Japta 13: Jisas mo Haos blong Papa blong Hem long Heven

Jesus goes to the temple in Jerusalem - ch.13-1

Jisas i bin go long tempol long Jerusalem. Plante pipol oli bin stap blong mekem wan sakrifaes blong kilim wan animol mo bonem antap long wan olta. Sakrifaes ia i helpem ol pipol blong oli tingbaot Sevya, we bae Hem i sakrifaesem Hemwan taem Hem i stap safa mo ded from olgeta.

Levitikas 1:3–9; Jon 2:13; Luk long Moses 5:5–7

Jesus sees men selling animals in the temple - ch.13-2

Sam pipol oli no gat wan animol blong mekem sakrifaes. Ol pipol oli bin salem ol animol i go long olgeta long tempol. Ol man blong salem ol samting ia oli wantem mekem plante mane. Oli no tingbaot God.

Jon 2:14

Jesus tells the men that the temple is a holy place - ch.13-3

Jisas i bin luk ol pipol oli stap salem ol animol long tempol. Hem i bin talem se tempol i haos blong Papa long Heven, hem i wan tabu ples. Hem i bin talem se pipol oli no mas pem o salem ol samting long hem.

Jon 2:16

Jesus uses a whip to drive the money changers from the temple - ch.13-4

Jisas i bin mekem wan wip, i kafsaedem ol tebol, sakem ol mane i go long flo, mo ronemaot ol man we oli stap salem ol samting long tempol. Hem bae i no save letem olgeta blong mekem ol rabis samting long haos blong Papa long Heven.

Jon 2:15–16