“20–26 Febwari. Matiu 6–7: ‘Hem I Tijim Olgeta Olsem Wan we I Gat Paoa,’” Kam Folem Mi—Blong Praemeri: Niu Testeman 2023 (2022)
“20–26 Febwari. Matiu 6–7,” Kam Folem Mi—Blong Praemeri: 2023
Jisas I Stap Tijim ol Pipol long Sanbij blong Solwota, i kam long James Tissot
20–26 Febwari.
Matiu 6–7
Hem I Tijim Olgeta Olsem Wan we I Gat Paoa
Statem blong ridim Matiu 6–7, mo stap tingbaot ol pikinini we yu tijim. ?Wanem nao ol mesej long ol japta ia we oli nidim blong harem? Kam Folem Mi—Blong Wanwan Man, Woman mo Famli mo aotlaen ia i save helpem yu blong givim sam aedia blong tij olsem we yu nidim.
Invaetem Ol Memba blong Serem Wanem Oli Gat
Askem ol pikinini blong serem wanem oli bin lanem long wik we i pas, blong stap wan laet o wan eksampol blong wan narawan.
Tijim Doktrin: Ol Smol Pikinini
Mi save prea long Papa blong mi long Heven olsem we Jisas i bin mekem.
Ol pikinini oli save lanem blong prea taem oli stap lisin long ol prea blong ol narafala man. ?Olsem wanem yu save helpem olgeta blong lanem aot long prea blong Jisas Kraes long ol ves ia?
Samfala Aktiviti we Yu Save Mekem
-
Luklukbak long ol tijing blong Jisas abaot prea we i yu save fanem long Matiu 6:5–13. Yu save yusum “Japta 20: Jisas I Stap Tij Abaot Prea” (long Ol Niu Testeman Stori, 51–52, o vidio we i go wetem ChurchofJesusChrist.org).
-
Yusum aktiviti pej blong wik ia blong helpem ol pikinini blong tingbaot ol defren pat blong prea.
-
Raet folem han blong wanwan pikinini long wan pis pepa. Tokbaot wanem we yumi mas mekem wetem han blong yumi taem yumi stap prea. Long wanwan han we oli droem long pepa, raetem wan samting we yumi mekem blong soem respek taem yumi prea (eksampol, blong benem hed i go daon, sarem ae mo sam moa).
-
Singsing wan singsing abaot prea wetem ol pikinini olsem “We Bow Our Heads” (Children’s Songbook, 25), mo serem testemoni blong yu abaot paoa blong prea. Invaetem ol pikinini blong oli serem ol eksperiens blong olgeta abaot prea.
Mi save prea long Papa blong mi long Heven olsem Jisas i bin mekem.
Mi mas tritim ol narafala wan semmak olsem we mi wantem ol narafala wan blong tritim mi olsem.
Tijing blong Jisas long Matiu 7:12—we oli save tu olsem, Golden Rul—i givim wan smol gaed long olsem wanem blong tritim ol narafala man. ?Wanem nao bae i helpem ol pikinini we yu tijim blong oli laef folem prinsipol ia?
Samfala Aktiviti we Yu Save Mekem
-
Ridim Matiu 7:12, mo talem long ol toktok we i simpol blong ol pikinini oli save andastanem. Helpem ol pikinini blong tingting long sam wei blong komplitim wan sentens olsem hemia: “Mi laekem taem ol narafala wan blong mi.” Afta long wanwan sentens, invaetem olgeta blong ripitim wetem yu, “So, mi mas blong ol narafala wan.”
-
Singsing wetem ol pikinini wan singsing we yu filim se i pusum yu bakegen long Matiu 7:12, olsem “Jesus Said Love Everyone” (Children’s Songbook, 61). Mekemap sam simpol aksen blong folem singsing. Askem ol pikinini blong lanem abaot olsem wanem yumi mas tritim ol narawan aot long eksampol blong Sevya.
-
Invaetem ol pikinini blong mekem lis blong ol samting we ol kaen, we ol papa mo mama o ol memba blong famli oli mekem blong olgeta. Ridim Matiu 7:12, mo invaetem ol pikinini blong blong talem nem blong ol samting we oli kaen, we oli save mekem long ol famli blong olgeta.
Mi save bildim wan strong fandesen taem mi stap folem Jisas.
Yusum parabol blong Sevya abaot haos we oli bildim long sanbij o long ston, i save stap wan memori wei blong tijim ol pikinini abaot from wanem i impoten blong yusum wanem we yumi lanem.
Samfala Aktiviti we Yu Save Mekem
-
Singsing wetem ol pikinini “The Wise Man and the Foolish Man” (Children’s Songbook, 281), mo yusum ol aksen we bae i go wetem ol toktok blong singsing ia.
-
Yusum Matiu 7:24–27 blong tijim abaot ol samting we oli defdefren bitwin waes man mo krangke man ia. Invaetem ol pikinini blong mekem olsem se oli stap bildim wan haos. ?Olsem wanem yumi save kam olsem waes man?
-
Askem ol pikinini blong droem ol pikja blong parabol blong waes man mo krangke man.
Tijim Doktrin: Ol Bigfala Pikinini
Toktok Antap long Hil, i gat ol mesej blong mi.
Ol japta ia oli gat plante mesej we yu save yusum, we i save aplae i go long ol pikinini we yu tijim. Ridim, mo tingting long ol pikinini long maen blong yu. ?Wanem nao i pulum tingting blong yu?
Samfala Aktiviti we Yu Save Mekem
-
Rimaenem ol pikinini se oli bin stap lanem abaot wanem we Jisas i bin tijim long taem blong Toktok Antap long Hil. ?Wanem ol trutok we oli save tingbaot taem oli stap lanem abaot hemia las wik?
-
Raetem long bod sam long ol sentens aot long Toktok Antap long Hil mo sam narafala sentens we oli stap long ol skripja. Invaetem ol pikinini blong faenem wijwan long ol sentens we i kam long Toktok Antap long Hil. Askem olgeta blong serem wanem we oli lanem aot long ol tijing ia.
-
Jusumaot samfala ves long Matiu 6–7 we yu filim se bae i gat bigfala mining long ol pikinini. Raetem ol refrens blong ol skripja long ol kad, mo haedem olgeta evri ples long rum. Letem ol pikinini ol faenem olgeta, ridim ol ves mo eksplenem se from wanem ol tijing ia oli impoten long olgeta.
-
Serem wan long ol fevret sentens aot long Matiu 6–7, mo eksplenem se from wanem yu laekem. Sapos ol pikinini oli gat wan sentens we oli laekem, invaetem olgeta blong serem se from wanem oli laekem mo wanem nao oli lanem aot long hem.
-
Singsing tugeta wetem ol pikinini wan singsing abaot ol tijing blong Sevya olsem “Mi Traem blong Kam Olsem JisasLiahona, Epril 2012, 64). Stopem singsing taem yu harem wan sentens we i go wetem wan prinsipol we oli tijim long Matiu 6–7. Helpem ol pikinini blong mekem ol koneksen i go long ol samting we oli stap lanem long ol japta ia.
Papa long Heven bae i harem mo ansarem mi taem prea.
Taem yu stadi long Matiu 6:5–13; 7:7–11, ?wanem nao yu filim se ol pikinini oli nidim blong andastanem abaot prea?
Samfala Aktiviti we Yu Save Mekem
-
Invaetem ol pikinini blong raetem Matiu 6:9–13 laod mo afta mekem lis blong ol samting we Sevya i talem long prea blong Hem. ?Olsem wanem nao yumi save folem eksampol blong Hem taem yumi prea?
-
Singsing long wan singsing wetem ol pikinini olsem “?Yu Bin Mekem Prea?” (STSP, namba 140). Helpem ol pikinini blong lukaotem ol toktok blong singsing, blong faenem ol risen from wanem yumi prea mo ol blesing we oli kam taem yumi prea.
-
Helpem ol pikinini blong lanem baehat Matiu 7:7 mo plei wan gem olsem hemia: Wan pikinini bae i talem baehat fas toktok o sentens aot long ves, afta sakem wan balong i go long wan narafala pikinini, we bae hem i talem baehat nekis toktok o sentens.
-
Aktem folem Matiu 7:9–10 wetem ol pikinini mo yusum ol simpol pikja long stik. Askem ol pikinini blong serem wanem hemia i tijim olgeta abaot prea.
-
Serem wan eksperiens long taem we yu kasem ol ansa long ol prea blong yu.
Mi save lukaotem ol tresa we i no save finis be i no ol tresa blong wol ia.
?Olsem wanem nao yu save helpem ol pikinini we yu tijim, oli save putum ol samting we i gat moa valiu mo oli no save finis, bitim ol samting blong wol ia?
Samfala Aktiviti we Yu Save Mekem
-
Karem wan “tresa” bokis we i fulap long ol samting o ol pikja blong ol samting we wol i mekem se i gat bigfala valiu—eksampol, mane o ol pleiplei trak, doli mo sam moa. Ridim Matiu 6:19–21 tugeta, mo afta askem ol pikinini blong helpem yu blong tingting long ol tresa blong heven we i save tekem ples blong ol aetem we i blong wol, we i stap insaed long bokis.
-
Invaetem ol pikinini blong talem nem o dro sam samting we oli save mekem blong “hivimap, … , ol rij samting long heven,” (Matiu 6:20).
Stap Leftemap Tingting blong Lanem Samting long Hom
Invaetem ol pikinini blong serem wetem ol famli blong olgeta, ol fevret tijing blong olgeta aot long Toktok Antap long Hil.
Kam Antap long Fasin blong Yumi blong Stap Tij
Lukaotem blong andastanem ol memba long klas blong yu. Yu save ol pikinini we yu stap tijim. Ol aedia long aotlaen ia, bae i nidim blong oli fanemaot bes wei blong helpem ol nid long klas blong yu. Bae yu wantem blong lukluk bak long evri aktiviti we oli putum long lis insaed long aotlaen ia, i no jes olgeta we i blong yia grup blong ol pikinini we yu stap tijim, long wei ia bae yu save faenem ol aedia blong klas blong yu. (Luk long Teaching in the Savior’s Way, 7.)