baam̧le eo ej lale aļboom̧ in pija ko

Tijem̧ba 26–Jānwōde 1

Jej Bōk Eddo in Ad Make Ekkatak

Ilo am̧ riiti jeje ko rekwojarjar ilo laajrak in, je jabdewōt im̧we ko an jetōb kwoj en̄jaki. Kwonaaj jeļā bwe kajjojo laajrak ilo bok in ekkatak in ewōr ie m̧akūtkūt ko n̄an ajri ro reddikļo̧k im ajri ro rōrūttoļo̧k, ak komaron̄ kōm̧m̧an oktak ilo jabdewōt m̧akūtkūt n̄an kūlaaj eo am̧.

pija ej bōk jikin kwaļo̧k

Kajjitōk bwe ren Kwaļo̧k

Ilo jinoin kajjojo kūlaaj, leļo̧k iien ko rem̧m̧an n̄an an ajri ro kwaļo̧k ta eo rej ekkatak kōn gospel in. N̄an waanjon̄ak, wiik in komaron̄ kajjitōk ippāer n̄an kwaļo̧k bwebwenato ko rem̧m̧antata ippāer kōn Jisōs Kraist.

pija ej bōk jikin katakin

Katakin Katak eo: Ajri ro Reddikļo̧k

Jisōs Kraist ekōņaan bwe in ļoor E.

Kwe im ajri ro naaj riiti elōn̄ bwebwenato ko kōn mour eo an Jisōs Kraist iiō in. Jipan̄ ajri ro meļeļe bwe unin ad ekkatak bwebwenato kein ej bwe en em̧m̧anļo̧k ad ļoor waanjon̄ak eo em̧m̧an an Jisōs Kraist.

M̧akūtkūt ko Maron̄ Kōm̧m̧ani

• Kwaļo̧k n̄an ajri ro kōn kūr eo an Rilo̧mo̧o̧r, “Ļoor Eō” lo ilo Matu 4:18–22. Kōm̧m̧ane juon ikkure ijo juon ajri ej kōm̧m̧ane juon m̧akūtkūt innām ba n̄an ajri ro jet, “Ļoor Eō.” Kajjitōk ippān ajri ro jet n̄an āliji m̧akūtkūt in.

• Kwaļo̧k pijain an armej ro ļoor Rilo̧mo̧o̧r ilo wāween ko roktak, jim̧or ilo mour in kwaļo̧k eo An ilo mour in im ilo tōre in ad. Komaron̄ kappukot pija ko ilo Gospel Art Book eo ak ilo Māākjiin ko an Kabun̄ in. Kwomaron̄ bar kwaļo̧k pija in “Light the World” (ChurchofJesusChrist.org). Kōtļo̧k bwe ajri ro ren kwaļo̧k elmen an armej ro ļoor Rilo̧mo̧o̧r.

• Jipan̄ ajri ro ļōmņaki men ko rej kōm̧m̧ani n̄an ļoor Rilo̧mo̧o̧r. Al “Seek the Lord Early” (Children’s Songbook, 108) emaron̄ leļo̧k n̄an jet iaer ļōmņak ko. Kōtļo̧k aer jin̄aiki pija in er make aer make kōm̧m̧ane men kein.

ļaddik jidikdik eo ej riiti jeje ko rekwojarjar

Ajri ro remaron̄ bōk kam̧ool ko aer make kōn m̧ool ko ilo jeje ko rekwojarjar.

Jeje ko rekwojarjar rej m̧ool.

Ajri ro remaron̄ bōk juon naan in kam̧ool bwe jeje ko rekwojarjar rej m̧ool m̧okta jān aer maron̄ riiti. Ilo am̧ ekkatak jeje ko rekwojarjar ippān ajri ro ilo iiō in, komaron̄ jipan̄ er jeļā kōn er make ke jeje ko rekwojarjar rej m̧ool.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an kwaļo̧k kōn menin letok ko rem̧m̧an raar būki ilo raan in kemeem ak iien ko jet reļļap. Bōktok juon menin letok in in jeje ko rekwojarjar eo em̧ōj wrap e, kōtļo̧k bwe juon ajri en kōpeļļo̧ke, im kam̧ool ke jeje ko rekwojarjar rej juon menin letok n̄an kōj jān Jemedwōj Ilan̄.

• Kwaļo̧k n̄an ajri ro jet bok ko epād ie bwebwenato ko, im kajjitōk ippāer kōn bwebwenato ko em̧m̧an ippāer. Kwaļo̧k n̄an er jeje ko rekwojarjar, im kam̧ool bwe jeje ko rekwojarjar epād ie naan in Anij n̄an kōj. Rej kwaļo̧k kōn armej ro raar lukkuun mour im men ko me raar lukkuun waļo̧k.

• Kwaļo̧k ennaan ko loi ilo 2 Timote 3:15 im Moronai 10:3–5, jipan̄ ajri ro n̄an āliji jejjo̧ naan ko. Jipan̄ er meļeļe ke remaron̄ jeļā bwe jeje ko rekwojarjar rej m̧ool kōn er make.

• Ņooj juon pija in Rilo̧mo̧o̧r, im leļo̧k n̄an ajri ro jidik jipan̄ n̄an jipan̄ er kappukote. Jipan̄ ajri ro meļeļe elmen pukoti jeje ko rekwojarjar emaron̄ jipan̄ kōj jeļā kajjien Jisōs Kraist. Kōtļo̧k bwe ajri ro ren bōk koņaer jibwe pija eo im leļo̧k jipan̄ n̄an ajri ro jet.

• Al ippān doon juon al kōn ekkatak gospel in, āinwōt “Search, Ponder, im Pray” (Children’s Songbook, 109), im jipan̄ ajri ro kōm̧m̧ani m̧akūtkūt ko ierļo̧k wōt naan ko. Kwaļo̧k n̄an ajri ro juon ak ruo iaan eoon ko rem̧m̧an ippam̧, im kwalo̧k n̄an er elmen am̧ kar jeļā ke jeje ko rekwojarjar rej m̧ool. N̄e elōn̄ eoon ak bwebwenatoin in jeje ko rekwojarjar rem̧m̧an ippān ajri ro, kajjitōk bwe ren kwaļo̧ke.

pija ej bōk jikin katakin

Katakin Katak eo: Ajri ro Rerūttoļo̧k

Jisōs Kraist ekōņaan bwe in ekkatak kōn E im ļoor E.

Ļōmņak elmen am̧ kar jeļā kōn Jisōs Kraist. Ta eo komaron̄ kōm̧m̧ane n̄an jipan̄ ajri ro jeļā kake im ļoor E?

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an kōnono kōn juon eo m̧ōttāer rejeļā kajjien im repaake im kōmeļeļeik elmen an armej in kar erom̧ juon m̧ōttāer. Riit im kōnono Jon 5:39 im Jon 14:15 n̄an pukōt wāween ko jemaron̄ en̄jake epaakeļo̧k Jisōs. Kajjitōk ippān ajri ro n̄an kwaļo̧k iien eo me rekar en̄jake aer epaakļo̧k E.

• Etetal ippān kūlaaj eo am̧ ipeļaakin m̧ōn jar eo. Kajjitōk ippān ajri ro n̄an kajutak peier n̄e rej lo men ko ilo aer etetal me ekakeememej er ilo juon wāween remaron̄ ļoor Rilo̧mo̧o̧r (āinwōt jikin peptaij eo ak juon pija).

• Al ippān ajri ro juon al kōn ļoor Jisōs Kraist, āinwōt “Come, Follow Me” (Hymns, no. 116). Kajjitōk ippān ajri ro n̄an kwaļo̧k iien eo rekar ļoor waanjon̄ak eo an Rilo̧mo̧o̧r.

Imaron̄ ekkatak jeje ko rekwojarjar ippa make.

Ilo am̧ riiti jeje ko rekwojarjar ippān ajri ro im kajjitōk ippāer kajjitōk, komaron̄ kōļapļo̧k leke eo aer me remaron̄ ekkatak jān jeje ko rekwojarjar im bōk jeļāļo̧kjeņ eo eaorōk.

M̧akūtkūt ko Maron̄ Kōm̧m̧ani

• Riit ippān doon Jon 5:39 im Jerbal 17:10–11, im kajjitōk ippān ajri ro ta eo raar ekkatak kake im elmen ekkatak jeje ko rekwojarjar.

• Kālet jejjo̧ men ko repidodo, eoon ko rekajoor jān Kallim̧ur Ekāāl, je ioon kajjojo peba, im ņooji peba ko. Kōm̧m̧ani menin jipan̄ ko me enaaj tōlļo̧k ajri ro n̄an “kappukot men eo eaorōk” ilowaan kūlaajruum̧ eo ak m̧ōņjar eo n̄an pukoti eoon kein. Ālkin aer lo kajjojo jeje ko rekwojarjar, kōnono ta meļeļein eoon eo im etke ej juon men eaorōk.

• Kwaļo̧k jejjo̧ jeje ko rekwojarjar kwoj kaorōki im kōmeļeļeiki etke ewōr tokjeer n̄an eok. Āinwōt juon kūlaaj, kōm̧m̧ane juon laajrak in jeje ko rekwojarjar ko raorōk me ajri ro rej loi ilo Kalim̧m̧ur Ekāāl ilo iiō in—ilo m̧weo ak ilo iien Būraimere.

• Kōnono jidik ippān ajri ro etke jet iien epen n̄an riiti jeje ko rekwojarjar. Kajjitōk ippān ajri ro n̄an kwaļo̧k naan in kapilōk n̄an doon kōn ekkatak jeje ko rekwojarjar. Bar kajjitōk ippāer n̄an kwaļo̧k jabdewōt en̄jake ko aer rem̧m̧an kōn jeje ko rekwojarjar.

• Jipan̄ ajri ro kōm̧m̧ani kaļōnta ko repidodo me remaron̄ kōjerbali n̄an m̧aaki emakijkij in aer riiti jeje ko rekwojarjar. Kaļōnta kein remaron̄ kakeememej er n̄an riiti jeje ko rekwojarjar aolep raan.

Ij aikuj aō make naan in kam̧ool.

Ajri ro kwoj katatkin renaaj aikuji naan in kam̧ool eo aer make kōn Jemedwōj Ilan̄ im Jisōs Kraist. Ta eo komaron̄ kōm̧m̧ane n̄an im̧we er n̄an ekkatak kōn m̧ool eo kōn er make?

M̧akūtkūt ko Maron̄ Kōm̧m̧ani

• Kwaļo̧k kōn bwebwenatoin bōjin ro jon̄oul (lale Matu 25:1–13; bar lale “Jebta 47: Bōjin ro Jon̄oul11,” ilo Bwebwenato ko ilo Kalim̧m̧ur Ekāāl, 118–20, ak bitio in jipan̄ ko ilo 118–20,ChurchofJesusChrist.org). Kajjitōk ippān ajri ro kajjitōk ko āinwōt kein: Elmen an naan in kam̧ool ko ad āinwōt ļaam̧? Etke eaorōk n̄an bōk naan in kam̧ool ko ad make?

• Ekōnono ta jemaron̄ kōm̧m̧ane n̄an kōkajoorļo̧k naan in kam̧ool ko ad. N̄an ļōmņak ko, kajjitōk ippān ajri ro n̄an lale Jon 7:17 im Moronai 10:3–5. Kajjitōk ippāer n̄an kwaļo̧k men ko rejeļā ke rej m̧ool.

• Kajjitōk ippān ajri ro n̄an jipan̄ eok karōki būļak ko kōn m̧ool ko me rej ejaake naan in kam̧ool ko ad (lale Unin Tōl eo n̄an Jeje ko Rekwojarjar, “Naan in Kam̧ool,” topics.ChurchofJesusChrist.org). Kōtļo̧k bwe ajri ro ren kōjerbal būļak ko n̄an kajutak juon em̧ ej pinej jenkwan juon naan in kam̧ool.

pija ej bōk jikin ekkatak

Kōketak Ekkatak ilo M̧weo

Ekōjkan am̧ maron̄ kōketak ajri ro im ro jineer im jemeer n̄an wōnm̧aanļo̧k wōt n̄an ekkatak jān Kallim̧ur Ekāāl ilo m̧ōko? N̄an waanjon̄ak, komaron̄ kajjitōk ippān ajri ro n̄an kakkilōklōke juon iaan eoon ko kwaar ekōnono kake ilo kūlaaj (emaron̄ jipan̄ kapidodoiki eoon eo ilo juon naan ekadu) im kwaļo̧k eoon ko ippān baam̧le ko aer.

Kōkm̧anm̧anļo̧k Ad Katakin

Ukukōt m̧akūtkūt ko n̄an dettan iiō im maron̄ eo an kajjojo ajri ro kwoj katakin er. Ajri ro reddikļo̧k rej aikuji aolep meļeļe im ekkatak jān elōn̄ wāween katak ko repidodo. Ilo aer rūttoļo̧k, remaron̄ leļo̧k eļapļo̧k ak maron̄ in em̧m̧an aer kwaļo̧k ļōmņak ko aer. Leļo̧k n̄an er iien em̧m̧an n̄an kwaļo̧k, kam̧ool, im bōk kūņaer. Leļo̧k jipan̄ n̄e eaikuj. (Lale Teaching in the Savior’s Way, 25–26.)

peij in m̧akūtkūt: Ij Kajjieon̄ Āinwōt Jisōs