“Jānwōde 2–8. Matu 1; Luk 1: ‘En Pād Ippa Āinwōt Am̧ in Naan,’” Itok, Ļoor Eō—N̄an Kajjojo Armej im Baam̧le Ko: Kallim̧ur Ekāāl 2023 (2022)

“Jānwōde 2–8. Matu 1; Luk 1,” Itok, Ļoor Eō—N̄an Kajjojo Armej im Baam̧le Ko: 2023

Pija

Meri im Elisabet

Jānwōde 2–8

Matu 1; Luk 1

“En Pād Ippa Āinwōt Am̧ in Naan”

Ilo am̧ riit im kōlmenļo̧kjeņ kōn Matu 1 im Luk 1, rekoote im̧we ko an jetōb kwoj en̄jaaki. Ta katak ko rem̧ool kwoj loi? Ta ennaan eo enaaj lukkuun ļap an aorōk n̄an kwe im baam̧le eo am̧? Ļōmņak ko n̄an ekkatak ilo laajrak in emaron̄ jipan̄ eok lo ļōmņak ko jet.

Je En̄jake ko Rej Im̧we Eok

Jān juon jeļā an laļ, ekar jab pidodo. Juon eo ejjan̄in kar pālele ejjab maron̄ lōn̄ nejin—barāinwōt juon eo me ej oran̄e eo emootļo̧k iiō in an neji. Ak Anij ekar wōr juon an karōk kōn ļotak eo an Eo Nejin im ļotak eo an Jon Ripeptaij, kōn menin, jim̧or Meri im Elisabet, ņae aolep men ko reppen ilo laļ in, rekar erom̧ m̧am̧a. Emaron̄ lukkuun jipan̄ n̄an keememej en̄jake ko rekwabilōn̄lōn̄ iien eo jej jelm̧ae juon men me epen ilo ļōmņake. Jemaron̄ ke eļļā ioon m̧ōjņo ko ad? Jemaron̄ ke un̄ūr būruōn juon uwaan baam̧le eo me ejjab kōņaan ron̄jake ta e jej ba n̄an e? Gebriel emaron̄ kar kōnono n̄an kōj ke kar kakeememej Meri, “Bwe ejjeļo̧k naan jān Anij enaaj m̧ōjņo̧” (Luk 1:37). Im uwaak eo an Meri emaron̄ bar ad ke Anij ekar kwaļo̧k Ankilaan: “En pād ippa āinwōt am̧ in naan” (Luk 1:38).

Pija

pija ej bōk jikin ekkatak an juon make

Ļōmņak ko n̄an Ekkatak Jeje Ko Rekwojarjar Ippam̧ Make

Wōn ro kar Matu im Luk?

Matu ekar juon ritōl owōj, eo me Jisōs ekar kūr āinwōt juon iaan rijilōk ro An (lale Matu 10:3; bar lale Bible Dictionary, “Publicans”). Matu ekar je Gospel eo an eļaptata n̄an riJu ro; kōn menin, ekar kāālet n̄an kwaļo̧k aorōk in kanaan ko an Kallim̧ur M̧okta me rekar kūrm̧ool kōn mour eo An im iien kwaļo̧k naan eo an Jisōs.

Luk ekar juon taktō im kar e riaelōn̄ ko (ejjab riJu) eo me ekar ito itak ippān Rikaļoor Paul. Ekar je Gospel eo an ālkin mej eo an Rilo̧mo̧o̧r eļaptata n̄an juon eo me ejjab riJu. E ekar kam̧ool kōn Jisōs Kraist āinwōt Rilo̧mo̧o̧r an jim̧or Riaelōn̄ ko im riJu ro. Ekar rekoote bok ko me kar kam̧ooli kōn m̧akūtkūt in mour eo an Rilo̧mo̧o̧r, im ekoba bwebwenato ko jet me ekoba kōrā ro kar keidi er n̄an Gospel ko jet.

Bar lale Bible Dictionary, “Gospels,” “Matu,” “Luk.”

Matu 1:18–25; Luk 1:26–35

Jisōs Kraist ekar ļotak jān jinen eo ej mour in wabanban im jān jemān eo ej jab wabanban.

Ilo Matu 1:18–25 im Luk 1:26–35, kile wāween an Matu im Luk kar kōmeļeļeiki menin bwilōn̄ eo an ļotak eo an Jisōs. Ewi wāween an kōmeļeļe kein kōkajoor tōmak eo am̧ ilo Rilo̧mo̧o̧r eo? Etke eaorōk n̄an eok n̄an jeļā bwe Jisōs ekar jim̧or nejin Anij im nejin Meri?

Būreejtōn Russell M. Nelson ekar kōmeļeļeiki bwe Pinmuur eo an Jisōs Kraist “emenin aikuj juon katok ak wūjlepļo̧k an juon make jān juon armej eo ej mour in jab wabanban im ejjab maron̄ edjon̄ mej. Aaet E ej aikuj mej im bar jerkakpeje. Rilo̧mo̧o̧r eo wōt eo ekar maron̄ kōm̧m̧ane menin. Jān Jinen Ekar jolete kajoor n̄an mej. Jān Jemān Ekar bōk kajoor ioon mej” (“Constancy amid Change,” Ensign, Nob. 1993, 34).

Luk 1:5–25, 57–80

Kōjeraam̧m̧an ko an Anij rej itok ilo iien eo An make.

Eļan̄n̄e kwoj kappukot eok make ilo am̧ kōttar juon kōjeram̧m̧an ak n̄e ilo ļōmņake āinwōt n̄e Anij ejjab eo̧ron̄ jar ko am̧, bwebwenato eo an Elisabeth im Zakeraias remaron̄ erom̧ juon kein kakeememej ke E ej jāmin meļo̧kļo̧k kom̧. Ilo an Elder Jeffrey R. Holland kar kallim̧ur: “Aaet ilo ad jerbal im kōttar ippān doon n̄an uwaak ko n̄an jet iaan jar ko ad, ij lewaj n̄an kom̧ juon kallim̧ur āinwōt juon rijilōk bwe em̧ōj ron̄ jar ko im em̧ōj uwaaki, bōtaab bōlen ejjab ilo iien eo ak ilo wāween eo jekōņaan. Bōtaab rej aolep iien uwaak ilo iien eo im ilo wāween eutiejtata im eļap obrak kōn iakwe ejjeļo̧k jem̧ļo̧kin juon pāāren ej aikuj uwaaki” (“Kōttar wōt Irooj,” Liaona, Nob. 2020, 115–16). Ewi wāween an kar Zakeraias im Elisabet pād wōt ilo tiljek? (lale Luk 1:5–25, 57–80). Kwoj ke loe eok make am̧ kōttare juon kōjeraam̧m̧an? Ta eo kwoj en̄jake Irooj ej kōtmene jān eok ilo am̧ kōttar?

Ālkin tiljek im kōttar, Elisabet im Zakeraias kar jeram̧m̧an kōn juon ļaddik.

Matu 1:18–25; Luk 1:26–38

Mōņōņō in tiljek ilo ajeļo̧k n̄an ankilaan Anij.

Āinwōt Meri, jet iien jej kappukot bwe karōk eo an Anij n̄an mour eo ad reoktak jān ta eo kar karōke. Ta eo kwoj ekkatak jān Meri kōn an kar eo̧ron̄ ankilaan Anij? Ilo tebōļ in ej elaajrak, je naan ko jān enjeļ eo im Meri (lale Luk 1:26–38), ippān ļo̧k ennaan eo me kwoj loe ilo naan ko aer:

Naan ko an enjeļ eo n̄an Meri	Ennaan n̄an eō
Naan ko an enjeļ eo n̄an Meri “Irooj ej pād ippam̧” (eoon 28).	Ennaan n̄an eō Irooj ejeļā kōn jekjek im apan̄ ko aō.
Naan ko an enjeļ eo n̄an Meri	Ennaan n̄an eō
Naan ko an enjeļ eo n̄an Meri	Ennaan n̄an eō

En̄jake eo an Meri	Ennaan n̄an eō
En̄jake eo an Meri “Enaaj kōjkan men in?” (eoon 34).	Ennaan n̄an eō EMMAN n̄an kajjitōk kajjitōk ko n̄an kōm̧anm̧an ad meļeļe ļo̧k kōn ankilaan Anij.
En̄jake eo an Meri	Ennaan n̄an eō
En̄jake eo an Meri	Ennaan n̄an eō

Ilo am̧ riit kōn waanjon̄ak eo etiljek kōn Josep ilo Matu 1:18–25, ta eo kwoj ekkatak kōn bōk ankilaan Anij? Ta ļōmņak ko jet kwoj ekkatak jān en̄jake eo an Zakeraias and Elisabet? (lale Luk 1).

Bar lale Luk 22:42; Bible Dictionary, “Gabriel.”

Luk 1:46–55

Meri ekar kam̧ool kōn mijen eo an Jisōs Kraist.

Naan ko an Meri ilo Luk 1:46–55 ekar kanaan kōn m̧ōttan ko kōn mijen eo an Rilo̧mo̧o̧r eo. Ta eo kwoj ekkatak kōn Jisōs Kraist jān naan ko an Meri? Kwomaron̄ keidi eoon kein ippān naan ko an Hanna ilo 1 Samuel 2:1–10 im kōn jouj im ettā eo an Jisōs ilo Matu 5:3–12. Ta eo Jetōb ej katakin eok ilo am̧ kōļmenļo̧kjeņ kōn eoon kein?

Pija

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar im Nokon in Jota an Baam̧le

Matu 1:1–17.Ilo an baam̧le eo am̧ riiti menmenbwij eo an Jisōs, kwomaron̄ kōnono kōn menmenbwij eo am̧ make im kwaļo̧k jet iaan bwebewnato ko kōn ro jibum̧ im jim̧m̧aam̧. Am̧ jeļā kōn menmenbwij eo an baam̧le eo am̧, ewi wāween an jeļā in kōjeraam̧m̧an baam̧le eo am̧? Ikkijeen m̧akūtkūt ko reļļapļo̧k kōn menmenbwij an baam̧le, lale FamilySearch.org/discovery.

Matu 1:20; Luk 1:11–13, 30.Ewi wāween an armej ro ilo eoon kein kar lukkuun mijak? Ta ko rej kōm̧m̧an bwe jen en̄jake mijak? Ewi wāween an Anij karuwaineneik kōj n̄an “jab mijak”?

Luk 1:37N̄an jipan̄ baam̧le eo am̧ kalōk tōmak eo me “bwe ejjeļo̧k naan jān Anij enaaj m̧ōjņo̧,” kwomaron̄ kappukot Luk 1 ippān doon im pukot men ko Anij ekar kōm̧m̧an me emaron̄ kar pen ilo watōki. Ta eo bwebwenato ko jet jemaron̄ kwaļo̧ki—jān jeje ko rekwojarjar ak mour ko ad make—eo me Anij ekar kōm̧m̧an āinwōt aolep men ko reppen? Kappukot ilo Gospel Art Book emaron̄ letok ļōmņak ko.

Luk 1:46–55.Ta jet iaan “men ko reļap” Rilo̧mo̧o̧r eo ekar kōm̧m̧ane n̄an kōj? Ta meļeļein an jetōb ko ad n̄an “nōbar Irooj”?

N̄an meļeļe ko reļļapļo̧k ikkijeen katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “He Sent His Son,” Children’s Songbook, 34–35.

Kōkōm̧anm̧anļo̧k Ad Katakin

Kōjerbale Jeje ko Rekwojarjar n̄an Mour eo Am̧. Ālkin am̧ riiti juon eoon, karuwaineneik ro uwaan baam̧le eo n̄an mour kake ilo mour ko aer (lale Teaching in the Savior’s Way, 21). N̄an waanjon̄ak, ewi wāween an ro uwaan baam̧le eo mour kōn ta eo rej ekkatak jān Matu 1 im Luk 1 kōn an eo̧ron̄ kūr eo an Irooj?