Japta 27
I Stap Mekem Wok blong Papa blong Hem long Wol
Long wan lafet blong ol man Jiu, Sevya i bin go long wan wota blong Betsata long Jerusalem. Ol pipol oli tingting se taem wota ia i muv, fas man blong jiam i go long wota ia bae i kam gud bakegen.
Jisas i bin luk wan man we i stap kolosap long pul ia we hem i no save wokbaot 38 yia. Hemia long Sabat dei. Jisas i bin askem man ia sapos hem i wantem blong kam gud bakegen. Man ia i talem se bae hem i no save kam gud bakegen from se bae hem i no save mekem blong go insaed long wota fastaem.
Jisas i bin talem long man ia se, “Yu stanap, yu tekem mat blong yu, mo yu wokbaot yu go.” Wantaem nomo man ia i bin kam gud bakegen mo i wokbaot i go.
Plante man Jiu oli bin biliv se hemia i wan sin blong mekem merikel long Sabat. Oli bin wantem blong kilim Jisas.
Jisas i bin ansa se Hem i stap mekem nomo wanem Papa blong Hem bae i mekem long Sabat.