Japta 32
Pita I Bin Testifae Abaot Kraes
Jisas i bin askem ol disaepol blong Hem se ol pipol oli stap ting se Hem i huia.
Ol disaepol oli bin ansa se sam pipol oli bin ting se Jisas Hem i Jon Baptaes. Ol narawan oli ting se Hem i wan profet blong OlTesteman we i bin laef bakegen long ded.
Jisas i bin askem ol disaepol blong Hem se oli stap ting se Hem i huia. Pita i bin talem, “Yu yu Mesaea ya, we God i bin promes bifo blong sanem yu yu kam.”
Jisas i bin talem se testemoni blong Pita i no kam long wanem we ol man i lanem. Testemoni blong hem i kam long God tru long revelesen.
Jisas i bin promesem Pita se bae Hem i givim long hem prishud mo atoriti blong Hem blong i lidim Jos blong Hem. Afta Pita mo ol disaepol bae oli gat atoriti blong oli setemap Jos blong Jisas long wol.
Jisas i bin talem long ol disaepol blong Hem blong oli no talem long eni man se Hem i Kraes. Fas samting Hem i mas safa, i mas ded, mo i mas girap bakegen long ded long nambatri dei.