I Go long Waelples, i kam long Eva Koleva Timothy

30 Jenuware–5 Febwari

Matiu 4; Luk 4–5

“Spirit blong Lod i Stap long Mi”

Stat blong ridim Matiu 4 mo Luk 4–5blong rere from lesen ia. Kam Folem Mi—Blong Wanwan Man, Woman mo Famli i save helpem yu blong andastanem ol japta ia, mo aotlaen ia i save ol aedia blong tij long yu.

Invaetem Ol Pikinini blong Serem Wanem Oli Gat

Askem ol pikinini blong paspasem wan pikja blong Jisas, long wan pikinini i go long narafala wan. Taem wan pikinini i holem pikja, invaetem hem blong serem wan samting we Jisas i bin mekem taem Hem i bin stap long wol.

Tijim Doktrin: Ol Smol Pikinini

Matiu 4:1–11; Luk 4:1–13

Mi save jusum raet olsem we Jisas i bin mekem.

Ol smol pikinini “oli no save sin” (Doktrin mo Kavenan 29:47). Be, ol stori blong Jisas we i bin winim temtesen blong Setan, i save givim insperesen long ol pikinini blong jusum raet.

Samfala Aktiviti we Yu Save Mekem

• Talem ol stori blong ol temtesen we Jisas i bin fesem long Matiu 4:1–11. (Luk tu long “Japta 11: Jisas Kraes I Bon,” long Ol Niu Testeman Stori, 30–31, o vidio we i go wetem long ChurchofJesusChrist.org.) Long ol taem we i stret, blong stori, askem: “?Wanem nao yu ting se Jisas i sapos blong mekem?

• Soem wan pikja blong Jisas Kraes, mo tokbaot ol joes we wan smol pikinini we i maet mekem. Askem ol pikinini blong tekem wokbaot i go long pikja, wanwan taem we yu tokbaot wan gudfala joes. Askem olgeta blong tekem wan step i kamaot long pikja, evri taem yu tokbaot wan nogud joes.

• Helpem ol pikinini blong lanem ol toktok blong wan singsing abaot fasin blong stap mekem ol gudfala joes olsem “Choose the Right Way” (Children’s Songbook, 160–61). Yusum ol pikja, ol samting, o ol samting we i save help taem oli wajem we i go wetem ol toktok blong singsing.

Luk 4:18–19

Jisas Kraes i Sevya blong mi.

Luk 4:18–19 i tokbaot misin blong Jisas. ?Olsem wanem yu save helpem ol pikinini blong talem tangkyu long ol samting we Hem i bin mekem blong olgeta.

Samfala Aktiviti we Yu Save Mekem

• Ridim Luk 4:18–19 long ol pikinini mo eksplenem se, wanem nao Jisas Kraes i kam blong mekem long wol (blong tijim yumi olsem wanem blong gobak long Papa long Heven, blong kamfotem yumi mo hilim ol pipol). Serem olsem wanem Hem i bin mekem ol samting blong yu.

• Invaetem sam pikinini blong mekem olsem oli gat ol tingting we i fasfas, oli harem nogud o oli sik. Askem ol narafala pikinini blong mekem wan drama blong soem wanem oli save mekem blong helpem olgeta. Testifae se Jisas Kraes i kam long wol blong tijim, kamfotem mo hilim yumi blong mekem se yumi mas folem eksampol blong hem.

• Soem ol pikja blong Jisas we i finisim misin blong Hem (luk long Gospel Art Buk). Askem ol pikinini blong tokbaot wanem Jisas i stap mekem long wanwan pikja. Mo tu, soem ol pipol we oli stap traem blong stap olsem Jisas (yu save faenem sam long ol magasin blong Jos).

Matiu 4:18–22; Luk 5:1–11

Jisas Kraes i invaetem yumi blong kam “ol man blong pulum man.”

Sevya i singaot: “Yutufala i biaen long mi bambae mi mi mekem yutufala i man blong pulum man” (Matiu 4:19), i stap go long evriwan mo ol pikinini.

Samfala Aktiviti we Yu Save Mekem

• Invaetem tufala pikinini blong mekem olsem se, tufala i Saemon Pita mo Andru, taem bae yu ridim Matiu 4:18–22. Helpem ol pikinini blong talemaot wanem nao ol man ia oli lego i stap mo oli folem Jisas.

• Letem ol pikinini oli talem stori, wan afta wan, aot long ol ves ia, mo stap yusum ol pikja andanit ia mo long aotlaen blong wik ia long Kam Folem Mi—Blong Wanwan Man, Woman mo Famli.

• Singsing wan singsing abaot fasin blong stap folem Jisas Kraes, olsem “I Will Follow God’s Plan” (Children’s Songbook, 164). Helpem ol pikinini blong faenem ol samting we oli harem long singsing we oli save mekem blong folem Jisas.

• Yusum aktiviti pej blong wik ia blong toktok raon wetem ol pikinini long olsem wanem oli save kam ol “man blong pulum man” taem oli stap folem Jisas. Yu save plei wan maj gem tu wetem aktiviti pej. Katemaot tu kopi blong wanwan fis, putum tufala fes i go daon, mo askem ol pikinini blong tanem tufala wan afta wan blong majem.

Kraes I Stap Singaotem Tu Disaepol, i kam long Gary Ernest Smith

Tijim Doktrin: Ol Bigfala Pikinini

Matiu 4:1–11; Luk 4:1–13

Jisas i soem eksampol blong mi, taem Hem i no letem temtesen i winim Hem.

Iven Setan i temtem Jisas Kraes, be Hem i neva givap. ?Olsem wanem nao yu save helpem ol pikinini blong folem eksampol blong Hem?

Samfala Aktiviti we Yu Save Mekem

• Mekem wan jat long bod mo raetem Ol Temtesen blong Setan mo Ol Ansa blong Jisas. Helpem ol pikinini blong fulumap jat taem oli stap ridim Matiu:1–11 mo Luk 4:1–13. Askem ol pikinini olsem wanem oli save folem eksampol blong Jisas.

• Raetemdaon sam pat we wan pikinini bae i kasem wan temtesen blong mekem wan joes. Letem pikinini i jusum wan blong ridim, mo askem ol pikinini blong tokbaot olsem wanem save winim temtesen long situesen ia.

Matiu 4:1–2

Blong stap livim kaekae, i helpem mi blong filim kolosap long Papa long Heven.

Bifo Hem i statem seves blong Hem, Jisas i livim kaekae mo “blong toktok long God” (Josef Smit Translesen, Matiu 4:2 [long Matiu 4:2, futnot c]). Helpem ol pikinini blong luksave olsem wanem, fasin blong livim kaekae i save givim paoa long saed blong spirit mo helpem olgeta blong filim kolosap long Papa long Heven.

Samfala Aktiviti we Yu Save Mekem

• invaetem wan pikinini blong ridim Matiu 4:1–2 mo stap yusum ol revisen blong Josef Smit Translesen we i stap long ol futnot. ?Wanem nao Jisas i mekem blong “stap wetem God”? Serem wetem ol pikinini olsem wanem fasin blong livim kaekae i bin helpem yu blong filim kolosap long Papa long Heven.

• Invaetem ol pikinini we oli bin livim kaekae bifo, blong oli serem ol eksperiens blong olgeta. ?Olsem wanem nao bae oli eksplenem blong wan we i neva bin livim kaekae bifo?

• Raetem ol kwestin abaot fasin blong livim kaekae (olsem, from wanem, wetaem o olsem wanem yumi livim kaekae) long ol pis pepa mo putum olgeta insaed long wan bol. Askem ol pikinini blong jusum wan kwestin mo taem blong ansarem. ?Wanem ol eksperiens we yu o ol pikinini i save serem abaot fasin blong livim kaekae?

Luk 4:16–22, 28–30

Jisas Kraes i Sevya blong mi.

Tingting hevi long olsem wanem Sevya i bin blesem laef blong yu. ?Olsem wanem nao yu save helpem ol pikinini blong glad moa long paoa blong Hem long laef blong olgeta?

Samfala Aktiviti we Yu Save Mekem

• Invaetem wan pikinini blong rere blong serem wetem evriwan long klas stori long Luk 4:16–30. Bae i help bigwan blong save yusum “Japta 17: Pipol we Oli Kros long Nasaret” (long Ol Niu Testeman Stori, 42–43, o vidio we i go wetem long ChurchofJesusChrist.org). Yu save soem vidio “Jesus Declares He Is the Messiah” (ChurchofJesusChrist.org).

• Ridim Luk 4:18 mo ol pikinini oli folem. Askem olgeta blong krietem wan lis blong ol samting we Sevya i bin talem se Hem i kam blong mekem. Invaetem ol pikinini blong serem ol eksperiens blong ol taem we Kraes i bin mekem ol samting ia, insaed long ol skripja o long laef blong olgeta.

• Raetem long ol pis blong pepa ol toktok ia: “From Jisas Kraes …” Givim wan pepa long wanwan pikinini, mo invaetem olgeta blong oli komplitim ol sentens ia. Letem olgeta oli serem wanem we oli bin raetem.

Matiu 4:18–22; Luk 5:1–11

Jisas Kraes i stap invaetem yumi blong folem Hem mo blong kam “ol man blong pulum man.”

I gat plante wei we ol pikinini oli save folem Sevya mo kam “ol man blong pulum man” (Matiu 4:19). ?Olsem wanem yu save helpem olgeta blong luksave wanem we oli save mekem i gud we i save jenisim laef blong ol narafala wan?

Samfala Aktiviti we Yu Save Mekem

• Invaetem ol pikinini blong ridim Matiu 4:18–22 mo Luk 5:1–11. Olsem wanem nao ol disaepol blong Jisas oli bin ansa long Hem taem Hem i singaotem olgeta blong folem Hem? ?Wanem nao yumi save mekem blong folem eksampol blong olgeta?

• Soem long ol pikinini sam tul blong fising o wan pikja blong wan man we i stap fising. ?Wanem i minim blong stap “ol man blong pulum man”? ?Wanem ol tul we yumi mas gat blong helpem yumi stap ol man blong pulum man?

Stap Leftemap Tingting blong Lanem Samting long Hom

Invaetem ol pikinini blong serem wetem ol famli blong olgeta wanem oli bin laen abaot olsem wanem kam ol man blong pulum man.

Stap Kam Antap long Fasin blong Yumi blong Stap Tij

Ol pikinini oli save luksave paoa blong Tabu Spirit. Tijim ol pikinini se ol filing blong pis, lav, mo wom filing we oli filim taem oli stap tokbaot o sing abaot Jisas Kraes mo gospel blong Hem i kam long Tabu Spirit. Ol filing ia i save bildimap ol testemoni blong olgeta.