Japta 62

Pol I Obei long Tabu Spirit

Paul prays and is told to go to Jerusalem. - ch.62-1

Tabu Spirit i bin talem long Aposol Pol blong i go long Jerusalem. Tabu Spirit i bin talem se Pol bae i go stap long kalabus. Pol i no fraet. Hem i bin lavem Sevya mo i bin mekem wanem we Tabu Spirit i bin talem long hem blong i mekem.

Ol Wok 20:22–24

Paul gives instruction to his friends before he leaves. - ch.62-2

Pol i bin talem tata long ol fren blong hem. Hem i bin talem se bae hem i neva save luk olgeta bakegen. Hem i bin talem long olgeta blong laef folem gospel mo obei ol komanmen blong God. Pol i bin wonem olgeta blong oli no lisin long ol pipol we oli traem blong tijim olgeta long samting we oli no tru.

Ol Wok 20:25, 28–32

Paul's friends see him off in a boat. - ch.62-3

Pol i bin talem long olgeta blong oli lavem mo lukaotem gud wanwan long olgeta. Hem i bin nildaon mo i bin prea wetem olgeta. Evriwan oli bin krae. Oli bin go wetem hem long bot mo luk Pol i aot igo long Jerusalem.

Ol Wok 20:35–38