Scripture Stories
Ol Ples blong Save

Ol Ples blong Save

(Ol namba we oli stap long ol braket oli ol japta we i tokbaot ol samting we i bin hapen long ol ples ia.)

Map 1: Holi Lan long Ol Niu Testeman Taem

  1. Damaskes Pol i bin stap go long wan siti ia taem Jisas i kamaot long hem mo talem long hem blong i sakem sin. (59)

  2. Sisaria Filipae Long eria ia Jisas i bin testifae abaot ded blong Hem mo Laef Bakegen long Ded, mo Pita i bin testifae se Jisas Hem i Pikinini blong God. (32)

  3. Galili Jisas i bin spendem plante taem long eria ia, blong tijim gospel mo mekem ol sikman oli kam gud bakegen. (19–20, 34, 36)

  4. Kapaneam Jisas i bin mekem plante merikel long siti ia. (23–25, 30)

  5. Si blong Galili Jisas i bin tijim gospel long plante pipol kolosap long ples ia. Jisas i bin stopem wan strong wing mo i wokbaot long wota long Si blong Galili. (18, 21, 29)

  6. Kena Jisas i bin tanem wota i kam waen long wan lafet blong mared long ples ia. Wan man i bin kam long ples ia blong askem Jisas blong i mekem gud bakegen sik pikinini boe blong hem. (12, 16)

  7. Nasaret Jisas i bin groap long siti ia. (2, 4, 9, 17)

  8. Sameria Jisas i bin tijim wan woman abaot wota blong laef long wel long ples ia. Plante man Jiu oli no laekem ol pipol blong Sameria. (15, 58)

  9. Reva blong Jodan Jon Baptaes i bin baptaesem Jisas Kraes long reva ia. (10)

  10. Jopa Pita i bin givimbak laef long Tabita long ples ia. (60)

  11. Jeriko Long parabol ia blong gudfala man Sameria, wan man kolosap oli kilim ded hem taem hem i stap wokbaot long rod blong go long siti ia. (35)

  12. Jerusalem Jisas mo ol Aposol blong Hem oli bin spendem plante taem blong tij long siti ia. Jisas i bin ded mo i laef bakegen long ded long ples ia. (6, 39–40, 44–57, 63) Luk long Map 2 blong sam moa stori we oli bin hapen long Jerusalem.

  13. Betani Lasaros, we Jisas i bin resemap hem long ded, i bin stap long ples ia wetem sista blong hem Meri mo Mata. (43)

  14. Betlehem Jisas Kraes i bin bon long ples ia. (5, 7)

Pikja
map 1

Mediterenian Si

Ded Si

Damaskes

Sisaria Filipae

GALILI

Kapaneam

Si blong Galili

Kena

Nasaret

SAMERIA

Reva blong Jodan

Jopa

Jeriko

Jerusalem

Betani

Betlehem

Map 2: Jerusalem long Taem blong Jisas

  1. Golgota Hemia, ating i ples we Jisas Kraes i bin ded long kros. (53)

  2. Hol blong Ston long Garen Hemia, ating i ples we oli bin berem Jisas Kraes, i bin laef bakegen long ded, mo i bin toktok wetem Meri Magdalen. (53, 54)

  3. Wota blong Betsata Jisas i bin hilim wan man long Sabat long ples ia. (27)

  4. Tempol Long ples ia enjel Gabriel i bin promesem Sekaraea se bae hem i gat wan pikinini boe, we hem i Jon Baptaes. Jisas i bin tij long tempol ia. Mo tu Hem i bin ronemaot ol pipol we oli stap salem ol animol blong mekem ol sakrifaes long tempol ia. (1, 6, 9, 11, 13, 45, 56)

  5. Garen blong Getsemane Jisas Kraes i bin prea, i bin safa from ol sin blong yumi, Judas Iskariot i bin salem Hem, mo oli bin arestem Hem long garen ia. (51, 52)

  6. Hil blong Ol Tri Ya Olif Jisas i bin tokbaot Seken Kaming blong Hem long ples ia. (46)

  7. Haos blong Kaeafas Hemia, ating i ples we ol lida blong ol man Jiu oli bin testem Jisas long hem, mo talem se Hem i stap brekem loa. (52)

  8. Rum Antap Rum ia we Jisas mo ol Aposol blong Hem oli bin kakae Pasova long hem ating i tekem ples long eria ia. Jisas i bin tijim ol Aposol blong Hem abaot sakramen, i no long taem afta oli go long Garen blong Getsemane. (49, 50)

Pikja
map 2

Golgota

Hol blong Ston long Garen

Wota blong Betsata

Tempol

Garen blong Getsemane

Hil blong Ol Tri Ya Olif

Haos blong Kaeafas

Rum Antap

Printim