորացնում ենք մեր երախտագիտությունը Նրա զոհաբերության համար: Այս համառոտ շարադրանքի մտքերը կարելի է փոփոխության ենթարկել, որոնք կօգնեն ձեզ ուսուցանել ցանկացած տարիքի երեխաների:

Գրի առեք ձեր տպավորությունները

Հրավիրեք կիսվել

Որպեսզի օգնեք երեխաներին կիսվել Հիսուս Քրիստոսի ու Նրա Քավության մասին իրենց ունեցած գիտելիքով, կարող եք ցույց տալ նրանց Փրկիչի նկարները Գեթսեմանիում, խաչի վրա և Իր Հարությունից հետո (տես այս շաբաթվա համառոտ շարադրանքի նկարը «Եկ, հետևիր ինձ» ուղերձի անհատների և ընտանիքների համար բաժնում և Ավետարանի պատկերագրքում, էջ 56, 57, 58, 59 և 60):

Ուսուցանեք վարդապետությունը

Փոքր երեխաներ

Հիսուս Քրիստոսն իմ Փրկիչն է:

Երբ կարդաք Հիսուս Քրիստոսի Քավության մասին, խորհեք, թե ինչպես կարող եք օգնել երեխաներին զգալ, թե որքան շատ է Հիսուսը սիրում իրենց:

Հնարավոր վարժություններ

• Ուսուցանեք երեխաներին, որ քանի որ մենք բոլորս մեղք ենք գործում, մենք չենք կարող վերադառնալ Աստծո մոտ առանց Փրկիչի, ով տանջվել է մեր մեղքերի համար: Հիսուս Քրիստոսը կարող է փրկել մեզ մեր մեղքերից, եթե մենք ապաշխարենք: Պահեք հայելի և երեխաները թող հերթով նայեն դրա մեջ: Երբ ամեն երեխա նայի, ասացեք «Հիսուսը սիրում է [երեխայի անունը], և Նա կարող է փրկել [երեխայի անունը]»:

• Ցույց տվեք «Հիսուսը Գեթսեմանիում աղոթելիս» (Ավետարանի պատկերագիրք, էջ  56) նկարը` Գեթսեմանիում աշխարհի մեղքերի համար Հիսուսի տառապանքիպատմությունը պատմելիս (տես Մատթեոս 26.36–46, Ղուկաս 22.39–44): Բացատրեք, որ Նրա տառապանքների շնորհիվ մենք կարող ենք ներում ստանալ, եթե սխալ ընտրություն կատարենք: Նաև կարող եք օգտվել «Գլուխ 51-ից. Հիսուսը տառապում է Գեթսեմանիի այգում» Նոր Կտակարանի պատմություններ,էջ 129-32, կամ դիտեք համապատասխան տեսանյութերը (LDS.org կայքում):

• Միասին երգեք «Ես զգում եմ իմ Փրկիչի սերը» Մանկական երգարան,74-75: Ո՞ր բառերն են այդ երգում նկարագրում Փրկիչի սերը: Հարցրեք երեխաներին, թե ինչպես կարող են օգնել ուրիշներին զգալ Փրկիչի սերը:

Քանի որ Հիսուսը հարություն է առել, ես կարող եմ նորից ապրել:

Ինչպե՞ս կարող եք օգնել երեխաներին հասկանալ, որ Հիսուս Քրիստոսի շնորհիվ մենք ու մեր սիրելիները մի օր հարություն կառնեն:

Հնարավոր վարժություններ

• Ուսուցանեք երեխաներին Զատիկի պատմությունը` օգտագործելով Քրիստոսի նկարները Գեթսեմանիում, խաչի վրա և Իր Հարությունից հետո, որոնք գտնվում են Ավետարանի պատկերագրքում (էջ 56, 57, 58, 59 և  60) մեծ էջի երկայնքով նկարըայս շաբաթվա համառոտ շարադրանքում «Եկ, հետևիր ինձ» ուղերձը անհատների և ընտանիքների համար բաժնից: Մի քանի երեխաներ թող պահեն նկարը` մինչ դուք կպատմեք պատմությունը: Պատմեք երեխաներին այն մի քանի մարդկանց մասին, ովքեր տեսել են Հիսուսին Իր հարությունից հետո, ինչպես օրինակ` Մարիամը (տես Հովհաննես 20.1–18) կամ Թոմասը (տես Հովհաննես 20.24–29):

• Պարզեք, արդյո՞ք երեխաները գիտեն, թե ինչու ենք տոնում Զատիկը: Բացատրեք, որ Զատիկի ժամանակ մենք տոնում ենք պատմության մեջ ամենակարևոր օրը` այն օրը, երբ Հիսուս Քրիստոսը հարություն առավ: Հարցրեք, թե արդյո՞ք երեխաները կցանկանան կիսվել, թե ինչ են անում իրենց ընտանիքի անդամները Հիսուս Քրիստոսի Հարությունը հիշելու համար:

• Բացատրեք, որ հարություն առնել նշանակում է նորից ապրել մեռնելուց հետո: Վկայեք, որ Հիսուս Քրիստոսի շնորհիվ մենք հարություն կառնենք` կրկին կապրենք մեռնելուց հետո ու էլ երբեք չենք մեռնի:

• Օգտագործեք ձեռնոց, որպեսզի ուսուցանեք երեխաներին, որ մենք բոլորս մարմին (որը ներկայացնում է ձեռնոցը) և հոգի (որը ներկայացնում է ձեռքը) ունենք: Երբ մահանում ենք, մեր հոգին շարունակում է ապրել, սակայն մեր մարմինը չի ապրում: Երբ մենք հարություն առնենք, մեր հոգիներն ու մարմինները կրկին կմիանան: Թող երեխաները հերթով հագնեն ու հանեն ձեռնոցը:

• Միասին երգեք Զատիկի երգ, ինչպես օրինակ` «Մի՞թե Հիսուսը ապրում է կրկին» կամ «Հիսուսը հարություն է առել» Մանկական երգարան էջ 64,70 և երեխաներին ցույց տվեք Հիսուսի նկարները հարությունից հետո ( էջ  59, 60, 61):

• Ցույց տվեք ձեզ ծանոթ որևէ մեկի նկարը, ով մահացել է: Կիսվեք ձեր վկայությամբ, որ նա հարություն կառնի Հիսուս Քրիստոսի Քավության ու Հարության շնորհիվ:

• Միասին դիտեք «Հիսուսը Հարություն է առել» կամ «Հարություն առած Տերը հայտնվում է Առաքյալներին» տեսանյութերը (LDS.org կայք): Զատիկի լրացուցիչ ուղերձներ կարելի է գտնել mormon.org/easter կայքում։

«Նա հարություն է առել», Գրեգ Օլսեն

Ուսուցանեք վարդապետությունը

Մեծ երեխաներ

Հիսուսը տառապել է ինձ համար Գեթսեմանիում և խաչի վրա։

Մինչ կուսումնասիրեք Փրկիչի Քավությունը, մտածեք, թե ինչպես կարող եք օգնել երեխաներին սովորել ու հիշել, որ Քրիստոսը տառապեց Գեթսեմանիում և խաչի վրա ձեր մեղքերի, հիվանդությունների ու վշտերի համար:

Հնարավոր վարժություններ

• Երեխաների հետ կարդացեք Ղուկաս 22.39-44 հատվածները և Մատթեոս 27.29-50 հատվածներից ընտրվածները: Հրավիրեք երեխաներին ուշադրություն դարձնել այն բառերին, որոնք օգնում են իրենց հասկանալ, թե ինչ զգաց Փրկիչը Գեթսեմանիում ու խաչի վրա:

• Օգնեք երեխաներին մտապահել Հավատո երրորդ հանգանակը: Վկայեք, որ Հիսուս Քրիստոսը մեզ մեղքից ու մահից փրկելու զորություն ունի:

• Օգնեք երեխաներին պատրաստել կարճ ելույթ Հիսուս Քրիստոսի Քավության մասին, որպեսզի կիսվեն ուրիշների հետ: Խրախուսեք նրանց իրենց ելույթների մեջ ներառել սուրբ գրության հատված ու իրենց վկայությունը: Եթե լրացուցիչ օգնության կարիք ունեն, կարող են կարդալ «Հիսուս Քրիստոսի Քավությունը» «Հավատքին հավատարիմ» գրքույկում (14-21):

Քանի որ Հիսուսը մահացավ ու հարություն առավ, ես նորից կապրեմ:

Ձեր ուսուցանած երեխաները մի օր կտեսնեն իրենց սիրելիներից մեկի մահը, եթե դեռ չեն տեսել: Օգնեք նրանց հասկանալ, քանի որ Հիսուս Քրիստոսը հարություն է առել, մենք բոլորս հարություն կառնենք:

Հնարավոր վարժություններ

• Ցույց տվեք Ավետարանի պատկերագիրք էջ 57, 58 և 59 և խնդրեք երեխաներին համապատասխանեցնել նկարները հետևյալ հատվածների հետ. Մատթեոս 27.29–38, 59–60, Հովհաննես 20.10–18:

• Հրավիրեք երեխաներին Աստվածաշնչի բառարանում ինքնուրույն կարդալ «Հարության» մասին և գրի առնել ստուգողական հարցեր, որ կարող էին հարցնել իրենց սովորածի վերաբերյալ: Երեխաներին ժամանակ տվեք, որպեսզի իրենց հարցերը տան միմյանց ու միասին գտնեն պատասխանները:

• Օգնեք երեխաներին նայել Մանկական երգարանի թեմաների ցանկը, որպեսզի գտնեն մի երգ, որը կցանկանային սովորել Հիսուս Քրիստոսի կամ Հարության մասին: Միասին երգեք երգը մի քանի անգամ: Հարցրեք երեխաներին, թե ինչ են սովորում այս երգից:

• Նախքան դասը, խնդրեք մի քանի երեխաների Փրկիչի Քավության ու Հարության մասին իրենց վկայությամբ կիսվելու համար նախապատրաստված գալ: Խնդրեք երեխաներին գրի առնել իրենց վկայությունները տանը դրանցով կիսվելու համար:

Խրախուսեք տնային ուսումնասիրությունը

Որպեսզի օգնեք երեխաներին իրենց ընտանիքի անդամների հետ կիսվել իրենց սովորածով, խրախուսեք նրանց այս շաբաթ տանը երգել Հիսուս Քրիստոսի մասին մի երգ:

Բարելավենք մեր ուսուցումը

Երեխաներն օգուտ են քաղում կրկնությունից: Մի վախեցեք գործնական աշխատանքները հաճախակի կրկնելուց, հատկապես փոքր երեխաների հետ: Կրկնությունը կօգնի երեխաներին հիշել այն, ինչ ուսուցանում եք: