kōrā eo ej kwaļo̧k gospel eo ilo jikin train station eo

Jānwōde 16–22

Jon 1

Kōm Ar lo Messaia eo

Ilo am̧ riiti Jon 1, je im̧we ko an jetōb kwoj en̄jaki. Laajrak eo an wiik in ilo Itok, Ļoor Eō—N̄an Kajjojo Armej im Baam̧le Ko emaron̄ jipan̄ eok ekkatak jebta in. M̧akūtkūt kein ilaļ remaron̄ lewaj ļōmņak ko kōn wāween jipan̄ ajri ro ekkatak kōn pedpedko ilo Jon 1. M̧akūtkūt ko n̄an ajri ro rōrūttoļo̧k maron̄ kobaiki, n̄e ekkar, n̄an ajri ro reddikļo̧k.

pija ej bōk jikin kwaļo̧k

Kajjitōk bwe ren Kwaļo̧k

N̄an jipan̄ ajri ro kwaļo̧k ta eo rejeļā kōn Jisōs, kwaļo̧k pija ko in An kakūrm̧ool jet iaan jerbal ko An kar kōmeļeļeiki ilo Jon 1 (āinwōt ejaake laļin ak kwaļo̧k gospel eo). Kajjitōk ippān ajri ro n̄an kōmeļeļeik ta eo ej waļo̧k ilo pija ko.

pija ej bōk jikin katakin

Katakin Katak eo: Ajri ro Reddikļo̧k

Jon 1:1–2

Jisōs ekar mour ippān Jemedwōj Ilan̄ m̧okta jān An kar ļotak.

Jon ekar kwaļo̧k bwe Jisōs Kraist ekar mour ippān Anij Jemed m̧okta jān mour eo An ioon laļin. Jekar bar mour ippān Anij m̧okta jān ad kar ļotak (lale “Baam̧le Eo: Juon Naan in Kean̄ n̄an Laļ in,” ChurchofJesusChrist.org). Elmen am̧ naaj katakin ajri ro m̧ool in?

M̧akūtkūt ko Maron̄ Kōm̧m̧ani

• Kōmeļeļeiki bwe “Naan eo” ilo Jon 1:1 ej iokļo̧k Jisōs. Riiti elaaj eoon in, im kajjitōk ippān ajri ro n̄an ba “Jisōs” kajjojo iien kwoj riiti “Naan eo.” Kwaļo̧k meļeļein taitōļ eo “Mour eo M̧okta” (ChurchofJesusChrist.org; bar lale Behold Your Little Ones [2008], 15). Kōmeļeļeik bwe Jisōs Kraist ekar mour ippān Jemedwōj Ilan̄ m̧okta jān An itok n̄an laļ in.

• Jin̄n̄a jān kein katak ko āinwōt kein n̄an katakin ajri ro kōn mour eo ad ippān Anij m̧okta jen ad itok n̄an laļin: “Introduction: Our Heavenly Father’s Plan” (ilo New Testament Stories, 1–5, ak bitio in jipan̄ eo ChurchofJesusChrist.org) ak “Mour eo M̧okta” ilo Unin Tōl eo n̄an Jeje ko Rekwojarjar (scriptures.ChurchofJesusChrist.org).

• Kūrtok juon m̧am̧a ak baba n̄an bōktok juon nin̄nin̄ n̄an kūlaaj eo. Kajjitōk ippān ajri ro ia eo jetōb eo an nin̄nin̄ eo ekar mour ie m̧okta jān an ļotak. Kakeememej ajri ro bwe rekar bar nin̄nin̄, im kam̧ool bwe raar bar mour ippān Jemedwōj Ilan̄ āinwōt ajri in jetōb ro m̧okta jān aer kar ļotak.

Jon 1:3

Jisōs ekar kōm̧anm̧an men otemjeļo̧k.

Jeļā kōn jerbal eo an Jisōs Kraist āinwōt kar Rikōm̧anm̧an emaron̄ jipan̄ ajri ro kwoj katakin kōļapļo̧k aer leke ilo E.

M̧akūtkūt ko Maron̄ Kōm̧m̧ani

• Riiti Jon 1:3 ippān ajri ro, im kwaļo̧k pija ko jān unin tōl eo an wiik in ilo Itok, Ļoor Eō—N̄an Kajjojo Armej im Baam̧le Ko. Jipan̄ ajiro ro kakkilōklōke naan eo “aolep men otemjeļo̧k kar kōm̧anm̧ani jān [Jisōs Kraist].”

• Kwaļo̧k n̄an juon iaan ajri ro juon pijain juon iaan kōm̧anm̧an ko an Irooj. Kōtļo̧k bwe en kōmeļeļeiki n̄an ajri ro jet, im kajjitōk ippāer n̄an kajidedeiki ta eo kar kōmeļeļeiki.

• Kajjitōk ippān kajjojo ajri n̄an ba etan men ko me Jisōs Kraist ekar kōm̧anm̧ani. Jipan̄ ajri ro ļōmņaki wāween ko remaron̄ kōjparok laļin im menin kōm̧anm̧an ko jet an Anij.

An aļ tak ilo wōjke ko

Jisōs Kraist ekar kōm̧anm̧an laļin im aolep men ko ie.

Jon 1:35–51

Imaron̄ kūrtok ro jet n̄an itok n̄an Jisōs Kraist im ekkata kōn E.

Jon 1 epād ie bwebwenato in rijiliōk ro ro rekar kūrtok armej ro n̄an “itok im lale” bwe Jisōs ej nejin Anij. Aaet em̧ool ajri ro reddik remaron̄ ļoor waanjon̄ak in.

M̧akūtkūt ko Maron̄ Kōm̧m̧ani

• Kōmeļeļeiki elmen an kar Andrew kar jeļā kōn Jisōs, im kwaļo̧k elmen an kar Andrew kar katakin Piter (lale Jon 1:35–42). Kwaļo̧k elmen am̧ kar jeļā kōn Kabun̄ in, ak kūrtok juon membōr ekāāl n̄an kwaļo̧k elmen an kar jeļā kōn Kabun̄ in.

• Kwaļo̧k bwebwenato In an kar Pilip kūr Natanel bween “itok im lale” (Jon 1:43–51). Ņooj juon pijain Jisōs ilo juon bo̧o̧k, im kūrtok juon ajri bween “itok im lale” innām ba n̄an ajri ro jet kōn ta eo ekar loe.

• Kōtļo̧k an ajri ro kōļare peij in m̧akūtkūt eo an wiik in, im rōjan̄ er n̄an kōjerbale n̄an kūrtok ro jet n̄an ekkatak kōn Jisōs.

• Kajjitōk ippān juon ajri n̄an kwaļo̧k kōn juon iien ke ekar aje jet men, āinwōt kein ikkure ak menin leļo̧k, n̄an ro jet. Elmen ad maron̄ kwaļo̧k gospel eo? Kwaļo̧k juon bwebwenato in juon ajri eo ekar kwaļo̧k gospel eo n̄an eo m̧ōttan, āinwōt “A Friend im a Missionary,” Jera, Juļae 2018, 12–13; Liaona, Juļae 2018, 70–71.

pija ej bōk jikin katakin

Katakin Katak eo: Ajri ro Rerūttoļo̧k

Jon 1:1–5

Jisōs Kraist ekar jokwe ippān Jemedwōj Ilan̄ m̧okta jān An kar ļotak.

Men̄e E ekar ļotak, Jisōs Kraist ekar kōm̧m̧ane jerbal eo eaorōk ilo karōk eo an Jemedwōj Ilan̄. Ilo am riiti Jon 1:1–5, ta eo ej im̧we eok kōn jerbal eo an Kraist kar ilo mour eo m̧okta?

M̧akūtkūt ko Maron̄ Kōm̧m̧ani

• Kajjitōk ippān ajri ro n̄e rejeļā jabdewōt men kōn ta eo Jisōs ekar kōm̧m̧ane m̧okta jān An kar ļotak. Kajjitōk ippāer n̄an lale uwaak ko ilo Jon 1:1–5. Emaron̄ em̧m̧an n̄an lale ilo Josep Smith Ukook, Jon 1:1–5 ( ilo Bible appendix).

• Kwaļo̧k m̧ōttan ko ilo “Introduction: Our Heavenly Father’s Plan” (ilo New Testament Stories, 1–5, ak bitio in jipan̄ eo ilo ChurchofJesusChrist.org). Kajjitōk ippān ajri ro ta eo rekar jeļā kōn Jisōs Kraist.

• Jejjo̧ raan m̧oktaļo̧k, kajjitōk ippān jet ajri bwe ren itok n̄an kūlaaj ilo aer pojak n̄an kwaļo̧k ak kōmeļeļeiki men ko rekar kōm̧m̧ani. Kwaļo̧k pija in jet iaan kōm̧anm̧an ko an Irooj, im kōjerbal Jon 1:3 n̄an kōmeļeļeiki bwe Jisōs ekar kōm̧anm̧an laļin im men otemjej.

Jon 1:4–9

Jisōs Kraist ej aō meram.

Kōkkaļļe in meram in emaron̄ jipan̄ ajri ro meļeļe kōn Rilo̧mo̧o̧r im gospel in An. Elmen am̧ maron̄ im̧we ajri ro n̄an kappukot meram eo an Rilo̧mo̧o̧r ilo an laļin marok??

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an riiti Sam Ko 27:1; Jon 1:4–9; Mosaia 16:9; im Katak im Bujen Ko 39:1–2, lali naan kein me eoon kein rej āinjuon wōt kakii. Elmen an Jisōs Kraist āinwōt juon meram?

• Kwaļo̧k juon pija in Rilo̧mo̧o̧r im jet men ko rej kwaļo̧k meram, āinwōt ten̄ki. Elmen an Jisōs Kraist āinwōt men kein? Ekōjkan ad maron̄ kwaļo̧k meram eo An n̄an ro jet? Al ippān doon “The Lord Is My Light” (Hymns, no. 89) ak al ko jet kōn meram in gospel in.

• Kajjitōk ippān ajri ro ta eo rej kōm̧m̧ane n̄e rej pād ilo marok im en̄jake mijak. Kam̧ool bwe remaron̄ iien otemjej oktaļo̧k n̄an Rilo̧mo̧o̧r n̄e rej mijak.

Jon 1:35–51

Āinwōt juon rikaļoor an Jisōs Kraist, imaron̄ kūr ro jet n̄an ļoor E.

Ļōmņak kōn wāween am̧ maron̄ kōjerbal waanjon̄ak ko ilo Jon 1:35–51 n̄an rōjan̄ ajri ro n̄an kūrtok ro jet n̄an ekkatak kōn Rilo̧mo̧o̧r.

M̧akūtkūt ko Maron̄ Kōm̧m̧ani

• Jipan̄ ajri ro lale Jon 1:35–51 n̄an pukōt men ko me armej ro rekar ba n̄an kūrtok ro jet n̄an ekkatak kōn Rilo̧mo̧o̧r. Kōtļo̧k aer kaminene ta eo remaron̄ ba n̄an kūrtok ro m̧ōttaer n̄an ekkatak kōn E.

• Kajjitōk ippān ajri ro n̄an kōjerbal peij in m̧akūtkūt eo an wiik in n̄an kōm̧m̧ane juon kūr bwe ren kōjerbale n̄an kūrtok juon m̧ōttaer ak uwaan baam̧le eo n̄an ekkatak eļapļo̧k kōn Jisōs Kraist.

• Leļo̧k n̄an ajri ro iien em̧m̧an n̄an kwaļo̧k n̄an kūlaaj eo kōn men eo me em̧m̧an ippāer. Jipan̄ ajri ro loe wāween kwaļo̧k gospel in emaron̄ āinwōt kwaļo̧k n̄an ro jet men ko em̧m̧an ippād (n̄an waanjon̄ak, lale bitio in “Good Things to Share” ilo Churchofjesuschrist.org).

pija ej bōk jikin ekkatak

Kōketak Ekkatak ilo M̧weo

Rōjan̄ ajri ro n̄an kūrtok ro jet rej iakwe n̄an ekkatak eļapļo̧k kōn Jesus Christ.

Kōkm̧anm̧anļo̧k Ad Katakin

Kōjerbal kein katakin kōjerbal pija. Kappukot wāween ko n̄an jipan̄ ajri ro pijaikļo̧k ta eo rejekkatak ilo jeje ko rekwojarjar. Komaron̄ kōm̧m̧ane men in ilo gospel art, jin̄a ko, bitio ko, puppet ko, ak skit ko.

peij in m̧akūtkūt: ekkatak kōn Jisōs Kraist