« ការប្រើសៀវភៅ ចូរមកតាមខ្ញុំ—សម្រាប់ថ្នាក់បឋមសិក្សា » ចូរមកតាមខ្ញុំ—សម្រាប់ថ្នាក់បឋមសិក្សា ៖ ព្រះគម្ពីរសញ្ញាថ្មី ឆ្នាំ ២០១៩ ( ២០១៩ )

« ការប្រើ សៀវភៅ ចូរមកតាមខ្ញុំ—សម្រាប់ថ្នាក់បឋមសិក្សា » ចូរមកតាមខ្ញុំ—សម្រាប់ថ្នាក់បឋមសិក្សា ៖ ឆ្នាំ ២០១៩

ការប្រើសៀវភៅ ចូរមកតាមខ្ញុំ—សម្រាប់ថ្នាក់បឋមសិក្សា

ការរៀបចំបង្រៀននៅក្នុងថ្នាក់បឋមសិក្សា

គេហដ្ឋានគួរតែជាមជ្ឈដ្ឋានដ៏សំខាន់នៃការរៀនសូត្រដំណឹងល្អ ។ ការណ៍នេះពិតចំពោះអ្នក និងចំពោះកុមារដែលអ្នកបង្រៀន ។ កាលអ្នករៀបចំបង្រៀន សូមចាប់ផ្ដើមដោយការទទួលបាននូវបទពិសោធន៍ផ្ទាល់ខ្លួនរបស់អ្នកពីក្នុងព្រះគម្ពីរ ។ ការរៀបចំដ៏សំខាន់បំផុតរបស់អ្នកនឹងកើតឡើង កាលអ្នកស្វែងរកការបំផុសគំនិតពីព្រះវិញ្ញាណបរិសុទ្ធ ។

ចូរមកតាមខ្ញុំ—សម្រាប់បុគ្គល និងក្រុមគ្រួសារ ក៏ជាផ្នែកមួយដ៏សំខាន់ក្នុងការរៀបចំរបស់អ្នកផងដែរ ។ វានឹងជួយអ្នកឲ្យទទួលបានការយល់ដឹងដ៏ស៊ីជម្រៅមួយអំពីគោលការណ៍ខាងគោលលទ្ធិដែលមាននៅក្នុងព្រះគម្ពីរ ។

អំឡុងពេលអ្នករៀបចំមេរៀន នោះគំនិត និងចំណាប់អារម្មណ៍ផ្សេងៗនឹងកើតឡើងដល់អ្នកអំពីកុមារដែលអ្នកបង្រៀន ។ អ្នកនឹងទទួលបានការយល់ដឹងអំពីរបៀបដែលគោលការណ៍នៅក្នុងព្រះគម្ពីរទាំងនេះនឹងប្រទានពរជ័យដល់ជីវិតរបស់ពួកគេ ។ អ្នកនឹងត្រូវបានដឹកនាំឲ្យបំផុសគំនិតពួកគេឲ្យរកឃើញនូវគោលការណ៍ទាំងនោះ កាលពួកគេរៀនចេញពីព្រះគម្ពីរដោយខ្លួនឯង និងជាមួយនឹងក្រុមគ្រួសាររបស់ពួកគេ ។ សូមកុំភ្លេចត្រូវប្រយ័ត្នជាមួយនឹងកុមារដែលមានគ្រួសារមិនសូវគាំទ្រដល់ការសិក្សាព្រះគម្ពីរជាគ្រួសារជាប្រចាំ ។

គំនិតជួយដល់ការបង្រៀន

ខណៈអ្នកកំពុងរៀបចំបង្រៀន នោះអ្នកអាចទទួលបានការបំផុសគំនិតបន្ថែមដោយការមើលពីគម្រោងបង្រៀននៅក្នុងធនធាននេះ ។ សូមកុំចាត់ទុកគំនិតទាំងនេះថាជាការណែនាំមួយជំហានម្ដងៗ ប៉ុន្ដែចាត់ទុកវាថាជាជំនួយបណ្ដុះដល់ការបំផុសគំនិតផ្ទាល់ខ្លួនរបស់អ្នក ។ អ្នកស្គាល់កុមារទាំងនេះ ហើយព្រះអម្ចាស់ក៏ស្គាល់ពួកគេដែរ—រួមទាំងអ្វីដែលពួកគេត្រូវការ និងអ្វីដែលពួកគេអាចយល់បាន ។ ទ្រង់នឹងបំផុសគំនិតដល់អ្នកតាមវិធីដ៏ល្អបំផុតដើម្បីបង្រៀន និងផ្ដល់ពរជ័យដល់កុមារទាំងនេះ ។

អ្នកនឹងមានធនធានផ្សេងទៀតជាច្រើនកាលអ្នករៀបចំមេរៀន រួមទាំងគំនិតមកពី ចូរមកតាមខ្ញុំ—សម្រាប់បុគ្គល និងក្រុមគ្រួសារ និងទស្សនាវដ្ដីសាសនាចក្រផ្សេងៗ ។ សម្រាប់ព័ត៌មានបន្ថែមអំពីធនធានទាំងនេះ និងធនធានផ្សេងទៀត សូមមើល « ធនធានបន្ថែមសម្រាប់បង្រៀនកុមារ » ។

រឿងមួយចំនួនដែលត្រូវចងចាំ

ឪពុកម្តាយមានការទទួលខុសត្រូវជាចម្បងក្នុងការបង្រៀនដល់កូនៗរបស់ពួកគេ ។ ក្នុងនាមជាគ្រូបង្រៀនមួយរូប អ្នកមានតួនាទីដ៏សំខាន់មួយក្នុងការជួយគាំទ្រ លើកទឹកចិត្ត និងស្ថាបនាលើការរៀនសូត្រដំណឹងល្អនៅឯគេហដ្ឋាន ។ សូមប្រយ័ត្នជាមួយនឹងកុមារដែលមានឪពុកម្ដាយដែលមិនបង្រៀនដំណឹងល្អនៅឯគេហដ្ឋានរបស់ពួកគេ ។ សូមរួមបញ្ចូលកុមារទាំងអស់នៅក្នុងការពិភាក្សាអំពីដំណឹងល្អ ដោយមិនគិតអំពីកាលៈទេសៈកើតឡើងនៅផ្ទះរបស់ពួកគេឡើយ ។
ការធ្វើសារឡើងវិញគឺល្អ ។ កុមាររៀនពីសេចក្ដីពិតដំណឹងល្អយ៉ាងមានប្រសិទ្ធភាពជាងមុន នៅពេលដែលសេចក្ដីពិតទាំងនេះត្រូវបានបង្រៀនម្ដងហើយម្ដងទៀតតាមរយៈសកម្មភាពផ្សេងៗគ្នា ។ ប្រសិនបើអ្នករកឃើញថា សកម្មភាពរៀនសូត្រមួយមានប្រសិទ្ធភាពចំពោះកុមារ សូមពិចារណាធ្វើវាសារឡើងវិញ ជាពិសេសនៅពេលដែលអ្នកបង្រៀនដល់កុមារតូចៗ ។ អ្នកក៏អាចរំឭកសកម្មភាពមួយមកពីមេរៀនមុនផងដែរ ។
ព្រះវរបិតាមានព្រះទ័យឲ្យអ្នកជោគជ័យក្នុងនាមជាគ្រូបង្រៀនមួយរូប ។ ទ្រង់បានប្រទាននូវធនធានជាច្រើនដើម្បីជួយអ្នកឲ្យជោគជ័យ រួមមាននូវការប្រជុំក្រុមប្រឹក្សាគ្រូបង្រៀនផង ។ នៅក្នុងការប្រជុំទាំងនេះ អ្នកអាចប្រឹក្សាជាមួយនឹងគ្រូបង្រៀនផ្សេងទៀតអំពីបញ្ហាណាមួយដែលអ្នកអាចនឹងជួបប្រទះ ។ អ្នកក៏អាចពិភាក្សា និងអនុវត្តតាមគោលការណ៍នៃការបង្រៀនឲ្យដូចជាព្រះយេស៊ូវគ្រីស្ទផងដែរ ។
ប្រសិនបើអ្នកបង្រៀនដល់កុមារតូចៗ ហើយត្រូវការជំនួយបន្ថែម សូមមើល « ការបំពេញតាមតម្រូវការរបស់កុមារតូចៗ » នៅក្នុងធនធាននេះ ។
ធនធាននេះរួមមាននូវគម្រោងសម្រាប់បង្រៀនរៀងរាល់សប្ដាហ៍ពេញមួយឆ្នាំ លើកលែងតែពីរសប្ដាហ៍ដែលនឹងមានសន្និសីទទូទៅកើតឡើង ។ នៅថ្ងៃអាទិត្យណាដែលមិនមានថ្នាក់បឋមសិក្សា ដោយសារតែមានសន្និសីទស្ដេក ឬហេតុផលផ្សេងទៀតណាមួយ នោះក្រុមគ្រួសារអាចបន្ដអានព្រះគម្ពីរសញ្ញាថ្មីនៅផ្ទះ ស្របតាមកាលវិភាគដែលបានគ្រោងទុក ។ ដើម្បីបង្រៀនឲ្យទាន់កាលវិភាគថ្នាក់បឋមសិក្សារបស់អ្នក អ្នកអាចរំលងមេរៀនមួយ ឬបញ្ចូលមេរៀនពីរទៅជាមេរៀនតែមួយ ។ ដើម្បីចៀសវាងការភាន់ច្រឡំនានា នោះប្រធានថ្នាក់បឋមសិក្សានឹងផ្ដល់ការណែនាំដល់គ្រូបង្រៀនអំពីការកែតម្រូវទាំងនេះទុកជាមុន ។