Jen Iakwe im Kautiej E, jān Dana Mario Wood

Jānwōde 9–15

Matu 2; Luk 2

Kōm̧ ar Itok n̄an Kabun̄ n̄an E

Ilo am̧ riiti Matu 2 im Luk 2, lukkuun leļo̧k am̧ n̄an jabdewōt ļōmņak ko an jetōb me kwoj būki. Ļōmņak in ekkatak ko ilo laajrak in emaron̄ jipan̄ kōj kile aorōk im pedped in katak ko ilo jebta kein.

Je En̄jake ko Rej Im̧we Eok

Jān raan in ļotak eo An, ekar alikkar ke Jisōs ekar jab juon ajri ekabwilōn̄lōn̄. Ekar jab iju eo ekāāl wōt ilo lan̄ ko ak kean̄ eo ekam̧ōņōņō an enjeļ ro me rekar kōm̧m̧an bwe tōre eo ekabwilōn̄lōn̄ ke Jisōs ekar juon nin̄nin̄. Ekar barāinwōt juon m̧ool me elōn̄ kain armej ro retiljek—jān kajjojo laļ ko, jerbal ko im kadkad ko—rekar kajju en̄jake aer epaake E. Men̄e m̧okta jān An kar karon̄ kōn kūr eo An n̄an “itok, ļoor Eō,” rekar itok (Luk 18:22). Ejjab aolep rekar itok n̄an E, em̧ool. Elōn̄ ro rekar kōļļāiki E kōn ejjeļo̧k karon̄ er kake, im juon ritōl eo ebanban ekar kappukot n̄an bōk mour eo An. Ak ro rekar kappukote ilo jim̧we me raar ettā, erreo, im wūjlepļo̧k rekar lo E kōn wōn E—aer Messaia me kar kallim̧ur kake. Aer wūjlepļo̧k ej im̧we ko ad, n̄an “naan in lan̄lōn̄ eļap” ekar bōktok seperd ro kar n̄an “armej otemjeļo̧k,” im “Rilo̧mo̧o̧r, E Kraist Irooj” ekar ļotak raan eo n̄an kōj aolep (lale Luk 2:10–11).

Ļōmņak ko n̄an Ekkatak Jeje Ko Rekwojarjar Ippam̧ Make

Luk 2:1–7

Jisōs Kraist eaar ļotak ilo jekjek ko rettā.

Men̄e Jisōs Kraist ewōr an aiboojoj ippān Anij Jemān “m̧okta jān laļ” (Jon 17:5), E ekar m̧ōņōņō in ļotak tok ilo jekjek ko rettā im mour ilubwiljid ioon laļ in. Ilo am̧ riiti Luk 2:1–7, kejōkļo̧kjeņ kōn ta eo bwebwenato in kōn ļotak eo An ej katakin eok kōn E. Kajjieon̄ in kile tipdikin meļeļe ko ak ļōmņak ko ilo bwebwenato in me kwojjan̄in kar kili m̧okta. Ewi wāween ad kile an men kein jelōt en̄jake ko am̧ kōn E?

Bar lale “The Christ Child” (video), ChurchofJesusChrist.org.

Matu 2:1–12; Luk 2:8–38

Elōn̄ rikam̧ool ro kōn ļotak eo an Kraist.

Ļotak eo im tōre ko Kraist ekar nin̄nin̄ wōt jān elōn̄ jikin ko im jekjek ko in mour an armej. Ilo am̧ lin̄ūri bwebwenato ko aer, ta eo kwoj ekkatak kōn wāween kabun̄jar im kam̧ool kōn Kraist?

Rikam̧ool an Kraist	Ta eo ij ekkatak jāne kōn kabun̄jar im kam̧ool kōn Kraist?
Rikam̧ool an Kraist Seperd ro (Luk 2:8–20)	Ta eo ij ekkatak jāne kōn kabun̄jar im kam̧ool kōn Kraist?
Rikam̧ool an Kraist Simeon (Luk 2:25–35)	Ta eo ij ekkatak jāne kōn kabun̄jar im kam̧ool kōn Kraist?
Rikam̧ool an Kraist Anna (Luk 2:36–38)	Ta eo ij ekkatak jāne kōn kabun̄jar im kam̧ool kōn Kraist?
Rikam̧ool an Kraist Armej ro Remālōtlōt (Matu 2:1–12)	Ta eo ij ekkatak jāne kōn kabun̄jar im kam̧ool kōn Kraist?

Bar lale 1 Nipai 11:13–23; 3 Nipai 1:5–21; “Shepherds Learn of the Birth of Christ” im “The Christ Child Is Presented at the Temple” (videos), ChurchofJesusChrist.org.

Matu 2:13–23

Jinen im jemān ajri ro remaron̄ bōk revelesōn ko n̄an kōjparok baam̧le ko aer.

Josep ej jāmin kar kōm̧m̧ane ta eo me kar kajjitōk ippān bwe en kōm̧m̧ane—kōjparok Jisōs ilo iien ko Ekar dik—ilo an ejjeļo̧k jipan̄ jān lan̄. Āinwōt Rimālōtlōt ro, ekar bōk juon revelesōn eo rekar kakkōļ e kōn kauwōtata ko. Ilo am̧ kar riiti en̄jake eo an Josep ilo Matu 2:13–23, ļōmņak kōn kauwōtata ko ilo mour in jetōb im kanniōk me jej jelm̧aeiki rainin. Kejōkļo̧kjeņ kōn en̄jake ko kwaar en̄jake kōn tōl eo an Anij ilo an kōjparok eok im ro rejitōnbōro ippam̧. Ļōmņak in kwaļo̧k en̄jake kein am̧ ippān ro jet. Ta eo kwomaron̄ kōm̧m̧ane n̄an bōk kain tōl in ilju im jekļaj?

N̄an kōmeļeļeikļo̧k, kwomaron̄ ļōmņak n̄an alooje bitio eo “The First Christmas Spirit” (ChurchofJesusChrist.org) kōn juon kōmeļeļe kōn ta eo Josep ekar en̄jake ke ekar jelm̧ae eddo eo n̄an kōkaajririki eo Nejin Anij.

Luk 2:40–52

Men̄e āinwōt juon jodikdik, Jisōs ekar mijōk wōt an kōm̧m̧ane ankilaan Jemān.

Āinwōt juon likao, Rilo̧mo̧o̧r ekar katakin gospel eo ilo kajoor jon̄an rūkaki ro ilo tampeļ ro ekar bwilōn̄ kōn An “mālōtlōt im naan in uwaak” (Luk 2:47). Ta eo kwoj ekkatak jān eoon kein kōn Rilo̧mo̧o̧r eo āinwōt juon likao em̧m̧an dettan? Ewi wāween an rūm̧m̧an ded ro kwojeļā kake er kajjieon̄ “In pād ilo im̧ōn [Jemāer]”? (Luk 2:49). Ewi wāween an jodikdik ro im ajri ro kar jipan̄ eok bōk juon meļeļe em̧ūlaļļo̧k an gospel eo? Ta eo juon kwoj ekkatak jān waanjon̄ak ko an Jisōs ke ekar dik ilo Luk 2:40–52 im ilo Ukok eo an Josep Smith, Matu 3:24–26 (ilo Bible appendix)?

“Kom̧ ar jaje ke bwe em̧m̧an In pād ilo im̧ōn Jema?” (Luk 2:49).

Ta in Ukok eo an Josep Smith?

Kōnke “elōn̄ men ko realikkar im aorōk” rekar jako jān Baibōļ ilo elōn̄ iiō ko rem̧ootļo̧k (1 Nipai 13:28; bar lale Moses 1:41), Irooj ekar kakien Josep Smith n̄an juon etale eim̧we kōn Baibōļ eo, jejeļā kake āinwōt Ukok eo an Josep Smith. Elōn̄ revision ko kar kōm̧m̧ane jān Rikanaan eo rej m̧ōttanļo̧k appendix eo an Armej ro Rekwojarjar ilo Raan Ko Āliktata ilo jeje ko rekwojarjar. Ukook eo an Josep Smith ilo Matu 24, kar jeļā kake āinwōt Josep Smith—Matu, jemaron̄ loe ilo Bōōr eo Eļap Wōņāān. N̄an meļeļe ko reļļapļo̧k, lale “Joseph Smith Translation (JST)” ilo Bible Dictionary im Gospel Topics article “Bible, Inerrancy of” (topics.ChurchofJesusChrist.org).

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Luk 2.Karuwaineneik ro uwaan baam̧le eo n̄an kāālet juon armej ro kar kōmeļeļeiki ilo Luk 2, riit jejjo eoon ko kōn jem̧jerā eo an Rilo̧mo̧o̧r, im kwaļo̧k juon men me rekar ekkatak me ej kōļapļo̧k tōmak eo aer ilo Jisōs Kraist. Al ippān doon “Mary’s Lullaby” ak “The Nativity Song” (Children’s Songbook, 44–45, 52–53). Ta eo jej ekkatak jān al kein kōn ļotak eo an Rilo̧mo̧o̧r?

Ļōmņak kōn jerbal in jin̄n̄a ak pija ko me remaron̄ kōļapļo̧k kōnono eo am̧ kōn ļotak eo an Kraist. (N̄an waanjon̄ak, lale Gospel Art Book ak history.ChurchofJesusChrist.org/exhibit/birth-of-Christ.)

Matu 2:1–12.Ta eo jej ekkatak kōn kappukot im lo jān waanjon̄ak eo an Em̧m̧aan ro Remālōtlōt?

Luk 2:41–49.Ta eo “Jerbal ko an juon Baba”? (Luk 2:49; lale Moses 1:39; Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata, 1.2, ChurchofJesusChrist.org). Ta eo jej ekkatak kōn jerbal eo jān bwebwenato eo ilo Luk 2:41–49? Ļōmņak in je jet iaan wāween ko me baam̧le eo am̧ remaron̄ bōk koņaer ilo jerbal ko an Jemāmi im likūti er ilo juon jar. Ilo wiik in tok, ilo an baam̧le eo am̧ kappukot wāween n̄an jipan̄ jerbal eo an Jemedwōj Ilan̄, remaron̄ kāālet ļōmņak ko jān jar eo. Karōke juon iien eo kwonaaj kwaļo̧k en̄jake ko am̧.

Luk 2:52.Ta eo jemaron̄ ekkatak jān Luk 2:52 kōn wāween an Jisōs kar ejaake ilo mour eo An? Ta kōttōpar ko an juon make im baam̧le eme emaron̄ kōm̧m̧ane n̄an kōļapļo̧k “in wisdom and stature,im ilo em̧m̧an eo ippān Anij im armej”?

N̄an ļōmņak ko reļļapļo̧k ikkijeen katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “Stars Were Gleaming,” Children’s Songbook, 37.

Kōkōm̧anm̧anļo̧k Am̧ Ekkatak Ippam̧ Make

Kōjerbal Jeje Ko Rekwojarjar n̄an Ekkatak Ejipan̄ N̄an bōk ļōmņak ko jet ilo am̧ ekkatak jeje ko rekwojarjar, kōjerbal āinwōt footnotes, Topical Guide, Bible Dictionary, Guide to the Scriptures, im ekkatak ko jet rej jipan̄ loi ilo ChurchofJesusChrist.org.

Rilo̧mo̧o̧r an Laļ ekar itok n̄an laļ ilo ettā.