Japta 17

Pipol we Oli Kros long Nasaret

Jesus returns to Nazareth - ch.17-1

Jisas i bin go long Nasaret, taon we Hem i bin groap long hem.

Luk 4:16

Jesus stands up in the synagogue to read from Isaiah - ch.17-2

Jisas i bin go long haos blong prea, wan bilding we ol man Jiu oli yusum olsem Jos. Hem i bin stanap mo ridim ol skripja. Hem i ridim ol toktok blong profet Aesea. Aesea i bin talem se Sevya bae i kam long wol mo helpem evri pipol.

Luk 4:16–19

Jesus sits down after reading from the scriptures - ch.17-3

Taem Jisas i klosem ol skripja mo sidaon, evri man i lukluk Hem.

Luk 4:20

Jesus tells the people in the synagogue that He is the Savior - ch.17-4

Jisas i bin talem se ol toktok blong Aesea oli tokbaot Hem—se Hem i Sevya. Ol pipol oli bin sapraes tumas long ol toktok blong Hem. Oli bin talem, “Hemia pikinini blong Josef ya?” Oli no bin bilivim se Jisas Hem i Pikinini blong God.

Luk 4:21–22

Jesus tells the people He will not do miracles for those without faith - ch.17-5

Sevya i bin save tingting blong olgeta. Oli wantem Hem blong i mekem wan merikel. Be Jisas i bin talem long olgeta se Hem bae i no save mekem ol merikel blong olgeta from olgeta oli no gat fet long Hem.

Luk 4:23–27

Angry people from the synagogue take Jesus to the top of a hill to throw Him off - ch.17-6

Hemia i bin mekem olgeta pipol oli kros. Oli bin tekem Jisas i go antap long hil mo oli wantem sakem Hem i go daon long hil.

Luk 4:28–29

A man asks the Savior to heal his son saying that the disciples had been unable to help him - ch.33-1

Jisas i bin ronwe long olgeta mo i bin go long wan nara taon.

Luk 4:30–31