Japta 11: Setan I Bin Testem Jisas

Jesus goes into the wilderness to be with God - ch.11-1

Jisas i bin go long ples we i no gat man long hem blong stap wetem God. Sevya i bin toktok wetem Papa long Heven. Hem i no bin kakae eni samting long 40 dei from Hem i bin livim kakae.

Matiu 4:1–2; Luk 4:1–2

Jesus is tempted by the devil to change rocks into bread - ch.11-2

Devel i bin kam mo testem Jisas blong i pruvum se Hem i Pikinini blong God. Fas samting, hem i bin talem long Jisas blong i jenisim sam ston i kam bred. Jisas i bin hanggri, be Hem i bin save se Hem i mas yusum ol paoa blong Hem blong helpem ol narafala pipol nomo. Hem i no mekem wanem devel i bin talem.

Matiu 4:2–4; Jesus the Christ, 128–29

Jesus is taken to a high place on the temple - ch.11-3

Afta, Tabu Spirit i bin tekem Jisas i go long wan hae ples long tempol. Setan i bin testem Jisas nambatu taem bakegen, mo i talem long Jisas blong i jiam daon aot long ol wol blong tempol. Setan i bin talem se sapos Jisas Hem i tru Pikinini blong God, bae ol enjel oli no save lego Hem i foldaon mo gat kil. Be Jisas i no bin jiam. Hem i save se i rong blong yusum ol tabu paoa blong Hem long wei ia.

Matiu 4:5–7

Jesus is taken to a high mountain - ch.11-4

Afta Tabu Spirit i bin tekem Jisas i go antap long wan hil. Hem i bin soem long Jisas evri kingdom mo ol gudfala samting blong wol. Setan i bin talem long Jisas se Hem i save gat evri samting ia sapos Hem i obei long hem. Jisas i bin talem se bae Hem i obei nomo long Papa long Heven. Hem i bin talem long Setan blong i aot. Setan i bin lego Hem. Ol enjel oli kam mo blesem Jisas. Jisas i bin rere gud blong statem wok blong Hem.

Matiu 4:8–11