Jon Ripeptaij ej peptaiji Jisōs

Kūlaaj wintō ko ilo Nauvoo Illinois Temple, jān Tom Holdman

Jānwōde 23–29

Matu 3; Mark 1; Luk 3

“Kōpooj iaļ eo an Irooj.”

Ilo am̧ riit kōn Jon Ripeptaij im peptaij eo an Jisōs Kraist, je jabdewōt im̧we ko an jetōb en̄jake kwoj bōke. Itok, Ļoor Eō—N̄an Kajjojo Armej im Baam̧le Ko emaron̄ jipan̄ eok meļeļe eoon kein im jipan̄ eok rie ekkatak eo me ajri ro rej kōm̧m̧ani im̧oko.

pija ej bōk jikin kwaļo̧k

Kajjitōk bwe ren Kwaļo̧k

N̄an leļo̧k n̄an ajri ro jidik iien n̄an kwaļo̧k ta eo rekar ekkatak, kwaļo̧k pijain an kar Jisōs peptaij. Kajjitōk ippāer bwe ren kwaļo̧k n̄an kwe ta eo ej waļo̧k ilo pija in im elmen aer en̄jake kōn peptaij.

pija ej bōk jikin katakin

Katakin Katak eo: Ajri ro Reddikļo̧k

Matu 3:13–17

Imaron̄ peptaij āinwōt kar Jisōs.

Elmen am̧ kōjerbal bwebwenato in peptaij eo an Jisōs n̄an jipan̄ ajri ro kōppopo n̄an peptaij?

M̧akūtkūt ko Maron̄ Kōm̧m̧ani

• Kōmeļeļeik bwebwenato in peptaij eo an Rilo̧mo̧o̧r (lale Matu 3:13–17; bar lale “Jebta 10: Jisōs ej Peptaij,” ilo Bwebwenato ko ilo Kalim̧m̧ur Ekāāl, 26–29, ak bitio in jipan̄ ko ilo ChurchofJesusChrist.org). Kōmeļeļeiki bwe Jisōs ekar peptaij kōn tūlo̧k kōn dān jān juon eo ej kabwijer mālim eo an priesthood. Āliji bwebwenato in elōn̄ alen im kajjitōk ippān ajri ro n̄an kwaļo̧k ta eo rej keememeje.

• Kwaļo̧k juon pijain an kar Jisōs peptaij ilo peij in m̧akūtkūt eo an wiik in. Kōtļo̧k an ajri ro kallikkar oktak ko ikōtaan pija ko ruo. (Ewōr juon pija in an kar Jisōs peptaij ilo laajrak eo an wiik in ilo Ļoor Eō—N̄an Kajjojo Armej im Baam̧le ko).

• Lali kallim̧ur ko me ajri ro renaaj kōm̧m̧ane n̄e renaaj peptaij (see Mosaia 18:8–10; Katak im Bujen ko 20:37; Unin Tōl eo n̄an Jeje ko Rekwojarjar, “Baptism,” topics.ChurchofJesusChrist.org). Kajjitōk ippāer ewi wōt iaan men ko em̧ōj de aer kōm̧m̧ane.

• Kajjitōk ippān juon membōr in bisoprik eo bwe en kwaļo̧k kōn peptaij intōpiu eo renaaj kōm̧m̧ane m̧okta jān aer peptaij.

• Al ippān doon kōn juon al kōn peptaij, eo āinwōt “BaptismChildren’s Songbook,, 100–101). Kajjitōk ippān juon ajri n̄an tōl ajri ro jet ilo aer al.

leddik eo ej peptaij

Jemaron̄ ļoor waanjon̄ak eo an Jisōs ilo ad peptaij.

Matu 3:11, 16

Jetōb Kwojarjar ej jipan̄ n̄a.

Ilo kakkobaba n̄an kōppopo n̄an peptaij, ajri ro rej bar kepopo n̄an bōk menin letok eo an Jetōb Kwojarjar. Elmen ad jipan̄ er?

M̧akūtkūt ko Maron̄ Kōm̧m̧ani

• Kōjerbal Matu 3:11, 16 n̄an katakin ajri ro bwe Jetōb Kwojarjar ekar walaļtak ioon Jisōs ke E ekar peptaij (juon m̧ūļe ekar waļo̧k āinwōt juon kōkaļļein n̄an kwaļo̧k ke menin ekar kōm̧m̧an). Kwaļo̧k pija eo The Gift of the Holy Ghost (Gospel Art Book, no. 105), im kōmeļeļiki bwe jej bōk menin letok eo an Jetōb Kwojarjar n̄e jej kapen.

• Bōktok juon bo̧o̧k eobrak kōn men ko āinwōt juon pijain Jisōs, juon buļan̄kōj, im juon kam̧bōj ak māb. Kajjitōk ippān ajri ro n̄an kāālet juon aitōm̧, im kōtļo̧k bwe ren kōmeļeļeiki elmen an kajjojo men kein pinej jenkwan an Jetōb Kwojarjar maron̄ jipan̄ kōj—Ej kam̧ool kōn Jisōs (lale Jon 15:26), kaenōm̧m̧an kōj (lale Jon 14:26), im kwaļo̧k n̄an kōj iaļ eo ejim̧we (lale 2 Nipai 32:5).

• Kwaļo̧k en̄jake eo am make n̄an bōk jipan̄ jān Jetōb Kwojarjar.

• Kajjitōk ippān ajri ro n̄an ron̄jake wāween ko Jetōb Kwojarjar ej jipan̄ kōj ilo aer al juon al kōn E, āinwōt “The Holy Ghost” (Children’s Songbook, 105).

pija ej bōk jikin katakin

Katakin Katak eo: Ajri ro Rerūttoļo̧k

Matu 3

Ij jeraam̧m̧an kōn kain̄i ko an Priesthood eo an Aron.

Jon Ripeptaij eaar kabwijer Priesthood eo an Aron, riit kōn e ilo Matu 3 ej juon iien em̧m̧an n̄an katakin ajri ro kōn Priesthood eo an Aron. Jipan̄ er kile kōjeraam̧m̧an ko im kajoor eo me ej itok n̄an kōj jān priesthood in.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an kōm̧m̧ane juon laajrak in eddo ko an Priesthood eo an Aron, kōjerbali ilo Katak im Bujen Ko 20:46, 58–60; 84:111. Kajjitōk bwe ajri ro ren lale ilo Matu 3 n̄an waanjon̄ak ko Jon ekar kakūrm̧ool jet iaan eddo kein. Elmen ad aolep maron̄ kūrtok ro jet n̄an itok n̄an Kraist, āinwōt kar Jon?

• Kwaļo̧k jet pijain rikabwijer ro an Priesthood eo Aron rej kōm̧m̧ani kain̄i ko an peptaij im kwokwoj eo (lale Gospel Art Book, nos. 103–4, 107–8). Kwaļo̧k elmen an kain̄i kein kepooj kōj n̄an bōk Jisōs Kraist im kōjeraam̧m̧an ko an Pinmuur eo An.

• Riiit ippān doon Katak im Bujen Ko 13:1, im kam̧ool bwe Jon Ripeptaij ekar kōjepļaaktok Priesthood eo an Aron n̄an Josep Smith. Kajjitōk ippān ajri ro ewi wāween aer jeraam̧m̧an kōn wōt kar jepļaaktok eo an Priesthood eo an Aron.

Matu 3:13–17; Mark 1:1–11; Luk 3:2–18

Imaron̄ kōjparok bujen peptaij ko aō.

Ekkatak kōn bwebwenato in peptaij eo an Jisōs ej letok juon iien em̧m̧an n̄an jipan̄ ajri ro etale bujen peptaij ko aer im kajjieon̄ in kōjparoki.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an bōk kūņaer riiti eoon ko jān Mark 1:1–11. Kōnono etke Jemedwōj Ilan̄ ekōņaan bwe jān peptaij. Etke Jisōs ekar peptaij, men̄e E ekar jab aikuj erreeo jān jerawiwi? Jipan̄ ajri ro pukōt uwaak ko n̄an kajjitōk in ilo Matu 3:13–15 im 2 Nipai 31:6–7.

• Etale bujen ko ajri ro rekar kōm̧m̧ani ilo iien peptaij, loi ilo Mosaia 18:8–10 im Katak im Bujen Ko 20:37. Kajjitōk ippān ajri ro n̄an je kein jipan̄ ko ilo peij in m̧akūtkūt eo an wiik in.

• Kepooj jet m̧ōttan kaat ko māji ippān naan ko ak pija ko me rej pinej jenkwan bujen peptaij ko ad. Kōpedoiki kaat ko. Kajjitōk ippān ajri ro n̄an bōk kuņaer ruo ļo̧k ruo, n̄an kōmājeeji. Ālikin kōmājeej, kajjitōk ippān ajri ro n̄an kwaļo̧k wāween ko rekar kōjparok bujen ko aer.

• Kwaļo̧k elmen am̧ kōjparok bujen ko am̧ kar kōjeraam̧m̧an eok.

Matu 3:11, 16

Jetōb Kwojarjar eo emaron̄ tōl eō.

Ajri ro rej ekkatak elmen kile n̄an ļoor tōl eo an Jetōb Kwojarjar. Jipan̄ er meļeļe bwe kōjparok bujen peptaij ko aer enaaj jipan̄ er erreeo n̄an bōk tōl eo An.

M̧akūtkūt ko Maron̄ Kōm̧m̧ani

• Kajjitōk ippān kajjojo ajri n̄an riiti eoon kein ilan̄ im kōmeļeļeiki ta eo ej katakin kōn elmen an Jetōb Kwojarjar kōnono n̄an kōj: Hilamōn 5:30; Katak im Bujen Ko 6:23; 8:2–3; 11:12–13.

• Kajjitōk ippān juon ajri bwe en riiti Matu 3:11. Elmen an Jetōb Kwojarjar āinwōt kijeek? N̄an waanjon̄ak, kijeek emaron̄ kaenōm̧m̧an, im letok meram in tōl kōj (lale Jon 15:26; 2 Nipai 32:5).

• Kajjitōk ippān ajri ro bwe ren kiil mejeer im kotak peier. Innām būrajeļo̧k luubdren peirr kōn juon koļin bao ak eo. Kajjitōk ippāer n̄an ba n̄an eok iien eo rej en̄jake. Ta eo m̧akūtkūt in ej katakin n̄an kile im̧we ko an Jetōb Kwojarjar?

• Kajjitōk ippān ajri ro n̄an kwaļo̧k en̄jake ko aer kōn Jetōb Kwojarjar. Etke kōjparok bujen ko ad ejipan̄ kōj bōk tōl eo an Jetōb Kwojarjar?

pija ej bōk jikin ekkatak

Kōketak Ekkatak ilo M̧weo

Rōjan̄ kajjojo ajri ro n̄an kajjitōk ippān jineer im jemeer, ro uwaan baam̧le ko jet, ak ro m̧ōttaer kōn peptaij ko aer.

Kōkm̧anm̧anļo̧k Ad Katakin

Kappukot im̧we eo am̧ make. Jab lale laajrak kein āinwōt kōmeļeļe ko kwōj aikuj ļoor ilo am katakin. Ijoke, kōjerbali āinwōt juon kein jipan̄ n̄an ļōmņak ko n̄an kōļapļo̧k im̧we ko am̧ make ilo am̧ kejōkļo̧kjeņ kōn aikuj ko an ajri ro kwoj katakin. (Lale Teaching in the Savior’s Way, 7.)

peij in m̧akūtkūt: Imaron̄ peptaij āinwōt kar Jisōs