Meri im Elisabet

Jānwōde 2–8

Matu1; Luk 1

“En Pād Ippa Āinwōt Am̧ in Naan”

Jino riiti Matu 1 im Luk 1. Itok, Ļoor Eō—N̄an Kajjojo Armej im Baam̧le ko emaron̄ jipan̄ eok meļeļe jebta kein, im unin tōl in emaron̄ lewaj n̄an eok ļōmņak ko n̄an katakin. Eļan̄n̄e kwoj aikuj eļapļo̧k jipan̄ katakin ajri ro reddikļo̧k, lale “Tōpar Aikuj ko an Ajri ro Reddikļo̧k” ilo jinoin bok in katak in.

pija ej bōk jikin kwaļo̧k

Kajjitōk bwe ren Kwaļo̧k

Kajjitōk ippān ajri ro n̄an jijet ilo juon doulul, innām kajjitōk ippān juon ajri n̄an kwaļo̧k jet men ekar ekkatak jān jeje ko rekwojarjar. Ajri eo emaron̄ kōdabwiļ booļ eo ak bar jitōn̄ juon ajri ilo doulul eo, innām ren bōk kuņaer n̄an kwaļo̧k.

pija ej bōk jikin katakin

Katakin Katak eo: Ajri ro Reddikļo̧k

Matu 1:18–25; Luk 1:26–38

Enjeļ ro rej kwaļo̧k kōn ļotak eo an Jisōs.

Juon enjeļ ekar kajjojo loļo̧k Meri im Josep im ekar kwaļo̧k kōn ļotak eo an Jisōs Kraist. En̄jake kein emaron̄ jipan̄ ajri ro lo jon̄an an aorōk ļotak eo an kar Kraist.

M̧akūtkūt ko Maron̄ Kōm̧m̧ani

• Kajjitōk ippān juon jinen ak jemen ajri ro n̄an itok n̄an kūlaaj eo im nuknuk āinwōt Meri im Josep. Kajjitōk ippāer n̄an kwaļo̧k en̄jake ko kar je ilo Matu 1:18–25 im Luk 1:26–38.

• Kwaļo̧k bwebwenato ko kōn waļo̧kļo̧k eo an enjeļ ro n̄an Meri im Josep, āinwōt an kar jeje ilo eoon kein. (Bar lale “Jebta 2: Mary im the Angel” im “Jebta 4: Joseph im the Angel,” ilo Bwebwenato ko ilo Kalim̧m̧ur Ekāāl, 8–9, 12, ak bitio in jipan̄ ko ilo ChurchofJesusChrist.org.) Kwomaron̄ kwaļo̧k pija ko ilo unin tōl eo an wiik in ilo Itok, Ļoor Eō—N̄an Kajjojo Armej im Baam̧le ko. Kajjitōk ippān ajri ro n̄an āliji bwebwenato ko n̄an kwe.

• Kajjitōk ippān ajri ro n̄an jin̄aik pijain bwebwenato ko loi ilo Matu 1:18–25 im Luk 1:26–38.

Gabriel ej waļo̧kļo̧k n̄an Meri

Kōjjeļļā Eo, jān John Scott

Luk 1:5–25, 57–63

Jemedwōj Ilan̄ ej ron̄jake im uwaake jar ko aō.

Zakeraias im Elisabet raar bōlen jar kōn nejier ajri elōn̄ iiō ko. Em̧ool Jemedwōj Ilan̄ ekar uwaake jar ko aer n̄an leļo̧k juon nejier ļaddik, etan Jon Ripeptaij. Elmen am̧ maron̄ kōjerbal bwebwenato in n̄an katakin ajri ro bwe Jemedwōj Ilan̄ ej uwaaki jar ko?

M̧akūtkūt ko Maron̄ Kōm̧m̧ani

• Ilo naan ko am̧ make, kwaļo̧k bwebwenato in jān Luk 1:5–25, 57–63. Kwomaron̄ āliji bwebwenato in elōn̄ alen. Karōke ajri ro n̄an ikkure kōn m̧ōttan ko an Zakeraias, Elisabet, im en̄jeļ eo ilo bwebwenato in. Kwaļo̧k bwe naan ko an enjeļ eo n̄an Zakeraias: “Em̧ōj ron̄jake am̧ jar” (Luk 1:13). Kwaļo̧k juon en̄jake me Jemedwōj Ilan̄ eaar uwaake jar ko am̧.

• Kōjerbal“We Bow Our Heads” (Children’s Songbook, 25) ak bar juon al n̄an katakin ajri ro kilen jar. Aolep iien n̄e ajri ro rej al naan ko “jar” ak “jar,” kajjitōk ippāer n̄an jillo̧k im nukuj peier.

• Kajjitōk ippān kajjojo ajri n̄an kwaļo̧k ikkure eo me ej pinej jenkwan men eo emaron̄ jar kake. Kōtļo̧k bwe ajri ro ren kajidedeiki ta ikkure eo rej pinej jenkwan. Remaron̄ lo ļōmņak ko ilo peij in m̧akūtkūt eo an wiik in.

Luk 1:30–35

Jisōs Kraist ej Nejin Anij.

Jisōs Kraist Ej Nejin Jemedwōj Ilan̄ im Meri. Ta eo komaron̄ kōm̧m̧ane n̄an jipan̄ ajri ro jeļā eļapļo̧k kōn E?

M̧akūtkūt ko Maron̄ Kōm̧m̧ani

• Kwaļo̧k n̄an ajri ro bwe enjeļ eo ekar jiron̄ļo̧k Meri bwe nin̄nin̄ eo nejin enaaj Nejin Anij (lale Luk 1:35). Jipan̄ ajri ro āliji naan eo “Jisōs Kraist ej Nejin Anij.” Jipan̄ ajri ro jeļā wōn ro kar jinen im jemen Jisōs ilo am̧ kaurwaineneik er n̄an jin̄aik pijain make jineer im jemeer. Ilo aer kōm̧m̧an āindein, kwaļo̧k n̄an er bwe Jisōs ekar bar wōr jinen im jemen—Meri im Jemedwōj Ilan̄. Ilo kakkobaba, Josep kar kajjitōk bwe en kōjparok im oņaake Jisōs ke Eaar mour ioon laļin.

• Kwaļo̧k am̧ naan in kam̧ool bwe Jisōs ekar Nejin Anij, E ekar mej kōn jerawiwi ko ad im kar bar mour. Kwaļo̧k pija ko kōn Debwāāl im Jerkakpeje eo an Jisōs (lale Bok in Gospel Pija, nō. 57,59).

pija ej bōk jikin katakin

Katakin Katak eo: Ajri ro Rerūttoļo̧k

Matu 1:18–25; Luk 1:5–37

Ippān Anij ejjeļo̧k men epen.

Ļotak ko an Jisōs im Jon Ripeptaij raar maron̄ waļo̧k wōt kōn kajoor eo an Anij. Ekkatak kōn kabwilōn̄lōn̄ kein emaron̄ kōkajoorļo̧k tōmak eo an ajri ro bwe ewōr an Anij kajoor n̄an jerbali kabwilōn̄lōn̄ ko ilo mour ko aer.

M̧akūtkūt ko Maron̄ Kōm̧m̧ani

• Ilo am̧ etale ippān ajri ro Matu 1:18–25 im Luk 1:5–37, kajjitōk ippān ajri ro kajjitōk ko āinwōt “Ta eo kwōn kar ba n̄e en kar kwe Meri?” ak “Elmen am̧ naaj kar en̄jake n̄e en kar kwe Zakeraias?”

• Ilo naan ko repidodo, kwaļo̧k bwebwenato ko kōmeļeļeiki ilo Matu1:18–25 im Luk 1:5–37. Kajjitōk ippān ajri ro n̄an kajutak peier n̄e rej ron̄ men ko me ren kar pen n̄e eban kajoor eo an Anij. Ta bwebweanto ko jet ajri ro remaron̄ kwaļo̧ke me Anij ekar kōm̧m̧ane juon men me epen kōm̧m̧ane?

• Jipan̄ ajri ro kakkilōklōke Luk 1:37. N̄an kōm̧m̧ane menin, komaron̄ je eoon eo ioon bo̧o̧t eo im kajjitōk ippān ajri ro n̄an bar etale. Ālkin kajjojo iien, jereļo̧k juon nan.

Matu 1:21–25; Luk 1:30–35, 46–47

Jisōs Kraist ej Nejin Anij.

Jisōs Kraist Ej Nejin Jemedwōj Ilan̄ im Meri. Ewi wāween jemaron̄ jipan̄ ajri ro jeļā m̧ool in?

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an riiti Luk 1:30–35, pukōt uwaak in kajjitōk kein: “Wōn eo jinen Jisōs?” im “Wōn eo Jemen Jisōs?” Jipan̄ ajri ro meļeļe bwe Jisōs Kraist ej make wōt armej eo ewōr jinen eo ewabanban ilo ānbwin, , Meri, im juon Jemān eo ejjab wabanban ilo ānbwin, Jemedwōj Ilan̄ (bar lale 1 Nipai 11:18–21).

• Ilo am̧ riiti eoon kein, kajjitōk ippān ajri ro n̄an kappukot āt ko ak taitōļ ko an Jisōs Kraist. Ta meļeļein āt kein, im ta eo rej katakin kōj kake kōn Jisōs Kraist?

• Kwaļo̧k naan in kam̧ool eo am̧ kōn Jisōs Kraist, im kajjitōk ippān ajri ro n̄an kwaļo̧k naan in kam̧ool eo aer barāinwōt.

Luk 1:5–25, 57–66

Jemedwōj Ilan̄ ej ron̄jake im uwaake jar ko ad.

Anij ej uwaaki jar ko ak ejjab aolep iien ilo wāween ko jej kōtmeni. Elmen am̧ maron̄ kōjerbal bwebwenato in Zakeraias im Elisabet n̄an katakin ajri ro kwoj katakin?

M̧akūtkūt ko Maron̄ Kōm̧m̧ani

• Kajjitōk ippān ajri ro ta eo remaron̄ ba n̄an bar juonro jet me rekar jar kōn juon kōjeraam̧m̧an ak rejjan̄in bōk uwaak. Kajjitōk ippāer n̄an ļōmņake kajjitōk in ilo aer riit ippān doon Luk 1:5–25, 57–66. (Bar lale “Jebta 1: Elisabeth im Zacharias” im “Jebta 3: John the Baptist Is Born,” ilo Bwebwenato ko ilo Kalim̧m̧ur Ekāāl, 6–7, 10–11, ak ilo bitio in jipan̄ ilo ChurchofJesusChrist.org.) Ta eo Zakeraias im Elisabet remaron̄ kar ba n̄an ro jet ro raar en̄jake an jab uaak jar eo aer?

• Kajjitōk ippān jet ajri m̧oktaļo̧k n̄an kwaļo̧k en̄jake ko ke Jemedwōj Ilan̄ ekar uwaake jar ko aer. Kwaļo̧k juon tōre ke kwaar en̄jake ke jar ko am̧ raar uwaak ilo juon wāween eo jab kōtmene.

• Kajjitōk ippān ajri ro n̄an jin̄aiki juon pija in juon iien ke Jemedwōj Ilan̄ ekar uwaake juon jar—eļaptata aer make. Kajjitōk ippāer n̄an kwaļo̧k jin̄a ko aer n̄an kūlaaj eo.

pija ej bōk jikin ekkatak

Kōketak Ekkatak ilo M̧weo

Kajjitōk ippān ajri ro n̄an kwaļo̧k n̄an baam̧le ko aer jabdewōt pija ko rekar jin̄aiki ilo kūlaaj. Rōjan̄ er n̄an kajjitōk ippān ro uwaan baam̧le eo kōn iien eo Anij ekar uwaaki jar ko aer.

Kōkōm̧anm̧anļo̧k Ad Katakin

Jipan̄ ajri ro katak jān jeje ko rekwojarjar. N̄an jipan̄ ajri ro katak jān jeje ko rekwojarjar, pedped wōt ioon juon eoon ilo jeje ko rekwojarjar ak juon naan. Komaron̄ kajjitōk ippān ajri ro n̄an jutak ak kajutak peier n̄e rej ron̄ naan eo ak eoon eo. (Lale Teaching in the Savior’s Way, 21.)

peij in m̧akūtkūt eo: Jemedwōj Ilan̄ ej uwaaki jar ko aō