Te tahi atu mau rāve’a tauturu nō te ha’api’ira’a i te mau tamari’i

E ’itehia teie mau rāve’a tauturu pā’āto’a i ni’a i te LDS.org ’e i ni’a i te fa’anahora’a Gospel Library app.

Mai, pe’e mai—Nō te ta’ata iho ’e te ’utuāfare.

E nehenehe tā ’outou e fa’atano i te mau huru ’ohipara’a ato’a i roto i teie rāve’a tauturu nō te fa’a’ohipa i roto i tā ’outou piha ha’api’ira’a Paraimere. Noa atu ē, tē fa’a’ohipa nei te mau metua i teie mau ’ohipara’a ’e tā rātou mau tamari’i i te fare, e nehenehe te fa’a’ohipa-fa’ahou-ra’a e riro ’ei rāve’a maita’i roa nō te tauturu i te mau tamari’i ’ia ’apo mai. E hina’aro paha te mau tamari’i e fa’a’ite mai ia ’outou i te huru nō te tupura’a te ’ohipara’a ’e tō rātou ’utuāfare, ’e e aha tā rātou i ’apo mai.

’A hi’o nā i tā ’outou mau tamari’i ri’i : Buka ha’api’ira’a nā te piha ha’apa’ora’a tamari’i

E rave rahi tumu parau i ha’api’ihia i roto i te buka ha’api’ira’a nā te piha ha’apa’ora’a tamari’i i tuea noa i te mau tumu parau tā ’outou e ha’api’i i roto i te Paraimere. Mai te mea ihoa rā ē, e ha’api’i ’outou i te mau tamari’i ’āpī a’e, ’a hi’o i roto i te buka ha’api’ira’a nā te piha ha’apa’ora’a tamari’i nō te tahi atu mau hīmene, mau ’ā’amu, mau ’ohipara’a ’e mau rara’ara’a.

Ve’a Friend ’e Liahona

Tē vai ra i roto i te ve’a Friend ’e Liahona te mau ’ā’amu ’e te mau ’ohipara’a o te nehenehe e fa’ahau atu ā i te mau parau tumu tā ’outou e ha’api’i ra mai roto mai i te Mai, pe’e mai—Nō te Paraimere.

Te mau hīmene ’e te buka Chants pour les enfants

E tītau te mau pehe mo’a i te Vārua ’e e ha’api’i i te ha’api’ira’a tumu nā roto i te hō’ē rāve’a ta’a ’ē. Ta’a ’ē atu te mau buka i nene’ihia o Te mau hīmene ’e o te Chants pour les enfants, e nehenehe ’outou e ’ite mau i te mau haruharura’a fa’aro’o ’e te video o te mau hīmene e rave rahi ’e te mau hīmene nā te mau tamari’i i ni’a i te music.lds.org ’e ’aore rā, i roto i te LDS Music App.

Te mau ’ā’amu o te Faufa’a ’Āpī

E nehenehe te mau ’Ā’amu nō te Faufa’a ’Āpī (2005) e tauturu i te mau tamari’i ’ia ha’api’i mai i te ha’api’ira’a tumu ’e i te mau ’ā’amu e ’itehia i roto i te Faufa’a ’Āpī. E ’ite-ato’a-hia ia ’outou te mau videos nō teie mau ’ā’amu i ni’a i te medialibrary.lds.org.

Vaira’a buka ha’aparare

E nehenehe te pāpa’ira’a hōho’a, te mau videos ’e te tahi atu ha’apararera’a e tauturu ia ’outou ’e te mau tamari’i ’ia māta’ita’i i te ha’api’ira’a tumu ’e te mau ’ā’amu e ’itehia i roto i te Faufa’a ’Āpī. Haere ’a hi’o medialibrary.lds.org nō te hi’o haere i te ha’aputura’a o te ha’apūrorora’a tauturu ha’api’ira’a a te ’Ēkalesia, ’oia ato’a te mau tuha’a video bibilia, o te fa’ata’a mai i te mau ’ohipa i tupu i roto i te Faufa’a ’Āpī.

Te mau hōho‘a ’evanelia

E nehenehe te pāpa’ira’a hōho’a, e tauturu i te mau tamari’i ’ia māta’ita’i i te ha’api’ira’a tumu ’e te mau ’ā’amu e ’itehia i roto i te Faufa’a ’Āpī. E rave rahi hōho’a tā ’outou e nehenehe e fa’a’ohipa i roto i te ha’api’ira’a, e ’itehia i roto i te Gospel Art Book ’e i roto i te medialibrary.lds.org.

Te mau tauturu ha’api’ira’a nō te ha’api’i i te mau tamari’i

I ni’a i te lds.org/children/resources e ’itehia ia ’outou te hō’ē fa’ahorora’a o te mau pāpa’ira’a ve’a, te mau fa’a’ohipara’a, ’e te ha’apūrorora’a nō ni’a te mau tumu parau rau ’o te ’evanelia.

Mau māite i te fa’aro’o

Mai te mea e hina’aro ’outou i te tahi atu tauturu nō te hāro’aro’a i te mau parau tumu niu tā ’outou e ha’api’i atu i te mau tamari’i, ’a hi’o i roto Mau māite i te fa’aro’o (2004). I roto i teie fa’ahorora’a, e ’itehia te tahi mau fa’ata’ara’a ’ōhie nō ni’a i te mau tumu parau o te ’evanelia, tāpura-pīāpā-hia.

Ha’api’ira’a mai tā te Fa’aora

E nehenehe teie rāve’a tauturu ha’api’ira’a e tauturu ia ’outou ’ia ha’api’i mai ’e ’ia fa’a’ohipa i te mau parau tumu ’o te ha’api’ira’a a te Mesia. E paraparauhia ’e e fa’a’ohipahia teie mau parau tumu i roto i te ’āpo’ora’a a te mau ’orometua.