13–19 mayo

Mateo 19–20; Markos 10; Lukas 18

”K’a’ru maji’ ninb’aanu?”

Il ru Mateo 19–20Markos 10ut Lukas 18chi wankeb’ sa’ laa k’a’uxl li kok’al nakatzoleb’. Tz’iib’a a’ yaal li na’leb’ taak’ul. Lix kawresinkil aawib’ tatxtenq’a chixk’utb’al chiruheb’ li kok’al li k’a’ru tento te’xnaw sa’eb’ li ch’ol a’in.

Xtz’iib’ankil li nakak’oxla

Xkanab’ankileb’ chi wotzok

Kanab’eb’ li kok’al chixyeeb’al sa’ li tzoleb’aal li k’a’ru mas nawulak chiruheb’ chirix lix junkab’aleb’. Naru ajwi’ taapatz’ reheb’ xna’ xyuwa’ li kok’al naq te’xk’e xjalam-uucheb’ lix junkab’al re naq eb’ li kok’al te’xwotz sa’ li tzoleb’aal.

Xk’utb’al li tzolʼlebʼ

Kok’al toj ka’ch’ineb’ xyu’am

Markos 10:6–8

Li qaChoxahil Yuwa’ naraj naq toosumlaaq sa’ li santil ochoch ut naq te’wanq qajunelikil junkab’al.

Chan ru naru neke’usaak li kok’al li nakatzoleb’ rik’in xtzolb’al li tzol’leb’ chirix li junelikil sumlaak? Naru nakasik’ sa’ Li Junkab’al: Jun Jek’inb’il Aatin choq’ re li Ruchich’och’ ”Liahona,noviembre 2010, 129).

Kok’ k’anjel naru chi b’aanumank

• Il ru Markos 10:6–8choq’ reheb’ li kok’al ut k’ut jun xjalam-uuch jun li sumal sumsuukeb’. Patz’ reheb’ li kok’al naq te’xk’ut chi ruq’eb’ li winq ut li ixq naq te’rab’i li aatin “teelom” ut “ixq.” Ch’olob’ naq li qaChoxahil Yuwa’ naraj naq jun li winq ut jun li ixq te’sumlaaq (chi’ilmanq Genesis 1:27–28).

• K’uteb’ lix jalam-uuch jun li junkab’al ut jun li santil ochoch. Ch’olob’ naq li qaChoxahil Yuwa’ naraj naq tootz’ape’q sa’ junajil rik’in li qajunkab’al sa’ li santil ochoch re naq tooruuq chi wank rik’ineb’ a’an chi junelik. Eek’anb’il taaye laa waatin choq’ reheb’ li kok’al toj maji’ neke’tz’ape’ sa’ junajil rik’ineb’ lix na’ xyuwa’.

• B’ichahomaq Sa li qachʼool saʼ junkabʼal,”B’ichleb’aal choq’ reheb’ li Kok’al, 104. Kanab’eb’ li kok’al chixb’aanunkil reetalil jun aamej rik’ineb’ li ruq’ rajlal sut naq sa’ li b’ich te’xye xk’ab’a’ junaq li komon sa’ li junkab’al jo’ “na’,” “yuwa’,” ut wan chik xkomon. Li ch’ina k’anjel a’in naru nab’aanuman k’iila sut. Kanab’eb’ li kok’al chixwotzb’al li k’a’aq re ru se’se’ xb’aanuhomeb’ rik’ineb’ lix junkab’al. K’a’ut naq neke’xb’antioxi lix junkab’aleb’?

• B’ichahomaq li b’ich chirix li santil ochoch malaj chirix li junkab’al, jo’ Taaruuq toowanq aran saʼ choxa”malaj Saʼ li santil ochoch,”B’ichleb’aal choq’ reheb’ li Kok’al,98, 99. Kanab’eb’ li kok’al chixchapb’al li jalam-uuch reheb’ li santil ochoch malaj reheb’ li junkab’al ut kanab’eb’ chixchapb’al chi kutankil naq te’xb’icha li aatin “santil ochoch” malaj “sa’ li qajunkab’al.” K’a’ut naq aajel ru li sumlaak sa’ li santil ochoch?

Li junelikil sumlaak a’an jun raqal re lix k’uub’anb’il na’leb’ li Dios.

Markos 10:13–16

Li Jesus naraj naq eb’ li kok’al toj ka’ch’ineb’ xyu’am te’chalq rik’in a’an re naq naru taarosob’tesiheb’.

Li seraq’ a’in naxk’e laa hoonal re xtenq’ankileb’ li kok’al chireek’ankil xnimal lix rahom li Jesus choq’ reheb’ a’an.

Kok’ k’anjel naru chi b’aanumank

• Rik’in laa waatin, wotz li seraq’ sa’ Markos 10:13–16. Wi nakawaj, naru ajwi’ nakak’ut li video “Dejad a los niños venir a mí” (LDS.org). Jo’q’e reek’ahomeb’ li kok’al lix rahom li Jesus? Ye lix nawom aach’ool reheb’ li kok’al naq li Jesus naxraheb’ ut naq naraj rosob’tesinkileb’.

• K’ut li jalam-uuch Cristo y los niños (Libro de obras de arte del Evangelio, ajl 47). Ch’olob’ naq wi naqaj wank jo’eb’ li kok’al chunchuukeb’ chixk’atq li Jesus, naru naqataaqe lix taqlahom ut naqara a’an ut xkomoneb’ ajwi’ li kristiaan. K’a’ru naru neke’xb’aanu li kok’al re naq te’wanq jo’eb’ li kok’al li chunchuukeb’ chixk’atq li Jesus?

• Kanab’eb’ li kok’al chixyiib’ankileb’ rib’ sa’ jalam-uuch naq yooqeb’ chi osob’tesiik xb’aan li Jesus (chi’ilmanq Markos 10:16).

Markos 10:17–22

Wi naqapaab’eb’ li taqlahom, naru naqak’ul li junelik yu’am.

Li Jesus kixk’ut chiru li winq b’ihom naq re xk’ulb’al li junelik yu’am—jun yu’am jo’ li re li qaChoxahil Yuwa’—tento tixpaab’eb’ li taqlahom.

Kok’ k’anjel naru chi b’aanumank

• Il ru rik’ineb’ li kok’al li seraq’ chirix li winq b’ihom sa’ Markos 10:17–22 (Chi’ilmanq ajwi’ Ch’ol 42: Li saaj aj b’ihom,”Eb’ li Esilal sa’ li Ak’ Chaq’rab’,105–106, malaj li video sa’ LDS.org). Patz’ reheb’ naq te’rab’i chi us li k’a’ru kixye li Jesus re li winq naq tixb’aanu, ut chan ru kisumen li winq.

• Seraq’i jun malaj naab’aleb’ chik li esilal chirixeb’ li kok’al li neke’xpatz’ xna’leb’ malaj xb’eresinkil reheb’ lix yuwa’ a’b’an ink’a’ neke’xtaaqe ut ink’a’ neke’ab’in. B’ar wan junjunq li k’a’aq re ru li naxpatz’ qe li qaChoxahil Yuwa’ chixb’aanunkil? Chan ru naqeek’a naq naqapaab’eb’ lix taqlahom?

• Wotzeb’ laa numsihom naq xak’ul aana’leb’ rik’in li Musiq’ej re xb’aanunkil k’a’ruhaq re tatchaab’ilo’q.

Xk’utb’al li tzolʼlebʼ

Kok’al ak ninqeb’

Markos 10:6–8

Li qaChoxahil Yuwa’ naraj naq toosumlaaq sa’ li santil ochoch ut naq te’wanq qajunelikil junkab’al.

Li kixk’ut li Jesus chirix li sumlaak naru chixtenq’ankileb’ li kok’al naq te’rab’i li aatin re li ruchich’och’ li jalan chiru a’in.

Kok’ k’anjel naru chi b’aanumank

• Patz’ re jun li ch’ina al naq taaril ru Markos 10:6–8chi kaw xyaab’ xkux. Ch’olob’ naq junajaqeb’ chik te’kanaaqnaraj naxye naq te’xchap rib’ ut ut te’wanq sa’ junajil. K’a’ut naq mas aajel ru naq li b’eelomej ut li ixaqilb’ej te’xjunaji rib’, te’xra rib’, ut te’k’anjelaq jo’ rochb’eeneb’ rib’?

• Wotz li jultikanb’il aatin a’in re “Li Junkab’al: Jun Jek’inb’il Aatin choq’ re li Ruchich’och’,” ut tenq’aheb’ li kok’al chixtawb’al ru li naraj naxye: “Li winqilal ut ixqilal a’an aajel ruhil eetalil chirix aniho ut k’a’ut naq wan li junjunq, naq maji’ nayo’la, sa’ li yu’am a’in, ut sa’ li junelik q’e kutan.”

• Patz’ reheb’ li kok’al naq tate’xtenq’a chixk’oxlankil xsumenkileb’ li patz’om jo’ “K’a’ut naq aajeleb’ ru li junkab’al sa’ li Iglees?” malaj “K’a’ut naq aajel ru choq’ aawe li sumlaak sa’ li santil ochoch?” B’ichahomaq sa’ komonil “Taaruuq toowanq aran saʼ choxa,”B’ichleb’aal choq’ reheb’ li Kok’al, 98. Wotz lix nawom aach’ool rik’ineb’ li kok’al chirix li junelikil sumlaak ut li junkab’al. Kanab’eb’ chixwotzb’al ajwi’ lix nawom xch’ooleb’.

• Kanab’ li junjunq chi kok’al chirilb’al ru jun reheb’ li raqal a’in: Markos 10:6–81 Korintios 11:11Tz. ut S. 42:22131:1–4 ut Moises 3:18, 21–24. K’a’ru neke’xk’ut li raqal a’in reheb’ li loq’laj hu chirix li sumlaak?

Markos 10:17–22

Li Jesus naru chintenq’ankil chixnawb’al li k’a’ru tento tinb’aanu re chaab’ilo’k.

Li winq b’ihom kixsik’ li Jesus ut kixk’ul xna’leb’ chi tz’aqal ka’ajwi’ choq’ re a’an. Chan ru naru nakawaklesi xch’ooleb’ li kok’al chixsik’b’al xb’eresinkil chi jo’kan ajwi’ sa’ lix yu’am?

Kok’ k’anjel naru chi b’aanumank

• Patz’ reheb’ li kok’al naq te’xtaw jun raqal sa’ Markos 10:17–22 li tixch’olob’ li jalam-uuch re li tusleb’ aatin re li xamaan a’insa’ Kim, Taaqehin—Choq’ reheb’ li komon ut li junkab’al. Ch’olob’ naq li na’leb’ kixk’e li Jesus re li winq, ak re ajwi’ xjunes, ut naq chiqajunil naru naqak’ul qab’eresinkil xb’aan li Qaawa’ rik’in li Musiq’ej.

• Ilomaq sa’ komonil Markos 10:17–22. Kanab’eb’ li kok’al chixtz’iib’ankileb’ sa’ li pizarron li taqlahom kixye li Kolonel re li winq b’ihom naq tixpaab’eb’ (chi’ilmanq li raqal 19). K’a’ru chik tento kixb’aanu? (chi’ilmanq li raqal 21). Waklesiheb’ xch’ool li kok’al chixk’oxlankileb’ k’a’aq re ru li maare tento te’xtikib’ xb’aanunkil malaj te’xkanab’ xb’aanunkil re xtaaqenkil li Jesus chi chaab’il. Chan ru naru taqasik’ li k’a’ru naraj li Jesus naq taqab’aanu?

Xb’oqb’aleb’ chi tzolok sa’ kab’l

Kanab’eb’ li kok’al chixyeeb’al reheb’ lix junkab’al k’a’ut naq neke’xb’antioxi a’an, maare naq te’xtz’iib’a jun li ch’ina esil li naru neke’xk’e reheb’ lix na’ xyuwa’eb’ malaj naq neke’xwotz lix nawom xch’ooleb’ chirix li junkab’al sa’ jun li q’ojyin re junkab’al.

Xchaab’ilob’resinkil li qak’utum

K’e reetaleb’ li kok’al. Chan ru yookeb’ li kok’al sa’ laa tzoleb’aal chixk’ulub’ankil li kok’ k’anjel re tzolok? Wi chanchan naq ink’a’ yookeb’ chi tz’aqonk, maare a’an xhoonalil naq taayal junaq chik ch’ina k’anjel malaj xik chi b’eek junpaataq rik’in oxloq’. Ut jun chik, wi nakawil naq eb’ li kok’al yookeb’ chi tz’aqonk ut chi tzolok ka’ajwi’ rik’in jun raqal re li k’utum, moko aajel ta ru naq taab’aanu lix komon ka’ajwi’ re xchoyb’al xk’utb’al chixjunil.