« លំនាំសម្រាប់ការបង្រៀន » ចូរមកតាមខ្ញុំ—សម្រាប់ថ្នាក់បឋមសិក្សា ៖ ព្រះគម្ពីរសញ្ញាថ្មី ឆ្នាំ ២០១៩ ( ២០១៩ )
« លំនាំសម្រាប់ការបង្រៀន » ចូរមកតាមខ្ញុំ—សម្រាប់ថ្នាក់បឋមសិក្សា ៖ ឆ្នាំ ២០១៩
លំនាំសម្រាប់ការបង្រៀន
នៅក្នុងធនធាននេះ អ្នកនឹងរកឃើញនូវលំនាំដដែលដូចខាងក្រោមនៅក្នុងគម្រោងនីមួយៗ ៖ អញ្ជើញឲ្យចែកចាយ បង្រៀនគោលលទ្ធិ និងលើកទឹកចិត្តឲ្យរៀនសូត្រនៅផ្ទះ ។ ក្នុងមេរៀនជាច្រើន កាលណាអ្នកបង្រៀន ផ្នែកខ្លះនៃលំនាំនេះអាចនឹងជាន់គ្នា ឬរៀបរៀងតាមលំដាប់ខុសគ្នាមួយ ។ ឧទាហរណ៍ សូមពិចារណាថា ការចែកចាយគឺជាឱកាសមួយដើម្បីបង្រៀនពីគោលលទ្ធិ ហើយការបង្រៀនពីគោលលទ្ធិគួរតែជាការអញ្ជើញឲ្យចែកចាយ ។ ដូចគ្នានេះដែរ ការលើកទឹកចិត្តឲ្យរៀនសូត្រនៅផ្ទះក៏អាចធ្វើទៅបាននៅពេលសិស្សធ្វើការពិភាក្សាគ្នានៅក្នុងថ្នាក់ផងដែរ ។ សូមអនុញ្ញាតឲ្យការជាន់គ្នាបែបនេះប្រព្រឹត្តទៅដោយសម្រួល ដោយធ្វើតាមការបំផុសគំនិតពីព្រះវិញ្ញាណដើម្បីបំពេញតាមតម្រូវការរបស់កុមារដែលអ្នកបង្រៀន ។
អញ្ជើញឲ្យចែកចាយ
ជាផ្នែកមួយនៃគ្រប់ម៉ោងបង្រៀន សូមអញ្ជើញកុមារឲ្យចែកចាយពីអារម្មណ៍ ការយល់ដឹង និងបទពិសោធន៍នានាអំពីគោលការណ៍នៅក្នុងគម្រោងនេះ ។ មតិរបស់ពួកគេគួរតែរួមមាននូវបទពិសោធន៍ដែលពួកគេបានរៀនសូត្រនៅផ្ទះ ។ អ្នកក៏អាចរំឭកអំពីអ្វីដែលពួកគេបានរៀនកាលពីសប្ដាហ៍មុន ហើយសួរពីរបៀបដែលមេរៀននោះបានជះឥទ្ធិពលលើជីវិតរបស់ពួកគេ ។
បង្រៀនគោលលទ្ធិ
ចូរមកតាមខ្ញុំ—សម្រាប់បុគ្គល និងក្រុមគ្រួសារ អាចជួយអ្នកឲ្យយល់ពីគោលលទ្ធិដែលអ្នកនឹងបង្រៀនដល់កុមារទាំងនេះ ។ សូមពិចារណាខគម្ពីរ សម្ដីដកស្រង់ បទពិសោធន៍ សំណួរ និងធនធានផ្សេងទៀត ដែលអ្នកអាចយកមកចែកចាយ ដើម្បីជួយដល់កុមារឲ្យរៀនសូត្រ និងធ្វើតាមគោលការណ៍ដំណឹងល្អ ។ សូមស្វែងរកវិធីដ៏ប្រកបដោយគំនិតច្នៃប្រឌិតដើម្បីជួយដល់ពួកគេឲ្យមានចិត្តរំភើបចំពោះអ្វីដែលពួកគេកំពុងរៀន ។
លើកទឹកចិត្តឲ្យរៀនសូត្រនៅផ្ទះ
ដោយសារផ្ទះគឺជាមជ្ឈដ្ឋានដ៏សំខាន់នៃការរៀនសូត្រដំណឹងល្អ នោះគោលដៅមួយរបស់អ្នកក្នុងនាមជាគ្រូបង្រៀនថ្នាក់បឋមសិក្សាគឺលើកទឹកចិត្តឲ្យរៀនសូត្រនៅផ្ទះ ។ តើអ្នកអាចជួយកុមារឲ្យចែកចាយជាមួយនឹងក្រុមគ្រួសាររបស់ពួកគេនូវអ្វីដែលពួកគេបានរៀននៅក្នុងថ្នាក់ដោយរបៀបណា ? តើអ្នកអាចលើកទឹកចិត្តកុមារ និងឪពុកម្ដាយរបស់ពួកគេឲ្យបន្ដរៀនសូត្រពីព្រះគម្ពីរសញ្ញាថ្មីនៅផ្ទះដោយរបៀបណា ?